Gujarati News

Gujarati News

News of Wednesday, 16th September 2020

કુલ કેસ ૫૦૨૦૩૬૦

૨૪ કલાકમાં ૯૦૧૨૩ કેસ : ૧૨૯૦ના મોત

દેશમાં કુલ મૃત્યુઆંક ૮૨૦૬૬ : ૯૯૫૯૩૩ની સારવાર ચાલી રહી છે

નવી દિલ્હી તા. ૧૬ : ભારતમાં છેલ્લા ૨૪ કલાકમાં કોરોનાના ૯૦ હજારથી વધુ કેસ સામે આવ્યા છે. સાથોસાથ ૧૨૯૦ દર્દીઓના મોત થયા છે. જો એકટીવ કેસની વાત કરીએ તો તેની સંખ્યા ૧૦ લાખની નજીક પહોંચી ગઇ છે. જ્યારે કુલ કેસની સંખ્યા ૫૦ લાખને પાર કરી ગઇ છે.

સ્વાસ્થ્ય અને પરિવાર કલ્યાણ મંત્રાલય દ્વારા જારી આંકડા અનુસાર છેલ્લા ૨૪ કલાકમાં કોરોનાના ૯૦૧૨૩ નવા પોઝિટિવ કેસ સામે આવ્યા છે અને ૧૨૯૦ લોકોના આ દરમિયાન મોત થયા છે.

કેન્દ્ર સરકાર દ્વારા જારી આંકડાઓ અનુસાર ભારતમાં અત્યાર સુધીમાં કુલ કેસની સંખ્યા ૫૦૨૦૩૬૦ થઇ છે. જો એકટીવ કેસની વાત કરીએ તો ૯૯૫૯૩૩ છે. દેશમાં અત્યાર સુધીમાં ૩૯૪૨૩૬૧ લોકોએ કોરોનાને હરાવેલ છે. આ મહામારી અત્યાર સુધીમાં ૮૨૦૬૬ લોકોના મોત થયા છે.

દેશભરમાં ૧૫ સપ્ટેમ્બર સુધીમાં કુલ ૫૯૪૨૯૧૧૫ લોકોનું ટેસ્ટીંગ કરવામાં આવ્યું છે. જેમાં ગઇકાલે એક જ દિવસમાં ૧૧૧૬૮૪૩ લોકોનું ટેસ્ટીંગ કરવામાં આવ્યું હતું.

(10:26 am IST)
  • પેટ્રોલ ડીઝલના ભાવમાં સતત પાંચમા દિવસે ઘટાડો : પેટ્રોલમાં 25 પૈસા અને ડીઝલનાં ભાવમાં પ્રતિ લિટરે 38 પૈસાનો ઘટાડો : નવો ભાવ સવારે છ વાગ્યાથી લાગુ થશે. access_time 11:34 pm IST

  • શું રેંટિયો કાંતવાથી અંગ્રેજો ભાગી જવાના હતાં ? : થાળી વગાડવાથી કોરોના ભાગી ન જાય તેવું કહેનારા લોકોને ભાજપ સાંસદ સુધાંશુ ત્રિવેદીનો વેધક સવાલ : જે રીતે ગાંધીજીએ આઝાદીના પ્રતીક તરીકે ચરખાને સ્થાન આપ્યું હતું તે રીતે મોદીજીએ સામાજિક ચેતના જાગૃત કરાવવા થાળી વેલણ વગાડવાનું કહ્યું હતું : પાર્લામેન્ટમાં સામસામી આક્ષેપબાજી access_time 11:10 am IST

  • ઉત્તર પ્રદેશના પ્રયાગરાજમાં એકબાજુ વડાપ્રધાન શ્રી નરેન્દ્ર મોદીના જન્મદિવસની ઉજવણી અને બીજીબાજુ પથ્થરમારો : સરકારી નોકરીમાં 5 વર્ષ માટે કોન્ટ્રાકટ ઉપર ભરતી કરવાના નિર્ણય સામે વિરોધીઓતોફાને ચડ્યા : પોલીસ ઉપર પથ્થરમારો કરતા વળતા જવાબમાં પોલીસનો લાઠીચાર્જ access_time 6:35 pm IST