Gujarati News

Gujarati News

News of Thursday, 17th September 2020

ચીન અને હોંગકોંગના પ્રવાસે જશો નહીં : કોઈ પણ બહાનું કાઢી ધરપકડ કરી લેશે : અમેરિકા અને બ્રિટનની પોતાના નાગરિકોને સંયુક્ત સૂચના

વોશિંગટન : ચીન સામે નહોર ભરાવવા હવે અમેરિકા અને બ્રિટન એક થઇ ગયા છે.ગઈકાલે બંને દેશની સરકારે સંયુક્ત એડવાઈઝરી જાહેર કરી છે.જે મુજબ પોતાના નાગરિકોને ચીન અને હોંગકોંગના પ્રવાસે ન જવાની સૂચના આપી છે.
એડ્વાઇઝરીમાં જણાવ્યા મુજબ આ બંને દેશની ચાઈનીઝ સરકાર કોઈ પણ બહાનું કાઢી અમેરિકા અને બ્રિટનના પ્રવાસીઓની ધરપકડ કરે તેવી શક્યતા છે.
આ સંયુક્ત એડ્વાઇઝરીને કારણે અમેરિકા અને બ્રિટનના ચીન સાથેના સબંધો વધુ તંગ થઇ શકે છે.
ઉલ્લેખનીય છે કે અમેરિકાએ તો ચીનના નાગરિકો અને સ્ટુડન્ટ્સને વિઝા આપવાના નિયમો પણ કડક કરી દીધા છે.જે અંગે ચીને રાવ કરી છે.

(1:01 pm IST)
  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST

  • બાબરી ધ્વંસના 48 આરોપીઓ પૈકી 16 ના મૃત્યુ થઇ ચુક્યા છે : બાકીના 32 માં લાલકૃષ્ણ અડવાણી ,મુરલી મનોહર જોશી ,ઉમા ભારતી ,સહિતનાઓનો સમાવેશ : 28 વર્ષ જેટલા લાંબા સમય સુધી ચાલેલી ટ્રાયલ દરમિયાન બાળાસાહેબ ઠાકરે ,અશોક સિંઘલ ,મહંત અવૈદ્યનાથ સહીત 16 આરોપીઓએ ચિર વિદાય લીધી : 30 સપ્ટેમ્બરના રોજ ચુકાદો access_time 12:28 pm IST

  • ઉત્તર પ્રદેશના પ્રયાગરાજમાં એકબાજુ વડાપ્રધાન શ્રી નરેન્દ્ર મોદીના જન્મદિવસની ઉજવણી અને બીજીબાજુ પથ્થરમારો : સરકારી નોકરીમાં 5 વર્ષ માટે કોન્ટ્રાકટ ઉપર ભરતી કરવાના નિર્ણય સામે વિરોધીઓતોફાને ચડ્યા : પોલીસ ઉપર પથ્થરમારો કરતા વળતા જવાબમાં પોલીસનો લાઠીચાર્જ access_time 6:35 pm IST