Gujarati News

Gujarati News

News of Friday, 4th December 2020

મેઘાલયમાંથી વિસ્ફોટકો અને ડેટોનેટરની સાથે છ ઝડપાયા

બાતમીના આધારે હાથ ધરાયેલું સર્ચ ઓપરેશન : કારમાંથી ૨૦૦૦ જેલેટિન સ્ટિક્સ-૧૦૦૦ ડેટોનેટર જપ્ત

શિલોંગ, તા. : મેઘાલયના ઇસ્ટ જયંતિયા હિલ્સ જીલ્લામાંથી મોટા પ્રમાણમાં વિસ્ફોટક અને ડેટોનેટર સાથે લોકોની ધરપકડ કરી લેવામાં આવી હતી. પોલીસે આરોપીઓની કારમાંથી ૧૦ પેટીમાં ૨૫૦ કિલોગ્રામ વિસ્ફોટક સામગ્રી (૨૦૦૦ જિલેટિન સ્ટિક્સ), ૧૦૦૦ ડેટોનેટર જપ્ત કર્યુ હતું.

જિલ્લા પોલીસે અંગેની માહિતી આપતા જણાવ્યું કે, ખાસ બાતમીને આધારે ચાર કિમીના વિસ્તારમાં સર્ચ ઓપરેશન શરુ કરવામાં આવ્યુ હતું. જે દરમિયાન અહીંના કોંગોંગ વિસ્તારમાં અસામની કાર પકડાઇ હતી. જેમાંથી મોટા પ્રમાણમાં વિસ્ફોટક સામગ્રી જપ્ત કરાઇ હતી.

પોલીસના જણાવ્યા મુજબ કાર સાથે બે વ્યક્તિઓની ધરપકડ કરાઇ હતી અને પૂછપરછમાં પ્રાપ્ત માહિતી મુજબ અન્ય એક સ્થળે પોલીસે દરોડા પાડ્યા હતા. દરમિયાન ત્યાંથી આશરે ૧૨૭૫ કિલોગ્રામ વિસ્ફોટક સામગ્રી (૧૦,૨૦૦ જિલેટિન સ્ટિક્સઅને ૫૦૦૦ ડેટોનેટર જપ્ત કરાયા હતા. સ્થળેથી અન્ય ચાર આરોપીઓને પણ ઝડપી લેવામાં આવ્યા હતા.

પોલીસની માહિતી મુજબ અભિયાન દરમિયાન કુલ ૧૫૨૫ કિલો વિસ્ફોટક સામગ્રી જપ્ત કરાઇ હતી. આટલા મોટા પ્રમાણમાં વિસ્ફોટક સામગ્રી મળી આવતાં જીલ્લા પોલીસે સતર્કતા સાથે આગળની તપાસ હાથ ધરી હતી.

(8:55 pm IST)
  • સાહિત્યકાર ઝવેરચંદ મેઘાણીના પુત્ર જયંત મેઘાણીનું દુઃખદ નિધન : જાણીતા સાહિત્યકાર ઝવેરચંદ મેઘાણીના પુત્ર જયંત મેઘાણીનું આજે ભાવનગર મુકામે દુઃખદ નિધન થયુ છે : તેઓ ૮૩ વર્ષના હતા : કોમ્પ્યુટર ઉપર કામ કરી રહ્યા હતા ત્યારે અંતિમ શ્વાસ લીધા access_time 3:20 pm IST

  • તાપીમાં સગાઇ કાર્યક્રમમાં ભીડ ભેગી કરવા મામલોઃ ભાજપ નેતા કાંતિ ગામિત સહિત 4 આરોપીના સોનગઢ કોર્ટે 2 દિવસના રિમાન્ડ મંજૂર કર્યા. બાકીના 15 આરોપીની જામીન અરજીની તજવીજ હાથ ધરાઈ access_time 8:54 pm IST

  • શેરબજારમાં તેજીનું તોફાનઃ સેન્સેકસ સૌ પહેલીવાર ૪૫૦૦૦ ઉપરઃ શેરબજારમાં તેજીનુ તોફાનઃ રીઝર્વ બેન્કના ફેંસલાઓ બાદ નિફટી રેકોર્ડ સ્તરેઃ સેન્સેકસ પહેલીવાર ૪૫૦૦૦ ઉપરઃ ઈન્ટ્રા ડેમાં પહેલીવાર આ સપાટી દર્શાવીઃ છેલ્લે સેન્સેકસ ૩૦૨ પોઈન્ટ વધીને ૪૪૯૩૫, નિફટી ૧૩૨૨૫: તમામ સેકટર ગ્રીન ઝોનમાં: બેન્ક નિફટી ૩૦૦૦૦ નજીક access_time 10:47 am IST