Gujarati News

Gujarati News

News of Wednesday, 16th September 2020

યુ.એસ.સ્થિત સગીર યુવતીના નગ્ન ફોટાઓનો વિડિઓ શેર કરી બ્લેકમેઇલ કરવાનો આરોપ : ભારતના તેલંગણામાં એન્જીનીઅરીંગનો અભ્યાસ કરતા યુવાનની ધરપકડ

તેલંગણા :  ભારતના તેલંગણામાં એન્જીનીઅરીંગનો અભ્યાસ કરતા યુવાન ઉપર યુ.એસ.સ્થિત સગીર યુવતીના નગ્ન ફોટાઓનો વિડિઓ શેર કરી બ્લેકમેઇલ કરવાનો આરોપ લગાવાયો છે.જેના અનુસંધાને સાઇબર ક્રાઇમ હેઠળ તેની ધરપકડ કરવામાં આવી છે.
પ્રાપ્ત વિગત મુજબ તેલંગણાના નિઝામાબાદના વતની  27 વર્ષીય યુવાન દેવનાપલ્લી સંદીપ રાવ ઉપર યુ.એસ.સ્થિત સગીર યુવતીને પોર્નોગ્રાફી ફિલ્મો બતાવી તેનો નગ્ન હાલતનો વિડિઓ ઉતારી શેર કરવાનો અને તેને બ્લેકમેઇલ કરવાનો આરોપ મુકાયો છે.આ યુવાને ઇન્સ્ટાગ્રામના માધ્યમથી ઉપરોક્ત કૃત્ય કર્યું હોવાની કબૂલાત કરી છે.તેણે યુવતી પાસે હજુ પણ વધુ નગ્ન ફોટાઓની માંગણી કરી હતી જેથી યુવતીએ તેનું એકાઉન્ટ બ્લોક કરી દેતા યુવકે તેની પાસે રહેલા યુવતીના નગ્ન ફોટાઓ તેણીના સબંધીઓને મોકલી યુવતી તેની સાથે વાત કરે તેવો આગ્રહ રાખ્યો હતો.જેનો ભાંડો ફૂટતા યુવતીના માતાપિતાએ પોલીસ ફરિયાદ નોંધાવી હતી.
યુવતીના માતાપિતાએ ફરિયાદ કર્યાના 4 કલાકમાં જ પોલીસે આરોપીને  પકડી પાડ્યો છે.તથા ફેસબુક કે ઇન્સ્ટાગ્રામ જેવા માધ્યમોથી અજાણ્યા લોકો સાથે મૈત્રી ન કરવાની સલાહ આપી છે.
ઉલ્લેખનીય છે કે કેલિફોર્નિયા સ્થિત આ સગીર યુવતી સાથે માર્ચ માસમાં ઇન્સ્ટાગ્રામ દ્વારા મૈત્રી કરી આરોપી યુવાને ઉપરોક્ત કૃત્ય આચર્યું છે.

(7:40 pm IST)
  • શું રેંટિયો કાંતવાથી અંગ્રેજો ભાગી જવાના હતાં ? : થાળી વગાડવાથી કોરોના ભાગી ન જાય તેવું કહેનારા લોકોને ભાજપ સાંસદ સુધાંશુ ત્રિવેદીનો વેધક સવાલ : જે રીતે ગાંધીજીએ આઝાદીના પ્રતીક તરીકે ચરખાને સ્થાન આપ્યું હતું તે રીતે મોદીજીએ સામાજિક ચેતના જાગૃત કરાવવા થાળી વેલણ વગાડવાનું કહ્યું હતું : પાર્લામેન્ટમાં સામસામી આક્ષેપબાજી access_time 11:10 am IST

  • દેશના પ્રધાનમંત્રી નરેન્દ્ર મોદી આજે 70 વર્ષના થયા છે. દેશભરમાં ભારતીય જનતા પાર્ટી PM મોદીના જન્મદિવસને 'સેવા સપ્તાહ' તરીકે મનાવી રહી છે. આ સાથે જ દિગ્ગજ નેતાઓ દ્વારા PM મોદીને જન્મદિવસની શુભેચ્છાઓ પાઠવવામાં આવી રહી છે. રાષ્ટ્રપતિ રામનાથ કોવિંદથી લઇને ગૃહમંત્રી અમિત શાહ, રક્ષા મંત્રી રાજનાથસિંહ, કોંગ્રેસ નેતા રાહુલ ગાંધી અને અન્ય મોટા નેતાઓએ પીએમ મોદીને જન્મદિવસની શુભેચ્છા પાઠવી. access_time 9:17 am IST

  • ગુજરાત ઉપરાંત દિલ્હી ,ઉત્તરાખંડ ,તામિલનાડુ ,તથા ઉત્તર પ્રદેશમાં 21 સપ્ટેમ્બરથી સ્કૂલો નહીં ખુલે : હરિયાણામાં સ્કૂલો ખુલી જશે : છત્તીસગઢ અને બિહાર હજુ સુધી અવઢવમાં : અનલોક 4 દરમિયાન 21 સપ્ટેમ્બરથી સ્કૂલો ફરીથી ચાલુ કરી શકવાના કેન્દ્ર સરકારના સૂચન સાથે મોટા ભાગના રાજ્યો અસંમત access_time 12:11 pm IST