Gujarati News

Gujarati News

News of Wednesday, 16th September 2020

જયા બચ્ચનના ડ્રગના સ્ટેટમેન્ટને હેમા માલિનીનું સમર્થન : સમગ્ર ઇન્ડસ્ટ્રીને નિશાન બનાવવું ખોટું

બોલિવૂડને જે રીતે નિશાન બનાવવામાં આવી રહ્યું છે તે ખોટું છે. આવું બિલકુલ પણ નથી.

મુંબઈ : સુશાંત સિંહ રાજપૂત કેસમાં ડ્રગ એંગલ સામે આવ્યો ત્યારથી, આખા ઉદ્યોગમાં હંગામો મચાવ્યો છે. જે વિવાદ પહેલા ફક્ત એક જ કેસ સુધી મર્યાદિત હતો, તે હવે આખા બોલીવુડમાં ઘૂસી ગયો છે. બોલિવૂડ અને તેનું ડ્રગ કનેક્શન એક મુદ્દો બની ગયો છે જેના પર ગૃહમાં પણ જોરદાર ચર્ચા જોવા મળી રહી છે. રાજ્યસભામાં જયા બચ્ચને રવિ કિશન પર નિશાન સાધતા કહ્યું હતું કે, કેટલાક સ્ટાર્સે જે પ્લેટમાં ખાધું તેમાં જ કાણું પાડવાનું કામ કર્યું છે, આ નિવેદને ભારે વિવાદ ઉભો કર્યો છે. જેને લઈને ઘણા સેલેબ્સ જયાને ટેકો આપી રહ્યા છે, તો કંગના જેવા સ્ટાર્સ તેમને અરીસો બતાવવાનો પણ પ્રયાસ કરી રહ્યા છે.

હવે અભિનેત્રી હેમા માલિનીએ જયા બચ્ચનના મંતવ્યો પ્રત્યે સંમતિ દર્શાવી છે. તેમની નજરે કેટલાક લોકોના કારણે આખા ઉદ્યોગને બદનામ કરવો અથવા દરેકને ડ્રગ્સ સાથે જોડવું ખોટું છે. એક ન્યૂઝ પોર્ટલને આપેલા ઇન્ટરવ્યુ દરમિયાન હેમાએ કહ્યું છે કે - ફક્ત બોલિવૂડની વાત જ કેમ થઇ રહી છે. ઘણા ઉદ્યોગોમાં આવું ચાલી રહ્યું છે. આપણા ઉદ્યોગમાં પણ બનતું હોવું જોઈએ. પરંતુ આનો અર્થ એ નથી કે સમગ્ર ઉદ્યોગ ખરાબ છે. બોલિવૂડને જે રીતે નિશાન બનાવવામાં આવી રહ્યું છે તે ખોટું છે. આવું બિલકુલ પણ નથી.

આવી સ્થિતિમાં હવે આ મુદ્દે રાજકારણ કરવામાં આવ્યું છે અને આક્ષેપનો આ રાઉન્ડ ટૂંક સમયમાં ખતમ થવાનો નથી. એનસીબીએ સુશાંત કેસમાં તેની તપાસ તીવ્ર કરી દીધી છે. રિયા ચક્રવતી બાદ સારા અલી ખાન અને રકુલ પ્રીત સિંહ જેવી અભિનેત્રીઓ પણ તેના રડાર પર આવી ચુકી છે

(1:41 pm IST)
  • રસ્તો ક્રોસ કરી રહેલા ઉત્તર પ્રદેશના ભાજપના ધારાસભ્ય દેવેન્દ્ર પ્રતાપ સિંહને વાહને અડફેટે લઇ લીધા : ચા પીવા ઉભા રહ્યા બાદ રસ્તો ઓળંગી રહ્યા હતા ત્યારે પુરપાટ ઝડપે જઈ રહેલા વાહને ટક્કર મારી દીધી : ગંભીર હાલતમાં લખનૌ હોસ્પિટલમાં દાખલ access_time 8:37 pm IST

  • પેટ્રોલ ડીઝલના ભાવમાં આજે પણ ધટાડો : પેટ્રોલના ભાવમાં પ્રતિ લિટરે 15 પૈસા અને ડીઝલમાં 21 પૈસાનો ઘટાડો : ભાવ ઘટાડો સવારે છ વાગ્યાથી લાગુ. access_time 11:40 pm IST

  • જીપીએસસી ચેરમેન દિનેશભાઇ દાસા સંક્રમિત : હોમ આઇસોલેશનમાં access_time 2:37 pm IST