Gujarati News

Gujarati News

News of Thursday, 10th September 2020

રાજકોટમાં કોરોનાએ આજે વધુ ૨૬નો ભોગ લીધો

શહેરમાં ૧૪, જીલ્લામાં ૬ તથા અન્ય જીલ્લામાં ૬ દર્દીઓનાં મોતઃ છેલ્લા ચાર દિવસમાં ૧૧૦ના મોત : સરકાર નિયુકત કોવિડ ડેથ - ઓડિટ કમિટિએ જાહેર કર્યા મુજબ રાજકોટ જીલ્લામાં છેલ્લા ૨૪ કલાકમાં કોરોનાથી એક પણ મોત નથી જ્યારે શહેરમાં માત્ર ૨ મૃત્યુ નોંધાયા છેઃ આજ દિન સુધીમાં કુલ મૃત્યુ ૮૦ થયા

રાજકોટ, તા. ૧૦ :  વૈશ્વિક મહામારી કોરોનાએ રાજકોટમાં કાળો કેર વર્તાવ્યો છે. સતત થઇ રહેલા મૃત્યુ વચ્ચે આજે એક જ રાતમાં અધધધ ૨૬ દર્દીઓનો ભોગ લેવાઇ જતાં હાહાકાર મચી ગયો છે. શહેરમાં ૧૪, જીલ્લાનાં ૬ તથા અનય જીલ્લાનાં ૬ સહિત કુલ ૨૬ દર્દીઓના મોત થયા છે. તે સાથે છેલ્લા ચાર  દિવસમાં મૃત્યુઆંક ૧૧૦ થઇ ગયો છે.

સરકાર નિયુકત કોવિડ ડેથ - ઓડિટ કમિટિએ જાહેર કર્યા મુજબ રાજકોટ જીલ્લામાં છેલ્લા ૨૪ કલાકમાં કોરોનાથી એક પણ મોત નથી જ્યારે શહેરમાં માત્ર ૨ મૃત્યુ નોંધાયા છેઃ આજ દિન સુધીમાં કુલ મૃત્યુ ૮૦ થયા

તંત્ર દ્વારા જાહેર કરાયેલ સત્તાવાર યાદીમાં તા.૮ના સવારે ૮ વાગ્યાથી તા.૯સપ્ટેમ્બર સવારે ૮ વાગ્યા સુધીમાં શહેર અને ગ્રામ્યના ૩૦ તેમજ તા.૯ના સવારે ૮ વાગ્યાથી આજે તા.૧૦ના સવારે ૮ વાગ્યા સુધીમાં ૨૬ દર્દીઓના કોરોનાની સારવાર દરમિયાન મોત થયા છે.

રાજકોટમાં કોરોનાની સારવાર હેઠળ છેલ્લા ૨૪ કલાકમાં શહેર - જિલ્લાના ૨૬ દર્દીઓએ દમ તોડી દીધા હતો. આ સાથે છેલ્લાચારજ દિવસમાં કોરોનાએ ૧૧૦ લોકોની જિંદગી છીનવી લીધી હતી. દરેક સરકારી તંત્રો કોરોનાને મ્હાત કરવામાં વામણા સાબિત થઇ રહ્યા છે અને બીજી તરફ લોકોના જીવ તાળવે ચોટી ગયા છે.

શહેર - જિલ્લામાં રોજબરોજ જે દર્દીઓના મોત થઇ રહ્યા છે તેમાં મોટી ઉમરના દર્દીઓનો સમાવેશ વધુ થાય છે. યુવાન અને આધેડ પણ કોરોનાને કારણે કાળનો કોળીયો બની રહ્યા છે. પોઝિટિવ દર્દીઓની સંખ્યા વધી રહી છે અને મૃત્યુઆંક પણ વધી રહ્યો છે. લોકોએ જાતે જ સાવચેત રહેવું જરૂરી બન્યું છે.

 આમ છતાં રાજકોટ સિવિલમાં કોરોનાની સારવાર દરમિયાન મૃત્યુનો આંક ઓછો થતો ન હોઇ લોકોમાં જબરો ફફડાટ વ્યાપી ગયો છે.

(11:08 am IST)
  • મુંબઈના મેયર કિશોરી પેડનેકરનો કોરોના ટેસ્‍ટ પોઝીટીવ આવ્‍યો છે : તેણે કહેલ કે તે એ સીમ્‍ટોમેટીક છે access_time 5:53 pm IST

  • દિલ્હીમાં ખાનગી સ્કૂલોની ફી વધારા પર રોક લગાવતી કેજરીવાલ સરકાર : સંસ્કૃતિ સ્કૂલને પહેલા મળેલ ફી વધારાની મંજૂરી પણ રદ કરાઈ : મનીષ સિસોદિયાએ જણાવ્યું મુખ્યમંત્રી કેજરીવાલ સાથે વિચાર વિમર્શ બાદ સંસ્કૃતિ સ્કૂલમાં કોઈપણ પ્રકારની ફી વધારા પર સંપૂર્ણ રોક લગાવી દેવાઈ છે access_time 11:47 pm IST

  • અમદાવાદના પૂર્વ સાંસદ તથા બૉલીવુડ એક્ટર પરેશ રાવલની ' ઇન્ડિયન સ્કૂલ ઓફ ડ્રામા ' ના અધ્યક્ષ તરીકે નિમણુંક : 4 વર્ષ માટે જવાબદારી સંભાળશે : 2014 થી 2019 ની સાલ દરમિયાન અમદાવાદ ઇસ્ટના ભાજપના સાંસદ તરીકે ચૂંટાઈ આવ્યા હતા access_time 6:21 pm IST