Gujarati News

Gujarati News

News of Thursday, 17th September 2020

ઓએમજી....આ દેશના નિવાસીઓને બદલવું છે પોતાના મૂળ દેશનું નામ

નવી દિલ્હી: આમ તો  નામ બદલવાથી નામ સિવાય કશું જ બદલાતું નથી તેમ છતાં નામનો મોહ છુટતો નથી, પ્રાચીન વારસો અને તેનું ગૌરવ માણસ જાતનો સ્વભાવ છે. છેલ્લા કેટલાક સમયથી દુનિયામાં નામ બદલવાની પ્રથા વધતી જાય છે.વાત વિશ્વમાં શાંત, સંસ્કારી અને ગુનાખોરીની દુનિયાથી અજાણ ગણાતા ન્યૂઝીલેન્ડની છે.ન્યૂઝીલેન્ડના મૂળ નિવાસી માઉરીઓના એક રાજકિય પક્ષે દેશનું નામ બદલીને આઉતેયરો કરવાનું સુચન કર્યુ હોવાનું જાણવા મળે છે.દેશની સંસ્કૃતિને વધારે સારી રીતે પ્રગટ કરવા માટે સ્વદેશી નામ આપવું જરુરી હોવાની દલીલ કરવામાં આવી છે.

              જો કે ન્યૂઝીલેન્ડના વડાપ્રધાન જેસિંડા આર્ડને નામની અદલા બદલી શકય નહી હોવાનું જણાવ્યું છે. ન્યૂઝીલેન્ડના માઉરીઓ ઉપનિવેશવાદ પહેલા મૂળ નિવાસીઓ હતા.આથી માઉરી નેતા ટે રેયો અને માઉરીઓનો ઇતિહાસ ૧૦ મી ધોરણના અભ્યાસક્રમમાં સામેલ કરવા માટે પણ માંગણી થઇ રહી છે.આ માટે ૪ કરોડ ડોલર રુપિયાનો ખર્ચ થાય તેમ છે,કોલોનિયલ કાળમાં ન્યૂઝિલેન્ડ બ્રિટન પાસે હતું. આ દેશમાં અંગ્રેજો અને માઉરી બંને અધિકૃત ભાષા ગણાય છે. માઉરી જાતી દેશનો સૌથી મોટો લઘુમતિ સમૂદાય છે જે કુલ વસ્તીના ૧૬.૫ ટકા જેટલા છે.

(5:40 pm IST)
  • દેશના પ્રધાનમંત્રી નરેન્દ્ર મોદી આજે 70 વર્ષના થયા છે. દેશભરમાં ભારતીય જનતા પાર્ટી PM મોદીના જન્મદિવસને 'સેવા સપ્તાહ' તરીકે મનાવી રહી છે. આ સાથે જ દિગ્ગજ નેતાઓ દ્વારા PM મોદીને જન્મદિવસની શુભેચ્છાઓ પાઠવવામાં આવી રહી છે. રાષ્ટ્રપતિ રામનાથ કોવિંદથી લઇને ગૃહમંત્રી અમિત શાહ, રક્ષા મંત્રી રાજનાથસિંહ, કોંગ્રેસ નેતા રાહુલ ગાંધી અને અન્ય મોટા નેતાઓએ પીએમ મોદીને જન્મદિવસની શુભેચ્છા પાઠવી. access_time 9:17 am IST

  • ઉમરપાડામાં ખતરનાક વરસાદ : બે કલાકમાં અનરાધાર ૧૧ ઇંચ : વલસાડ: ઉમરપાડામાં બે કલાકમાં ૧૧ ઈંચ વરસાદ ખાબક્યો access_time 7:29 pm IST

  • રસ્તો ક્રોસ કરી રહેલા ઉત્તર પ્રદેશના ભાજપના ધારાસભ્ય દેવેન્દ્ર પ્રતાપ સિંહને વાહને અડફેટે લઇ લીધા : ચા પીવા ઉભા રહ્યા બાદ રસ્તો ઓળંગી રહ્યા હતા ત્યારે પુરપાટ ઝડપે જઈ રહેલા વાહને ટક્કર મારી દીધી : ગંભીર હાલતમાં લખનૌ હોસ્પિટલમાં દાખલ access_time 8:37 pm IST