Gujarati News

Gujarati News

News of Thursday, 10th September 2020

૧૭૩ કરોડનું કૌભાંડ

બેન્ક સાથે છેતરપિંડી આચરનારી વડોદરાની જવેલરી ફર્મ સામે સીબીઆઇએ ફરિયાદ નોંધાવી

સીબીઆઇને કરેલી ફરિયાદમાં બેન્ક ઓફ બરોડાએ કંપની, તેના ડિરેકટર તથા અન્યો પર ગુનાહિત કાવતરું, ગુનાહિત ગેરવર્તણૂક, છેતરપિંડી, પ્રપંચ કરવાનો અને જાહેર ભંડોળનું ડાઇવર્ઝન કરવાનો આરોપ મૂકયો હતો

મુંબઇ, તા.૧૦: સેન્ટ્રલ બ્યુરો ઓફ ઇન્વેસ્ટિગેશન (સીબીઆઇ)એ બેન્ક ઓફ બરોડા સાથે ૧૭૩.૬૩ કરોડ રૂપિયાની છેતરપિંડી આચરવા બદલ વડોદરાસ્થિત જવેલરી ફર્મ અને તેના ડિરેકટર વિરુદ્ઘ એફઆઇઆર નોંધાવ્યો છે.

સીબીઆઇએ મંગળવારે તેની એસીબી-ગાંધીનગર ઓફિસ ખાતે શ્રી મુકત જવેલર્સ બરોડા પ્રાઇવેટ લિમિટેડ, તેના પ્રમોટર-કમ-ડિરેકટર હર્ષ સોની અને અજાણી વ્યકિતઓ વિરુદ્ઘ એફઆઇઆર નોંધાવ્યો હતો. બેન્કની ફરિયાદ મુજબ સોની ફરાર છે.

સીબીઆઇને કરેલી ફરિયાદમાં બેન્ક ઓફ બરોડાએ કંપની, તેના ડિરેકટર તથા અન્યો પર ગુનાહિત કાવતરું, ગુનાહિત ગેરવર્તણૂક, છેતરપિંડી, પ્રપંચ કરવાનો અને જાહેર ભંડોળનું ડાઇવર્ઝન કરવાનો આરોપ મૂકયો હતો.

કંપની ૨૦૧૩માં બેન્ક પાસેથી લીધેલી લોનની પુનઃ ચુકવણી કરવામાં નિષ્ફળ નીવડી હતી. ફેબ્રુઆરી ૨૦૧૬માં તેનું અકાઉન્ટ એનપીએ થયું હતું અને બેન્કે ૨૦૧૮માં તેને ઇરાદાપૂર્વકની ડિફોલ્ટર જાહેર કરી હતી.

(3:09 pm IST)
  • દ્વારકા શહેરના પી.આઈ કોરોનાથી સંક્રમિત : હોમ આઇસોલેશન થયા access_time 11:10 pm IST

  • દેશમાં કોરોના બેફામ બન્યો : નવા 96,760 પોઝિટિવ કેસ નોંધાયા :1213 લોકોના મોત : રાત્રે 12 વાગ્યા સુધીમાં દેશમાં કોરોનના રેકોર્ડબ્રેક નવા 96,760 કેસ ઉમેરાતા કુલ કેસની સંખ્યા 44,59,725 થઇ :9,42,796 એક્ટીવ કેસ : વધુ 70,899 દર્દીઓ સ્વસ્થ થતા કુલ 35,39,983 રીકવર થયા : વધુ 1213 લોકોના મોત સાથે મૃત્યુઆંક 76,304 થયો access_time 1:16 am IST

  • ગુજરાત અને સૌરાષ્ટ્ર ઉપર ધીમેધીમે વાદળાઓ આવતા જાય છે. આગામી દિવસોમાં અલગ અલગ વિસ્તારોમાં હળવા-ભારે વરસાદની આગાહી થઈ છે. મહારાષ્ટ્ર મુંબઈ ઉપર સતત વાદળોની જમાવટ જોવા મળે છે. access_time 9:36 pm IST