Gujarati News

Gujarati News

News of Thursday, 21st January 2021

૪ કિલોની બૂલેટ થાળી પૂરી કરનારને એનફિલ્ડનું ઈનામ

પૂણેની હોટલનો ગ્રાહકોને આકર્ષવા નવો નુસખો : આ પ્રતિયોગિતામાં ભાગ લેનારા વ્યક્તિએ એક નૉન વેજ થાળીને ૬૦ મિનિટમાં ખાઈને પૂરી કરવાની રહેશે

પૂણે, તા. ૨૧ : પુણેની શિવરાજ હોટલ પોતાના ગ્રાહકો માટે અનોખી ઑફર લઇને આવી છે. અહીં ૪ કિલોની 'બુલેટ થાળીલ્લને જો તમે ૬૦ મિનિટમાં ખત્મ કરી દો છો તો તમને રૉયલ એનફિલ્ડ બાઇક મળશે. ગ્રાહકોની સામે ૪ કિલોની આ બુલેટી થાળીને પુરી કરવી એક મુશ્કેલ ચેલેન્જ છે. આ હોટલ પુણેના બહારના વિસ્તાર વડગાવ મવલ વિસ્તારમાં છે. હોટલે કોરોના મહામારી દરમિયાન ગ્રાહકોને આકર્ષિત કરવા માટે આ અનોખી રીતે 'વિન અ બૂલેટ બાઈકલ્લ અપનાવી છે.

આવા સમયે જ્યારે રેસ્ટોરન્ટ્સ કોરોના વાયરસ મહામારીની વચ્ચે ભારે નુકસાનનો સામનો કરી રહી છે અને ખુદને બનાવી રાખવા માટે સંઘર્ષ કરી રહી છે, ત્યારે ગ્રાહકોને આકર્ષવા માટે આ અનોખી સ્કીમ કામ કરી રહી છે. આ પ્રતિયોગિતામાં ભાગ લેનારા વ્યક્તિએ એક નૉન વેજ થાળીને ૬૦ મિનિટમાં ખાઈને પૂર્ણ કરવાની રહેશે, જે પણ આ થાળીને ખત્મ કરી લેશે તે ૧.૬૫ લાખની કિંમતવાળી રોયલ એનફિલ્ડ બૂલેટ જીતી શકે છે.

આ નોન વેજિટેરિયન થાળીમાં ૧૨ વ્યંજન છે. આ વ્યંજનોને ૪ કિલોગ્રામ મટન અને માછલીમાંથી બનાવવામાં આવે છે. આ ખાસ વ્યંજનોનું નામ છે ફ્રાઇડ સુરમઈ, પૉમફ્રેટ ફ્રાઇડ ફિશ, ચિકન તંદૂરી, ડ્રાઈ મટન, ગ્રે મટન, ચિકન મસાલા અને કોલુંબી પ્રોન બિરયાની. એક થાળીની કિંમત ૨,૫૦૦ રૂપિયા છે. અહીં આવવા પર તમને આ કૉન્ટેસ્ટના બેનર જોવા મળશે અને મેન્યૂ થાળીમાં પણ કૉન્ટેસ્ટની સંપૂર્ણ જાણકારી આપવામાં આવી છે.

સોલાપુર મહારાષ્ટ્રના સોમનાથ પવારે આ કૉન્ટેસ્ટમાં ભાગ લીધો અને તેમણે એક રૉયલ એનફિલ્ડ પણ જીતી. પવારે બુલેટ થાળીને એક કલાકથી પણ ઓછા સમયમાં ખત્મ કરી હતી. આ પહેલા પણ શિવરાજ હોટલ હોટલ એક આવી જ કૉન્ટેસ્ટ લઈને આવી હતી જેમાં ૪ લોકોએ ૮ કિલોની રાવણ થાળીને ૬૦ મિનિટમાં ખત્મ કરવાની હતી. જીતનારાઓને ૫ હજાર રૂપિયાનું ઇનામ આપવામાં આવતુ હતુ અને તેમણે થાળીની કિંમત પણ નહોતી આપવી પડતી.

(9:14 pm IST)
  • આરએસએસના સર સંઘચાલક મોહન ભાગવત શનિ-રવિ રાજકોટમાં :મોહન ભાગવતજી સંઘના અધિકારીઓ અને કાર્યકર્તાઓ સાથે બેઠક કરી સમાજની પ્રવર્તમાન સ્થિતિ અંગે ચર્ચા - વિચારણા કરશે : કોરોના કાળના પગલે પ્રેસવાર્તા કે કોઈ કાર્યક્રમમાં ભાગ લેશે નહિં access_time 1:07 pm IST

  • રામ મંદિર નિર્માણ માટે વિજયભાઈએ ૫ લાખ અને રામભાઈ મોકરિયાએ ૧૧ લાખ જાહેર કર્યા: મુખ્યમંત્રી વિજયભાઈ રૂપાણીએ આજે રાજકોટ ખાતે શ્રેષ્ઠઈઓની બેઠકમાં અયોધ્યામાં રામ મંદિર નિર્માણ માટે પાંચ લાખ રૂપિયાના દાનની જાહેરાત કરી છે, જ્યારે મારુતિ કુરિયર પ્રાઇવેટ લિમિટેડના શ્રી રામભાઈ મોકરિયાએ રામ મંદિર નિર્માણ માટે ૧૧ લાખ રૂપિયાની જાહેરાત કરી હતી. access_time 12:19 am IST

  • જીએસટીએન નેટવર્ક ઉપર મોટો સાયબર હુમલો : 'જીએસટીએન' નેટવર્ક ઉપર મોટો સાયબર અટેક થયો છે : કેટલાક કલાકો માટે ટેકસ સંબંધિત તમામ કાર્યવાહીઓ થંભાવી દેવામાં આવી છે : ન્યુઝ ફર્સ્ટ જણાવે છે કે સત્તાવાર વિગતોની રાહ જોવાઈ રહી છે. access_time 3:32 pm IST