Gujarati News

Gujarati News

News of Saturday, 21st November 2020

પાકિસ્તાને કાશ્મીરમાં કર્યું ફાયરિંગ:એક જવાન શહીદ

નવી દિલ્હી: કાશ્મીરના નાગરોટામાં ચાર આતંકીઓને ઠાર મારવામાં આવતાં શમશમી ગયેલા પાકિસ્તાને આજે ફરી યુદ્ધવિરામનું ઉલ્લંઘન કરી બેફામ ગોળીબાર કરતાં એક જવાન શહિદ થઈ ગયો હતો. આ રીતે સાંબા સેક્ટરમાં બે ડ્રોન ઘૂસી આવતાં ભારતીય જવાનો સાબદાં થઈ ગયા હતા અને ડ્રોનને ખદેડી મુક્યા હતા.

આજે સવારના અરસામાં જમ્મુ-કાશ્મીરના નૌશેરામાં પાકિસ્તાને યુદ્ધવિરામનો ભંગ કરીને ફાયરિંગ કરતાં એક જવાન શહિદ થઈ ગયા હતા. જ્યારે સાંબા વિસ્તારમાં ગત સાંજે બે પાકિસ્તાની ડ્રોન ઘૂસી આવતાં સિક્યોરિટી દળોએ બન્ને ડ્રોનને તોડી પાડ્યા હતા. જમ્મુ-કાશ્મીરને ખાસ દરજ્જો આપતી 370મી કલમ રદ થયા પછી પાકિસ્તાન સખણું રહી શકતું નથી અને કોઈને કોઈ અટકચાળા કર્યે જ રાખે છે. અગાઉ પંજાબ તરફની ભારત-પાક. સરહદે ડ્રોન દ્વારા હથિયારે ઉતારવાનો પાકિસ્તાનનો પ્રયત્ન ભારતીય સેનાએ નિષ્ફળ બનાવ્યો હતો આમ છતાં પાકિસ્તાન સતત ડ્રોન મોકલવાના પ્રયાસો છોડી રહ્યું જ નથી.

(5:37 pm IST)
  • કાશ્મીરમાં સંખ્યાબંધ સ્થળોએ ઈડીના દરોડા : જમ્મુ અને કાશ્મીર બેંકમાં શંકાસ્પદ વ્યવહારોને સાંકળતા મની લોન્ડરિંગ અંગેની તપાસના સંદર્ભે એન્ફોર્સમેન્ટ ડાયરેક્તટોરેટે આજે કાશ્મીરમાં અનેક જગ્યાએ દરોડા પાડયા છે. access_time 6:32 pm IST

  • અયોધ્યા રામ મંદિર નિર્માણ ટ્રસ્ટની મિટિંગ આવતીકાલ રવિવારે દિલ્હીમાં મળશે : એલએન્ડટી, ટાટા કન્સલ્ટન્સી, સોમપુરા કન્સ્ટ્રક્શન તથા દૂરદર્શન સાથેના કરારો અંગે નિર્ણય લેવાશે : ટ્રસ્ટના મહાસચિવ ચંપતરાય ,ટ્રસ્ટી ડો.અનિલ મિશ્ર, વિમલેન્દ્ર મોહન પ્રતાપ મિશ્ર સહિતના અગ્રણીઓ હાજરી આપશે access_time 1:49 pm IST

  • ચીનના ૧૪ વર્ષના છોકરા રેન કેયુએ દુનિયાના ટોલેસ્ટ ટીનેજર (મેલ) નો ખિતાબ મેળવ્યો છે. તે ૭ ફુટ ૩.૦ર ઇંચ ઊંચો છે. ગિનેસ વર્લ્ડ રેકોડ્ર્સે તેના આ વિક્રમને માન્યતા આપી દીધી છે. access_time 11:38 am IST