Gujarati News

Gujarati News

News of Wednesday, 16th September 2020

ઇ-કોમર્સ કંપનીઓનું સેલ આ મહિના અંતથી શરૂ થશે

એમેઝોન, ફિલપકાર્ટ, બીગ બાસ્કેટ વગેરે તહેવારોમાં ધૂમ વેચાણ કરવા આશાવાદીઃ ૪૦ થી ૫૦% સુધીનું ડિસ્કાઉન્ટ આપવામાં આવશે : તહેવારો ફળશે તેવી વેપાર જગતને આશા

નવી દિલ્હી તા. ૧૬ : કોરોના સંકટ અને લોકડાઉનને કારણે થયેલા નુકસાનની ભરપાઇ માટે ઇ-કોમર્સ કંપનીઓ તહેવારો પહેલા જ સેલ શરૂ કરવાની તૈયારીમાં છે.

સૂત્રોના જણાવ્યા પ્રમાણે રિલાયન્સ જીયો માર્ટ આવવાથી એમેઝોન, ફિલપકાર્ટ, બીગ બાસ્કેટ, ગ્રાફર્સ સહિત તમામ ઇ-કોમર્સ કંપનીઓ પર પ્રેસર વધ્યું છે. તેને જોતા આ મહિનાના અંતિમ સપ્તાહથી તહેવારી સેલ શરૂ કરવાનો નિર્ણય લીધો છે. જે દિવાળી સુધી એટલે કે નવેમ્બરના બીજા સપ્તાહ સુધી ચાલશે.

ઇ-કોમર્સ કંપનીઓના જણાવ્યા પ્રમાણે આ વર્ષે તહેવારી સિઝન સેલ લાંબુ ચાલશે. તેની શરૂઆત કરિયાણાના સામાન સાથે શરૂ થશે. તે પછી ધીરે ધીરે ઇલેકટ્રોનિકસ અને હોમ એપ્લાયન્સને સામેલ કરવામાં આવશે.

તહેવારી સિઝનમાં માંગ વધવાથી ફિલપકાર્ટ ૭૦ હજાર નવી ભરતી શરૂ કરશે. એમેઝોન પણ નવી નોકરી આપવા તૈયાર છે.

વેપારીજગતને આવતા તહેવારી સિઝનને લઇને ઘણી આશાઓ છે. દશેરા, ઇદ, કળવા ચોથ, ધનતેરસ, દિવાળી, ભાઇબીજ, છઠ્ઠ પૂજાથી બજારમાં રોનક પાછી ફરશે. બજારનો માહોલ દશેરાથી બદલાઇ જશે. જે વ્યાપાર જગતમાં સંજીવનીનું કામ કરશે.

તહેવારોમાં ૪૦ થી ૫૦ ટકા સુધીનું ડિસ્કાઉન્ટ આપવામાં આવે તેવી શકયતા છે.

(10:27 am IST)
  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST

  • દેશમાં કોરોનાનો કહેર યથાવત :રાત્રે 11-30 વાગ્યા સુધીમાં નવા 97.856 પોઝીટીવ નોંધાયા : કુલ કેસની સંખ્યા 51.15.893 થઇ : એક્ટિવ કેસ 10.09.886 થયા : વધુ 82,922 દર્દીઓ સ્વસ્થ થતા 40.22.049 રિકવર થયા : વધુ 1140 લોકોના મોત : મૃત્યુઆંક 83,230 થયો access_time 1:06 am IST

  • દેશના પ્રધાનમંત્રી નરેન્દ્ર મોદી આજે 70 વર્ષના થયા છે. દેશભરમાં ભારતીય જનતા પાર્ટી PM મોદીના જન્મદિવસને 'સેવા સપ્તાહ' તરીકે મનાવી રહી છે. આ સાથે જ દિગ્ગજ નેતાઓ દ્વારા PM મોદીને જન્મદિવસની શુભેચ્છાઓ પાઠવવામાં આવી રહી છે. રાષ્ટ્રપતિ રામનાથ કોવિંદથી લઇને ગૃહમંત્રી અમિત શાહ, રક્ષા મંત્રી રાજનાથસિંહ, કોંગ્રેસ નેતા રાહુલ ગાંધી અને અન્ય મોટા નેતાઓએ પીએમ મોદીને જન્મદિવસની શુભેચ્છા પાઠવી. access_time 9:17 am IST