Gujarati News

Gujarati News

News of Wednesday, 16th September 2020

દેશમાં ૧૧ દિવસમાં ૧૦ લાખ નવા કેસ

દેશમાં કોરોનાના કુલ કેસ ૫૦ લાખને પાર : અડધા ડઝન રાજ્યમાં કોરોના બિહામણો

નવી દિલ્હી તા. ૧૬ : દેશમાં કોરોનાની રફતાર દરરોજ હવે નવા રેકોર્ડ બનાવી રહ્યા છે. દેશમાં કોરોના દર્દીઓની સંખ્યા વધીને ૫૦ લાખને પાર પહોંચી છે. કોરોનાનું સંક્રમણ તેજીથી આગળ વધી રહ્યું છે તે વાત નો અંદાજ એ વાતથી જ લગાવામાં આવે છે કે અંતિમ ૧૦ લાખ કેસ અંદાજે ૧૧ દિવસોમાં આવ્યા છે. અને બે મહિનાની અંદર ૪૦ લાખ કેસ વધ્યા છે. એકિટવ કેસોની સંખ્યા ૧૦ લાખને પાર પહોંચી ગઈ છે. આ જીવલેણ બીમારીએ અત્યારસુધીમાં ૮૦ હજારથી વધુના મોત થયા છે.

જો દેશમાં કોરોના દર્દીઓની વધતી સંખ્યાની વાત કરવામાં આવેતો છેલ્લા બે મહિનામાં કોરોના એ ખુબજ ડરામણું સ્વરૂપ ધારણ કર્યું છે. દેશમાં ૧-૧૦ લાખ કેસ ૧૬૭ દિવસોમાં આવ્યા હતા. જયારે ૧૦-૨૦ લાખ કેસ અંદાજે ૨૧ દિસોમાં આવ્યા ૨૦-૩૦ લાખ કેસ ૧૬ દિવસ, ૩૦-૪૦ લાખ કેસ ૧૩ દિવસ અને ૪૦-૫૦ લાખ કેસ ૧૧ દિવસમાં પહોંચી ગયા. ભારત કોરોના કેસના બીજા નંબર પર છે. અમેરિકા પ્રથમ અને બ્રાજીલ ત્રીજા નંબર પર છે. કોરોનાએ દેશને હલાવીને રાખી દીધો છે. કોરોનના દેશમાં પ્રતિદિન મોટી સંખ્યામાં કેસ નોંધાય રહ્યા છે. દિલ્હી, આંધ્રપ્રદેશ, મહારાષ્ટ્ર, કર્ણાટક અને ઉત્તરપ્રદેશ જેવા રાજયોમાં આ કોરોના તેજીથી ફેલાઈ રહ્યો છે.

(11:10 am IST)
  • ધારાશાસ્ત્રીએ દસ લાખના : વળતરની માગણી કરી : મોટર એકલા ચલાવતી વેળાએ માસ્ક નહિ પહેરવા સબબ એક ધારાશાસ્ત્રીને પાંચસો રૂપિયાનો દંડ ફટકારવામાં આવતા તેમણે દિલ્હી હાઇકોર્ટમાં પડકાર ફેંકી દસ લાખ રૂપિયાના વળતરની માગણી કરી છે. access_time 7:32 pm IST

  • દેશના પ્રધાનમંત્રી નરેન્દ્ર મોદી આજે 70 વર્ષના થયા છે. દેશભરમાં ભારતીય જનતા પાર્ટી PM મોદીના જન્મદિવસને 'સેવા સપ્તાહ' તરીકે મનાવી રહી છે. આ સાથે જ દિગ્ગજ નેતાઓ દ્વારા PM મોદીને જન્મદિવસની શુભેચ્છાઓ પાઠવવામાં આવી રહી છે. રાષ્ટ્રપતિ રામનાથ કોવિંદથી લઇને ગૃહમંત્રી અમિત શાહ, રક્ષા મંત્રી રાજનાથસિંહ, કોંગ્રેસ નેતા રાહુલ ગાંધી અને અન્ય મોટા નેતાઓએ પીએમ મોદીને જન્મદિવસની શુભેચ્છા પાઠવી. access_time 9:17 am IST

  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST