Gujarati News

Gujarati News

News of Wednesday, 16th September 2020

રિલાયન્સે બનાવ્યો નવો રેકોર્ડ

મુકેશ અંબાણીનું સામ્રાજય તમામ સરકારી કંપનીઓથી વધારે

નવી દિલ્હી, તા. ૧૬ : મુકેશ અંબાણીની રિલાયન્સ ઇન્ડસ્ટ્રીઝ લિમિટેડ દિવસે ને દિવસે પ્રગતિ કરી રહી છે. રિલાયન્સ ઇન્ડસ્ટ્રીઝ લિમિટેડે એક નવો રેકોર્ડ બનાવ્યો છે. દેશની દરેક સરકારી કંપનીઓની સંપત્તિ રિલાયન્સ ઇન્ડસ્ટ્રીસ લિમિટેડેથી ઓછી છે. મુકેશ અંબાણીની રિલાયન્સ લિમિટેડેની માર્કેટ વેલ્યુએશન દેશની દરેક સરકારી કંપનીઓની કુલ મૂડીથી વધુ છે. જાન્યુઆરી ર૦ર૦થી અત્યાર સુધી દેશની સૌથી વેલ્યુએશન કંપની રિલાયન્સ ઇન્ડસ્ટ્રીઝ લિમિટેડના શેર પ૪.૬ ટકા વધી ગઇ છે. ગુગલ, ફેસબુક અને સિલ્વરલેક જેવી મોટી કંપનીઓને મુકેશ અંબાણી દ્વારા જિયો પ્લેટફોર્મ અને રિલાયન્સ રિટેલના શેર વેચવાને આ વધારાનું કારણ માનવામાં આવી રહ્યું છે.

દેશની ૮૩ પબ્લીક સેકટર અંડરટેકીંગની સંપૂર્ણ માર્કેટ કેપીટલાઇઝેશન ૧પ.૧૬ લાખ રોકડ રૂપિયા છે. બીજી બાજુ મુકેશ અંબાણીની રિલાયન્સ ઇન્ડસ્ટ્રીઝ લિમિટેડની માર્કેટ કોપટલાઇઝેશન રિલાયન્સ ઇન્ડસ્ટ્રીઝ લિમિટેડથી બે ગણી હતી. વર્ષની શરૂઆતમાં દેશની દરેક પબ્લિક સેકટર કંપનીઓની માર્કેટ કપીટલાઇઝેશન ૧૯.૩ લાખ કરોડ રૂપિયા હતી. બીજી બાજુ રિલાન્યસ લિમિટેડની માર્કેટ કેપીટલાઇઝેશન ૯.૬ લાખ કરોડ રૂપિયા હતાં.

છેલ્લા છ મહીનામાં રિલાયન્સ ઇન્ડસ્ટ્રીઝ લિમિટેડે ઇકવીટી કેપીટલથી ૩૩ બિલીયન ડોલરની રકમ એકઠી કરી છે. આ ઉપરાંત છેલ્લા છ મહીનામાં રિલાયન્સે તેમના દરેક રોકાણકારોની મૂડીને બેગણાથી વધુ કરી દીધી છે. બ્લુમબર્ગના ડેટા મુજબ મંગળવાર સુધી રિલાયન્સ લિમિટડની માર્કેટ કેપીટલાઇઝેશન ર૦૭.૮૮ બિલિયન ડોલર છે જે ભારતમાં સ્ટોક એક્ષચેંજ પર લીસ્ટેડ કંપનીઓના ૧૦ ટકા છે. ભારત વિશ્વનું ૧૦મું સૌથી મોટું ઇકિવટી માર્કેટ છે જેનું માર્કેટ વેલ્યુએશન અંદાજે ર.૧૧ ટ્રીલિયન ડોલર છે.

રિલાયન્સના શેર પ્રાઇઝમાં સતત વધારાએ મુકેશ અંબાણીને વિશ્વના સૌથી છઠ્ઠા અમીર વ્યકિત બનાવી દીધા છે. મુકેશ અંબાણી પાસે ૮૮.૪ બિલિયન ડોલરની સંપતિ છે. જુન ર૦ર૦ના અંત સુધી પ્રમોટર ગ્રુપની પાસે કંપનીના પ૦.૩૭ ટકા શેર હતા.

(3:36 pm IST)
  • રસ્તો ક્રોસ કરી રહેલા ઉત્તર પ્રદેશના ભાજપના ધારાસભ્ય દેવેન્દ્ર પ્રતાપ સિંહને વાહને અડફેટે લઇ લીધા : ચા પીવા ઉભા રહ્યા બાદ રસ્તો ઓળંગી રહ્યા હતા ત્યારે પુરપાટ ઝડપે જઈ રહેલા વાહને ટક્કર મારી દીધી : ગંભીર હાલતમાં લખનૌ હોસ્પિટલમાં દાખલ access_time 8:37 pm IST

  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST

  • જાણીતા શ્રમિક નેતા હસુભાઈ દવે અને તેમના લઘુબંધુ આરએસએસના નેતા નરેન્દ્રભાઈ દવે સહિતના પરિવારજનોને કોરોના : કેએસપીસીના પ્રમુખ મહાત્મા ગાંધી લેબર ઈન્સ્ટીટ્યુટના વાઈસ ચેરમેન અને દેશના જાણીતા શ્રમિક નેતા હસુભાઈ દવે અને તેમના લઘુબંધુ આરએસએસના પ્રાતસહઃ વ્યવસ્થા પ્રમુખ નરેન્દ્રભાઈ દવે સહિતના પરિવારને કોરોના પોઝીટીવ : ચિંતાની લાગણી access_time 11:19 am IST