Gujarati News

નવી દિલ્હી: વર્ષ 2020 પહેલાથી જ ઘણી મોટી આપત્તિઓનું સાક્ષી બન્યું છે. ક્યાંક કોરોના વાયરસના રોગચાળા વચ્ચે કુદરતી આપત્તિઓ પાયમાલ કરી રહી છે. દરમિયાન, ફ્રાન્સની રાજધાની પેરિસમાં બુધવારે એક જોરદાર અવાજથી સમગ્ર શહેર હચમચી ઉઠ્યું હતું. જો કે, પછી ખબર પડી કે વિસ્ફોટનો અવાજ ફાઇટર જેટથી આવ્યો હતો.

            બુધવારે, પેરિસમાં મોટા વિસ્ફોટ જેવો અવાજ આવ્યા પછી લોકોના હોશ ઉડી ગયા હતા અને બધાને શું થયું તેની ચિંતા થવા લાગી. લોકોએ ઇમર્જન્સી સર્વિસીસ પર ફોન કરવાનું શરૂ કર્યું. ઘણા મકાનો પણ હચમચી ગયા હોવાના અહેવાલ મળ્યા છે. જો કે, પાછળથી પોલીસે જણાવ્યું હતું કે જેટ વિમાનનુ સાઉન્ડ બેરિયર તોડવાના કારણે વિસ્ફોટ થયો હતો. ખરેખર, જ્યારે જેટ ધ્વનિની ગતિ કરતા ઝડપથી ઉડે છે, ત્યારે વિસ્ફોટ થાય છે જેને સોનિક બૂમ કહેવામાં આવે છે.