Gujarati News

Gujarati News

News of Saturday, 21st November 2020

ફેસબુકનો ચોંકાવનારો ખુલાસો:અંદાજે 10 હજારમાંથી 11 પોસ્ટ ફેલાવી રહી છે નફરત

નવી દિલ્હી: ફેસબુકે પહેલી વખત હેટ સ્પીચનો સત્તાવાર અહેવાલ રજૂ કર્યો છે. એ પ્રમાણે ફેસબુકની સરેરાશ ૧૦ હજાર પોસ્ટમાંથી ૧૦થી ૧૧ પોસ્ટ નફરત ફેલાવે છે. જોકે, ફેસબુકે દાવો કર્યો હતો કે ૯૫ ટકા સુધીની આવી વાંધાજનક પોસ્ટ કંપનીએ ડિલિટ કરી દીધી છે. હેટસ્પીચ મુદ્દે ફેસબુકની અવારનવાર ટીકા થાય છે. ફેસબુકે સપ્ટેમ્બરમાં પૂરા થયેલા ક્વાર્ટરનો અહેવાલ રજૂ કર્યો હતો. એ અહેવાલમાં પ્રથમ વખત હેટસ્પીચ એટલે કે નફરત ફેલાવતી પોસ્ટ અંગે સ્પષ્ટતા કરવામાં આવી હતી. અહેવાલ પ્રમાણે ફેસબુકના પ્લેટફોર્મ પર પબ્લિશ થતી ૧૦ હજાર પોસ્ટમાંથી ૧૦થી ૧૧ પોસ્ટ નફરત ફેલાવે તેવી વાંધાજનક હોય છે. ફેસબુકના કહેવા પ્રમાણે ૦.૧૦ કે ૦.૧૧ ટકા પોસ્ટ વાંધાજનક હોય છે. ફેસબુકે તેને ગંભીર બાબત ગણાવી હતી.

(5:39 pm IST)
  • પેટ્રોલમાં ૧૫ પૈસા અને ડિઝલના ભાવમાં ૨૨ પૈસાનો વધારોઃ પેટ્રોલ ડીઝલના ભાવમાં આજે બીજા દિવસે પણ વધારો થયો છે. પેટ્રોલમાં ૧૫ પૈસા અને ડીઝલનાં ભાવમાં પ્રતિ લિટરે ૨૨ પૈસાનો વધારો થયો છે. ભાવ વધારો આજે સવારે ૬ વાગ્યાથી લાગુ થયો છે. access_time 11:38 am IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 45,877 કેસ નોંધાયા :કુલ કેસનો આંકડો 90,50,212 થયો :એક્ટીવ કેસ ઘટીને 4,39,839 થયા:વધુ 48,560 દર્દીઓ સ્વસ્થ થતા કુલ 84,75,576 રિકવર થયા :વધુ 559 લોકોના મોત સાથે કુલ મૃત્યુઆંક 1,32,761 થયો access_time 1:06 am IST

  • જન્મદિવસની પાર્ટીમાં ફાયરીંગ થયું : સપા MLC અમિત યાદવના ફલેટમાં યુવકની હત્યા થઇ : લખનઉમાં સમાજવાદી પાર્ટીના વિધાન પરિષદ સભ્ય અમિત યાદવના ફલેટમાં હત્યાથી હાહાકાર મચી ગઇ access_time 3:22 pm IST