Gujarati News

Gujarati News

News of Tuesday, 19th January 2021

લોકડાઉન દરમ્યાન 'ફિમેલ વિયાગ્રા'ના વેચાણમાં ૪૦૦ ટકાનો વધારો નોંધાયો

લંડન,તા. ૧૯: પોતાના જાતીય આનંદમાં ઉમેરો કરવા માટે લોકો ઘણા અખતરા કરતા હોય છે. કોરોના લોકડાઉન દરમિયાન ઘણા લોકો પોતાના પ્રિયજનો સાથે મહિનાઓ સુધી ઘરે જ રહ્યા હતા. જેમાં બ્રિટનની મહિલાઓએ પોતાની સેકસ લાઈફને વધારે રોમાંચક બનાવવા માટે ફિમેલ વાયગ્રાનો ભરપૂર ઉપયોગ કર્યો હતો. ફિમેલ વાયગ્રાના ઉત્પાદકોએ બ્રિટનમાં પ્રથમ લોકડાઉન દરમિયાન આ ગોળી બજારમાં મૂકવામાં આવી હતી. કંપનીએ જણાવ્યું છે કે મહિલાઓએ પોતાના જાતીય જીવનમાં આનંદનો ઉમેરો કરવા માટે લોકડાઉન દરમિયાન આ ગોળીનો ઉપયોગ કર્યો હતો.

ડેઈલી મેલના અહેવાલ પ્રમાણે એલિસ્સા કોરિગાનની આ સપ્લીમેન્ટમાં પાંચ બોટેનિકલ સબસ્ટન્સનો ઉપયોગ કરવામાં આવ્યો છે. આ ગોળીથી લિબિડો અને મૂડમાં વધારો થાય છે અને ઉર્જાને પણ વધારે છે. બીયર ગ્રીલ્સના કાર્યક્રમ ટ્રેઝર આઈલેન્ડમાં જોવા મળેલી ૩૫ વર્ષીય મહિલાએ એલે સેરા કરીને ગોળી બનાવી હતી. આ ગોળીમાં કુદરતી તત્વોનો ઉપયોગ કરવામાં આવ્યો છે. આ ગોળીને પણ દેખાવમાં આકર્ષક બનાવવા માટે તેને ગોલ્ડન કલરની બનાવવામાં આવી છે.

elle sera2 મિસ કોરિગને જણાવ્યું હતું કે તાજેતરના લોકડાઉનમાં આ ગોળીનું વેચાણ ૪૦૦ ટકા વધી ગયું છે. તેમણે કહ્યું હતું કે તમે વિચારી શકો છો કે જે કપલ લોકડાઉનમાં ઘરે છે અને તેમની પાસે કરવા માટે વધારે કામ નથી, તેમની સેકસ લાઈફ રોકિંગ હોવી જોઈએ. પરંતુ લોકો વેબ સિરીઝ જોવામાં વધારે સમય પસાર કરે છે અને તેમની તમામ ઉર્જા અને ઈચ્છા જતી રહે છે.

લોકો ઘરમાં કપડા પાજામા અને જોગર્સમાં જ ફરતા હોય છે જેના કારણે તેમના સાથી આકર્ષિત લાગતા નથી. પુરૂષો પાસે વાયગ્રા છે પરંતુ મહિલાઓ પાસે શું છે જેના કારણે તેઓ પોતાને સેકસી અનુભવી શકે? જયારે તમે અંદરથી સેકસી અનુભવો છો ત્યારે તમારી માનસિકતા બદલાઈ જાય છે, તેમ તેમણે ઉમેર્યું હતું.

(10:32 am IST)