Gujarati News

Gujarati News

News of Friday, 2nd October 2020

કોરોના વાયરસના કારણોસર કેનેડાએ 31મી ઓક્ટોબર સુધી વિદેશી યાત્રા પર પ્રતિબંધ જાહેર કર્યો

નવી દિલ્હી: કોરોનાનું સંક્રમણ વધે નહીં તે માટે તકેદારીનાં પગલાંરૂપે કેનેડાએ વિદેશી પ્રવાસીઓ પર ૩૧ ઓક્ટોબર સુધી ટ્રાવેલ પ્રતિબંધ લંબાવ્યો છે. કેનેડાના પબ્લિક સેફ્ટી પ્રધાન બિલ બ્લેરે કહ્યું હતું કે અમે અમેરિકા સિવાયના વિદેશી પ્રવાસીઓના પ્રવેશ પરનો પ્રતિબંધ ૩૧ ઓક્ટોબર સુધી લંબાવીએ છીએ. જોકે આ આદેશ કેટલાક અમેરિકન નાગરિકો અને હંગામી વિદેશી કર્મચારીઓ તેમજ રાજદ્વારીઓ અને ફ્લાઈટ ક્રૂને લાગુ પડશે નહીં. કેનેડાએ ૨૫ માર્ચ પછી ત્યાં ક્વોરન્ટાઈનના નિયમો વધુ કડક બનાવ્યા છે. જે વ્યક્તિ તેનો ભંગ કરે તેને ૫,૩૭,૦૦૦ ડોલરનો દંડ કરવામાં આવે છે અને અથવા ૬ મહિનાની કેદ કરાય છે.

        ઇઝરાયેલમાં કોરોનાનું સંક્રમણ વધતા સરકાર દ્વારા કડક પ્રતિબંધો અમલી બનાવાયા છે. લોકો હવે પ્રતિબંધોના વિરોધમાં દેખાવો કરી શકશે નહીં. સરકાર દ્વારા દેખાવો અને વિરોધપ્રદર્શનો પર રોક લગાવતો કાયદો પસાર કરવામાં આવ્યો છે. જે લોકો દેખાવો કરશે તેની ધરપકડ કરાશે.

(5:57 pm IST)
  • ડોનાલ્ડ ટ્રમ્પ તથા મેલાનિયા ટ્રમ્પ જલ્દી સાજા થઇ જાય તેવી શુભેચ્છા : કોવિદ -19 સંક્રમિત ટ્રમ્પ દંપત્તિને તેમના પ્રતિસ્પર્ધી ડેમોક્રેટ ઉમેદવાર જો બિડન તથા પત્ની જિલ એ શુભેચ્છા પાઠવી : તમારી તંદુરસ્તી માટે અમે પ્રાર્થના ચાલુ રાખશું access_time 7:15 pm IST

  • રાપર હત્યાકાંડ : કચ્છના રાપર વકીલ હત્યાકાંડ : સીટમાં વધુ બે અધિકારી પશ્ચિમ કચ્છનાં એસપી સૌરભસિંઘ અને મુન્દ્રા મરીન પીઆઇ ગિરિશ વાણિયાની વરણી આરોપીઓના નાર્કો ટેસ્ટ કરવાની દિશામાં ચક્રો ગતિમાન, હત્યાના ચોક્કસ કારણો જાણવા સીટ દ્વારા તપાસનો ધમધમાટ access_time 10:47 pm IST

  • હાથરસ ગેંગ રેપ : દિલ્હીના જંતર મંતર ઉપર વિરોધ પક્ષોનો જમેલો : સીપીએમ મહાસચિવ સીતારામ યેચુરી ,સીપીઆઇ નેતા ડી.રાજા ,આમ આદમી પાર્ટીના સૌરભ ભારદ્વાજ ,જીગ્નેશ મેવાણી ,ભીમ આર્મીના ચંદ્રશેખર આઝાદ ,તથા બૉલીવુડ અભિનેત્રી સ્વરા ભાસ્કર સહિતનાઓ મેદાનમાં : યુ.પી.સરકાર વિરુદ્ધ સૂત્રોચ્ચાર કર્યા access_time 7:00 pm IST