Gujarati News

મુંબઇ,તા.૧૭ : કોરોના વાયરસ સંકટને પહોંચી વળવા દેશમાં રસીકરણ શરૂ થયું છે. તો પણ સલામતી માટે કોરોના માર્ગદર્શિકા અને ક્વોરેન્ટાઈનના નિયમોનું પાલન કરવું ફરજિયાત છે. આ દરમિયાન પોલીસે મુંબઈના છત્રપતિ શિવાજી ઈન્ટરનેશનલ એરપોર્ટ પર ચાલી રહેલી મોટી રમતનો પર્દાફાશ કર્યો છે. હકીકતમાં, એરપોર્ટ પર બહારથી આવનારા મુસાફરોને ફરજિયાત ઈન્સ્ટિટ્યૂશનલ ક્વોરેન્ટાઈન કરવામાં આવે છે, પરંતુ તેની આડમાં વસૂલીનો ખેલ ચાલી રહ્યો હતો. પોલીસે આ કેસમાં ૩૫ વર્ષના સબ એન્જિનિયર અને તેના બે સાથીઓની ધરપકડ કરી છે, જેમાં તેની મહત્વપૂર્ણ ભૂમિકા હોવાનું માનવામાં આવે છે. પોલીસે આરોપી સબ એન્જિનિયર દિનેશ ગવંદેની એક બેગમાંથી સાઉદી અરબ કરન્સીના ૩૪ લાખ રૂપિયા રોકડ, ૨૦૦ સાઉદી રિયાલ, હોમ ક્વોરેન્ટાઈનના ફરજી રબર સ્ટેમ્પ તેમજ કેટલાક ડોક્ટરોની સાઈનવાળા લેટરહેડ જપ્ત કર્યા હતા. આ લોકોને બીએમસી દ્વારા એરપોર્ટ પર તૈનાત કરવામાં આવ્યા હતા.

          શુક્રવારે પી -૬ પર તેઓએ દુબઇ, કુવૈત અને યુએસના મુસાફરોની તપાસ કરવાની હતી. દિનેશ ગવાંડે પર ત્યારે શંકા થઈ જ્યારે તે એક શૌચાલયમાં ઘૂસ્યો અને આશરે ૫.૫૦ કલાકે હાઉસકીપિંગ સ્ટાફની મહિલાને ધક્કો મારીને બેગ સાથે પરત આવ્યો હતૌ. ગવાંડે પર શંકા થતાં મહિલાએ સીઆઈએસએફ અને એમઆઈએએલના અધિકારીઓને ફરિયાદ કરી હતી. જેમણે દાવો કર્યો હતો કે એરપોર્ટની દુકાનમાંથી નકલી આરોગ્ય પ્રમાણપત્ર તૈયાર કરવામાં અશરફ સારંગ (૪૧) અને વિવેકસિંહ (૩૨) ની મદદ કરી હતી. આ ત્રણેયને આઈપીસીની કલમો હેઠળ આદેશોનું ઉલ્લંઘન કરવા, છેતરપિંડી, બનાવટી, અને રોગચાળો અને આપત્તિ અધિનિયમ હેઠળ ધરપકડ કરવામાં આવી છે. એક પોલીસ અધિકારીએ જણાવ્યું કે તેઓ ૧૯ જાન્યુઆરી સુધી પોલીસ કસ્ટડીમાં છે. પોલીસે અંધેરીના શેખ શકીલ સલીમ અને મલાડના ખાન અરબાઝ સાત્તર, નેરુલ (ઇ) ના હરિ રિયો જોન અને નાસિકના શેખ શાકિર સકુર, દુબઇ અને કુવૈતથી ફ્લાયર્સના નિવેદનો નોંધ્યા છે. તેમણે જણાવ્યું હતું કે ગવાંડેએ તેમની પાસેથી ૪૦૦૦ રૂપિયા વસૂલ્યા હતા. મતલબ કે ક્વોરેન્ટાઈનમાં ન જવાના બદલામાં ૪ હજાર રૂપિયા લઈને રમત રમાઈ રહી હતી અને અન્ય લોકોના જીવ જોખમમાં મૂક્યા હતા.