Gujarati News

News of Thursday, 10th September 2020

'આત્મ નિર્ભરતા સાકાર' : કોરોના કાળમાં દંપતિએ જાતે જ નિર્માણ કર્યુ બે માળનું મકાન

તેમની ધગશને બિરદાવવા વડાપ્રધાન મોદી સંવાદ કરશે

બૈતુલ તા. ૧૦ : મધ્યપ્રદેશના બૈતુલ જિલ્લાના એક મજદુર દંપતિએ આત્મનિર્ભરતાનું મોટુ ઉદાહરણ પુરૂ પાડયુ છે. મજદુર દંપતિ સુશીલાદેવી અને સુભાષને પ્રધાનમંત્રી આવાસ યોજના અંતર્ગત મકાન બનાવવા રૂ.૧.૫૦ લાખ રૂપિયાની સહાય મંજુર થઇ હતી. આટલી રકમમાં સરસ મોટુ મકાન બનાવવાની તેમની ઇચ્છા હતી. એટલે કારીગરોને આપવાના પૈસા બચી જાય તેવા હેતુથી જાતે જ મહેનત શરૂ કરી દીધી. જોત જોતામાં ૪૯ દિવસની મહેનત રંગ લાવી અને સરસ મજાનું બે માળનું મકાન તૈયાર થઇ ગયુ.પ્રધાનમંત્રી આવાસ યોજનાની મળેલી રકમમાંથી જ તેમણે બે રૂમ અને સંડાસ બાથરૂમની સુવિધાવાળુ આકર્ષક મકાન ઉભુ કર્યુ છે. વડાપ્રધાન નરેન્દ્ર મોદી પીએમ આવાસના લાભાર્થીઓ સાથે વર્ચ્યુઅલ સંવાદ કરે છે. જે અંતર્ગત ૧૨ સપ્ટેમ્બરે તેઓ આ કરામત દેખાડનાર દંપતિ સાથે પણ વર્ચ્યુઅલ સંવાદ કરી તેમની હિંમત અને કોઠાસુઝને બીરદાવશે.જિલ્લા પંચાયતના મુખ્ય કાર્યાલય અધિકારી એમ. એન. ત્યાગીએ જણાવ્યુ છે કે લાભાર્થીએ જે રીતે જાત મહેનતથી આવાસ તૈયાર કર્યુ તે ખરેખર કાબીલે દાદ છે. તેમની મહેનત જોઇને અન્ય ૧૩ યોજનાઓનો પણ તેઓને લાભ અપાવવામાં આવશે.

(3:14 pm IST)

આ સમાચાર શેર કરો

Akilanews.com ને સોશ્યલ મીડિયા પર ફોલો કરો

છેલ્લા 8 દિવસમાં સૌથી લોકપ્રિય

Most Popular
Recent

સમાચાર ફટાફટ

રિયા-શોવિકને જેલમાં જ રહેવું પડશે : કોર્ટ આવતીકાલે નિર્ણય લેશે :રિયા ચક્રવર્તીની જામીન અરજી પર કોર્ટે ચુકાદો સુરક્ષિત રાખ્યોઃ રિયા અને શોવિક સહિત ૬ આરોપીઓની જામીન અરજી પર આવતીકાલે નિર્ણય થશે 3:53 pm IST
રાજકોટઃ દેના બેંક જાગનાથ શાખામાં આજે પાંચ કર્મચારીઓને કોરોના થયાનું બહાર આવતા બેંક બે દિવસ માટે બંધ કરવા નિર્ણય 12:44 pm IST
આજે બપોરે સેન્‍સેકસ ૬૪૬ પોઈન્‍ટના ઉછાળા સાથે ૩૮,૮૪૦ ઉપર બંધ રહેલ : નીફટીમાં ૧૭૧ પોઈન્‍ટનો મોટો ઉછાળો આવ્‍યો હતો અને ૧૧,૪૪૯ એ બંધ રહ્યો છે : સોનાનો ભાવ ૫૧,૨૨૬ હતો જયારે ચાંદીનો ભાવ ૬૫,૫૭૯ રહ્યાનું સી.કે. ફાયનાન્‍શીયલ્‍સે જણાવ્‍યુ છે 5:54 pm IST