Gujarati News

શ્રીનગરે બુધવારે રાત્રે શિયાળાના છેલ્લા ૨૫ વર્ષની સૌથી ઠંડી રાતનો અનુભવો કર્યો હતો. બુધવારે રાત્રે શ્રીનગરનું તાપમાન માઇનસ ૮.૪ ડિગ્રી થઇ ગયું હતું. ૧૯૯૫માં શિયાળામાં લઘુતમ તાપમાન માઇનસ ૮.૩ ડિગ્રી નોંધાયેલ. ત્યારબાદ બુધવારની રાત્રી સૌથી ઠંડી રહી હતી. જ્યારે ૧૯૯૧માં તાપમાન માઇનસ ૧૧.૩ ડિગ્રી સુધી પહોંચી ગયું હતું. આટલી ઠંડીના કારણે વિશ્વવિખ્યાત દાલ સરોવર થીજી જતા લોકોએ તેના ઉપર ક્રિકેટ રમવાની મજા માણી હતી.