Gujarati News

Gujarati News

News of Thursday, 17th September 2020

સુશાંતસિંહની પુર્વ મેનેજર દિશાએ ૮ જુને પાર્ટીમાંથી નીકળ્યા બાદ પોલીસને ૧૦૦ નંબર ઉપર ફોન કર્યો હતો નવો ધડાકો

મુંબઇ : ભાજપના ધારાસભ્ય નીતેશ રાણેએ દાવો કર્યો છે કે સુશાંતસિંહ રાજપુતની પુર્વ મેનેજર દિશા સાલીયાને ૮ જુનના રોજ કથિત જુહુ પાર્ટીમાં સામેલ થયા બાદ ૧૦૦ નંબર પર પોલીસને ફોન કર્યો હતો એ જ દિવસે તેનું મોત પણ થયુ હતુ, રીપબ્લીક ટીવીએ આ અંગેનો ખુલાસો કર્યો છે. નીતેશે કહયુ છે કે જો આ આકસ્મીક મૃત્યુ કે આત્મહત્યા હતી તો મુંબઇ પોલીસે દિશા મામલાના અધિકારી  શા માટે બે વખત બદલયા, જો આકસ્મીક મૃત્યુ હતુ તો તેના કોલ રેકોર્ડ એવું શા માટે બતાવે છે કે તેણીએ આખરી કોલ ૮ જુનના રોજ રાત્રે ૮.૩૦ કલાકે કર્યો હતો અને તેનો ફોન ચાર થી સાડાચાર કલાક માટે સ્વીચ ઓફ થઇ ગયો હતો અને તેના મોત બાદ તેનો ફોન કોઇએ ઉપયોગમાં લીધો હતો. આ ઘટના સવાલ ઉઠાવે છે કે આત્મહત્યા નથી લાગતી તેથી તપાસ થવી જોઇએ. નીતેશનું કહેવું છે કે અમારા સાંભળવામાં આવ્યા મુજબ પાર્ટીમાં તેની સાથે કંઇક ખોટુ થયુ હતુ અને તેણે પાર્ટીમાંથી રવાના થયા બાદ ૧૦૦ નંબર ઉપર ફોન કર્યો હતો અને  મદદ માગી હતી.

(3:56 pm IST)
  • નેપાળના પ્રાઈમ મિનિસ્ટર કે.પી.શર્મા ઓલીએ શ્રી નરેન્દ્ર મોદીને જન્મદિવસની શુભેચ્છા પાઠવી : બંને દેશ સાથે મળીને કામ કરશું તથા સબંધો વધુ મજબૂત કરીશું તેવી ભાવના વ્યક્ત કરી access_time 1:11 pm IST

  • બાબરી ધ્વંસના 48 આરોપીઓ પૈકી 16 ના મૃત્યુ થઇ ચુક્યા છે : બાકીના 32 માં લાલકૃષ્ણ અડવાણી ,મુરલી મનોહર જોશી ,ઉમા ભારતી ,સહિતનાઓનો સમાવેશ : 28 વર્ષ જેટલા લાંબા સમય સુધી ચાલેલી ટ્રાયલ દરમિયાન બાળાસાહેબ ઠાકરે ,અશોક સિંઘલ ,મહંત અવૈદ્યનાથ સહીત 16 આરોપીઓએ ચિર વિદાય લીધી : 30 સપ્ટેમ્બરના રોજ ચુકાદો access_time 12:28 pm IST

  • શું રેંટિયો કાંતવાથી અંગ્રેજો ભાગી જવાના હતાં ? : થાળી વગાડવાથી કોરોના ભાગી ન જાય તેવું કહેનારા લોકોને ભાજપ સાંસદ સુધાંશુ ત્રિવેદીનો વેધક સવાલ : જે રીતે ગાંધીજીએ આઝાદીના પ્રતીક તરીકે ચરખાને સ્થાન આપ્યું હતું તે રીતે મોદીજીએ સામાજિક ચેતના જાગૃત કરાવવા થાળી વેલણ વગાડવાનું કહ્યું હતું : પાર્લામેન્ટમાં સામસામી આક્ષેપબાજી access_time 11:10 am IST