Gujarati News

નવી દિલ્હી: દેશમાં કોરોના વાયરસનો સૌથી વધુ પ્રકોપ મહારાષ્ટ્રમાં છે. આ દરમિયાન મહારાષ્ટ્રથી એક ફોટો વાયરલ થયો છે, જેના કારણે સોશ્યલ મીડિયા પર બબાલ મચી ગઈ છે. આ ફોટો બે કારણોથી ખાસ છે, પ્રથમ જે યુવક કોરોનાની રસી લઈ રહ્યો છે એની ઉંમર 45 વર્ષથી ઓછી છે અને બીજી એ મહારાષ્ટ્રના પૂર્વ મુખ્યમંત્રી દેવેન્દ્ર ફડણવીસનો ભત્રીજો તન્મય છે. સોશ્યલ મીડિયા પર તન્મયની તસવીર વાયરલ થયા બાદ રાજકીય આક્ષેપબાજી પણ શરુ થઈ છે.

એનસીપીના પ્રવક્તા અને કૌશલ્ય વિકાસ મંત્રી નવાબ મલિકે આ મામલે ઉચ્ચસ્તરીય તપાસની માંગ કરી છે. તેમનું કહેવું છે કે વિપક્ષ નેતા દેવેન્દ્ર ફડણવીસના યુવા ભત્રીજાને રસી આપવામાં આવી, એ પણ બીજો ડોઝ પણ લગાવી દેવામાં આવ્યા, આ વિચારણીય છે. મલિકે કહ્યું કે નિયમ મુજબ 45 વર્ષથી ઓછી વયના લોકોને વેક્સીન આપવામાં આવતી નથી. શું આ ફ્રન્ટલાઈન હેલ્થવર્કર છે ? જો નથી તો તેની સામે ફરિયાદ દાખલ થવી જોઈએ.