Gujarati News

Gujarati News

News of Wednesday, 16th September 2020

કોરોનાનો ડર

એક વ્યકિતને છીંક આવી તો ઓફિસ છોડીને ભાગ્યા રાષ્ટ્રપતિ ટ્રમ્પ

નવી દિલ્હીઃ અમેરીકાના ચર્ચીત પત્રકારના નવા ટેપથી ખુલાસો થયો છે કે રાષ્ટ્રપતિ ડોનાલ્ડ ટ્રમ્પ એક વ્યકિતએ છીંક ખાધી તો તેમની ઓફીસ છોડીને ભાગ્યા. સુત્રોના જણાવ્યા મુજબ ટેપમાં ટ્રમ્પ ખુદ આ ઘટનાને સ્વીકાર કરતા સાંભળવા મળ્યા. સુત્રોના જણાવ્યા મુજબ ટ્રમ્પે કહયું હું થોડા દિવસ પહેલા વ્હાઇટ હાઉસમાં હતો ઓવલ ઓફીસમાં ૧૦ લોકોની સાથે મીટીંગ થઇ રહી હતી. એક વ્યકિતએ અચાનક છીંક ખાધી તો એ રૃમમાં રહેલા બધા લોકો ત્યાંથી ભાગ્યા અને હું પણ. પ્રખ્યાત પત્રકાર બોબ વુડવાર્ડને એક શોમાં આ ટેપનો ખુલાસો કર્યો. તેઓએ ટ્રમ્પની સાથે ૧૮ ઇન્ટરવ્યુ કર્યા હતા. ટેપમાં ટ્રમ્પ સૌથી પહેલા વુડવાર્ડને જણાવે છેકે કોરોના એટલો ભયાવહ છે. ટ્રમ્પ કહે છે એટલો ભયાવહ હોય છે કે વિશ્વાસ નહી થાય.

(3:57 pm IST)