Gujarati News

Gujarati News

News of Thursday, 15th October 2020

બજારમાં કડાકો, રોકાણકારોના એક દિવસમાં જ ૩.૩ લાખ કરોડ ડૂબ્યા

નબળા વૈશ્વિક સંકેતોને લીધે બજારમાં તેજીની ચાલ અવરોધાઈ : લિસ્ટેડ કંપનીઓની માર્કેટ કેપ ઘટની ૧૫૭.૨૨ લાખ કરોડ થઈ, સેન્સેક્સ ૧૦૬૬ અને નિફ્ટી ૨૯૦ પોઈન્ટ તૂટ્યો : એશિયન પેઇન્ટ્સ ગ્રીનઝોનમાં

નવી દિલ્હી, તા. ૧૫ : લગભગ ૨૦ દિવસ બાદ શેરબજારમાં આજે તીવ્ર ઘટાડો નોંધાયો છે. ૪૧ હજાર તરફ ઝડપથી વધી રહેલો સેન્સેક્સ ૩૯૭૦૦ ની સપાટી પર આવી ગયો છે. નિફ્ટી પણ ૧૧૬૬૦ ની સપાટીએ પહોંચી ગયો છે. તે ૩૦૦ પોઇન્ટની નજીક ગિરાવટ આવી. સેન્સેક્સ ૧૦૬૬ પોઈન્ટ તૂટીને ૩૯૭૨૮ અને નિફ્ટી ૨૯૦ પોઇન્ટના ઘટાડા સાથે ૧૧૬૮૦ પર બંધ થયો છે. અહેવાલો મુજબ, રોકાણકારોના ૩.૩ લાખ કરોડ રૂપિયા આજે ડૂબી ગયા. બીએસઈ લિસ્ટેડ કંપનીઓની માર્કેટ કેપ ઘટીને ૧૫૭.૨૨ લાખ કરોડ થઈ ગઈ છે. સેન્સેક્સના ૩૦માં ફક્ત એક જ એશિયન પેઇન્ટના શેર ગ્રીન ઝોનમાં બંધ થયા છે. સૌથી વધુ નુકસાન બજાજ ફાઇનાન્સિયલ સર્વિસીસ, ટેક મહિન્દ્રા અને ઈન્ડસઇન્ડ બેંકને થયું હતું. તેમના શેરમાં ૪ ટકા અને તેથી વધુ ઘટાડો થયો છે. યુ.એસ. દ્વારા ટૂંક સમયમાં જ અન્ય રાહત પેકેજની જાહેરાત કરવામાં આવે તેવી અપેક્ષા રાખવામાં આવી હતી. જો કે, આ સંભાવનાઓ પર પાણી ફરી વળ્યું છે, જેના કારણે બજારમાં નેગેટિવ સેન્ટિમેટ ગઈ છે. આ સિવાય અમેરિકા અને ચીન વચ્ચે વેપાર તણાવ ફરીથી ચર્ચામાં છે.

           યુ.એસ.ના વિદેશ વિભાગે ચાઇનાની એન્ટ જૂથ જેને અલીબાબ કહે છે, તેને વેપાર બ્લેકલિસ્ટમાં મૂકવા હાકલ કરતો ઠરાવ રજૂ કર્યો છે. અલીબાબે હાલમાં આઈપીઓ લાવવાની તેયારી શરૂ કરી છે. છેલ્લા ત્રણ અઠવાડિયાથી શેરબજારમાં સતત વધારો જોવા મળ્યો હતો. ૨૯  સપ્ટેમ્બરના અપવાદ સિવાય સેન્સેક્સ ૨૫ સપ્ટેમ્બરથી સતત તેજી સાથે બંધ થઈ રહ્યો છે. ૨૪  સપ્ટેમ્બરે સેન્સેક્સ ૩૬૫૫૩ ના સ્તરે બંધ રહ્યો હતો. તે ૧૪ ઓક્ટોબરના રોજ ૪૦૭૯૪ ના સ્તરે બંધ રહ્યો હતો. છેલ્લા ત્રણ સપ્તાહમાં તે ૪૨૦૦ પોઇન્ટથી વધ્યો છે. નબળાં ગ્લોબલ સંકેતોને કારણે શેર બજારમાં આજે કડાકો બોલી ગયો છે. કારોબારની શરૂઆતમાં સેંસેક્સમાં મામૂલી વધારો થયો હતો. પણ કારોબારના અંતમાં શેર બજારમાં હડકંપ મચી ગયો હતો. લગભગ ૨૦ દિવસો સુધી શેર બજારમાં આજે જબરદસ્ત કડાકો જોવા મળ્યો છે. સેન્સેક્સમાં ૨.૬૧% ટકાના કડાકો બોલાયો હતો. ૪૧ હજારની સપાટી નજીક પહોંચેલો આજે કડાકાને કારણે ૩૯,૭૨૮.૪૧ના સ્તરે પહોંચી ગયો હતો. તો નિફ્ટી પણ ઊંધા માથે પટકાઈ હતી. નિફ્ટીમાં એટલે કે ૨.૫૨ ટકાના ઘટાડા સાથે ૧૧૬૬૦ના સ્તર પર બંધ થયો હતો.  દેશની દિગ્ગજ આઈટી કંપની ઈન્ફોસિસના ત્રિમાસિક પરિણામ જાહેર થયા છે. ચાલુ નાણાકીય વર્ષના બીજા ત્રિમાસિકમાં કંપનીને ૨૦ ટકાથી વધારેનો નફો થયો હતો.

            ગુરુવારે શરૂઆતના કારોબાર દરમિયાન ઈન્ફોસિસના શેર ૨ ટકાથી વધારે મજબૂત થયા હતા. જો કે, થોડા સમયમાં જ નફો મેળવવાની દોડ મચતાં ઈન્ફોસિસના શેર ૩ ટકાથી વધારે ઘટી ગયા હતા. અન્ય આઈટી કંપનીઓના શેરમાં પણ ઘટાડો જોવા મળી રહ્યો છે. શેર બજારની આ દોડધામથી રોકાણકારોનાં લગભગ ૩ લાખ કરોડ રૂપિયા ધોવાઈ ગયા છે. બુધવારે બીએસઈ લિસ્ટેડ કંપનીઓનું માર્કેટ કેપ ૧,૬૦,૫૬,૬૦૫.૮૪ કરોડ રૂપિયા હતું. જે આજે ઘટીને ૧,૫૭,૬૫,૭૪૨.૮૯ કરોડ રૂપિયા થઈ ગયું છે. આજના કારોબારમાં આઈટી શેરોમાં જોરદાર વેચાવલી જોવા મળી રહી છે. નિફ્ટી પર ઈન્ડેક્સ ૭૧૮.૩૦ અંક એટલે કે ૩.૨૩ ટકા તૂટી ગયો છે. એચસીએલ ટેક અને માઈન્ડ ટ્રીમાં ૫ ટકા ઘટ્યો છે. ટૂસીએસ અને વિપ્રો ૨ ટકાથી વધારે ઘટ્યો છે. ટેક મહિન્દ્રા અને ઈન્ફોસિસના શેર પણ ૩-૪ ટકા તૂટ્યા છે.

(7:17 pm IST)