Gujarati News

Gujarati News

News of Wednesday, 16th September 2020

રાહુલ ગાંધીએ ટ્વિટ કરી મોદી સરકાર પર કર્યા પ્રહાર

કોરોના કાળમાં મોદી સરકારે પકવ્યા ખયાલી પુલાવ

નવી દિલ્હી તા. ૧૯ : કોંગ્રેસ નેતા રાહુલ ગાંધી દ્વારા સતત મોદી સરકાર પર આકરા પ્રહાર કરવામાં આવી રહ્યાં છે. બુધવારે પણ રાહુલ ગાંધીએ કોરોના કાળ દરમિયાન મોદી સરકારની નિષ્ફળતાઓની ગણતરી કરી નિશાન તાકયું છે. કોંગ્રેસના પૂર્વ અધ્યક્ષે લખ્યું છે કે આ સંકટ સમયમાં કેન્દ્ર સરકારે એક થી એક ખયાલી પુલાવ પકાવ્યા, જેમાં એક જ સત્ય નિકળ્યું.

કોંગ્રેસ નેતાએ ટ્વિટ કર્યું કે કોરોના કાળમાં ભાજપ સરકારે એકથી એક ખયાલી પુલાવ પકાવ્યા. રાહુલ ગાંધીએ આ દરમિયાન લખ્યું કે ૨૧ દિવસમાં કોરોનાને હરાવીશું. આરોગ્ય સેતુ એપ સુરક્ષા કરશે, ૨૦ લાખ કરોડનું પેકેજ, આત્મનિર્ભર બનો. સરહદમાં કોઇ ઘૂસ્યું નથી, પરિસ્થિતિ પર કાબુ છે, પરંતુ એક સત્ય પણ હતું, આપત્તિમાં 'અવસર' #PMCares

૨૧ દિવસમાં કોરોનાને હરાવીશું

આરોગ્ય સેતુ એપ સુરક્ષા કરીશું

૨૦ લાખ કરોડનું પેકેજ

આત્મનિર્ભર બનો

સીમામાં કોઇ નથી ઘૂસ્યું

સ્થિતિ કાબુમાં છે

પરંતુ એક સત્ય પણ હતું:  આપત્તિમાં 'અવસર' #PMCares

ઉલ્લેખનીય છે કે રાહુલ ગાંધીએ સતત મોદી સરકાર પર આકરા પ્રહાર કર્યાં છે. રાહુલ ગાંધીએ સરકાર દ્વારા લાગૂ કરવામાં આવેલ લોકડાઉનને ખોટુ ગણાવ્યું અને કહ્યું કે વગર કોઇ રણનીતિથી કોરોના સામે લડત લડવામાં આવી, આ કારણે આટલા કેસ છે અને મૃત્યું થયા છે. આ સાથે જ રાહુલ ગાંધીએ પ્રવાસી શ્રમિકોને લઇને અર્થવ્યવસ્થા મુદ્દા પર સરકારની ખોટી નીતિઓ પર નિશાન તાકયું હતું.  રાહુલ ગાંધી દ્વારા સતત અર્થવ્યવસ્થાની સ્થિતિ પર વીડિયો બનાવી ટ્વિટ કરવામાં આવી રહ્યાં છે, જેમાં રાહુલ ગાંધી પોતાનો મત રાખે છે. જો પીએમ કેઅર્સની વાત કરીએ તો કોંગ્રેસ તરફથી આરોપ લગાવામાં આવ્યો કે સરકાર સત્ય છુપાવાનો પ્રયત્ન કરી રહી છે, એટલા માટે તે અંગે જાણકારી આપવામાં આવી રહી નથી.

(12:46 pm IST)
  • હવે રાજધાની દિલ્હીના રેલવે સ્ટેશનનું ખાનગીકરણ : 20 કંપનીઓ સ્પર્ધામાં : અદાણી પણ શામેલ : આ અગાઉ અમદાવાદ સહિતના પાંચ એરપોર્ટનું સંચાલન સંભાળી લીધા પછી હવે રેલવે સ્ટેશન પણ સંભાળી લેવાની તૈયારીમાં અદાણી ગ્રુપ access_time 8:27 pm IST

  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST

  • પેટ્રોલ ડીઝલના ભાવમાં આજે પણ ધટાડો : પેટ્રોલના ભાવમાં પ્રતિ લિટરે 15 પૈસા અને ડીઝલમાં 21 પૈસાનો ઘટાડો : ભાવ ઘટાડો સવારે છ વાગ્યાથી લાગુ. access_time 11:40 pm IST