Gujarati News

Gujarati News

News of Sunday, 22nd November 2020

ગ્વાલિયરમાં કોવિડ હોસ્પિટલના આઇસીયુ વોર્ડમાં આગ ભભૂકી : . વેંટિલેટરવાળા દર્દીઓને બેડ સહિત શિફ્ટ કરાયા

છત પરથી સળગતી લાઈટ એક બેડ પર પડી અને આગ પકડી લીધી

મધ્ય પ્રદેશના ગ્વાલિયરમાં કોવિડ હોસ્પિટલના ઈંટેસિવ કેયર યુનિટમાં આગ લાગી ગઈ છે. આગની ઘટના બાદ હોસ્પિટલમાં દોડાદોડી થઈ ગઈ હતી. ત્યારે અહીં દાખલ દર્દીઓ પોતાનો જીવ બચાવવા માટે અહીંથી તહીં ભાગી રહ્યા હતા.

 શનિવારે બપોરે લગભગ બે કલાકની આસપાસ ત્રીજા માળે એક બેડમાં અચાનક આગ લાગી ગઈ હતી. આગ લાગવાને કારણે સીલિંગમાં લાગેલી લાઈટમાં શોર્ટ સર્કિટ થઈ ગયું હતું. છત પરથી સળગતી લાઈટ એક બેડ પર પડી હતી, અને આગ પકડી લીધી હતી. જોતજોતામાં આ આગ ઘણી ફેલાઈ ગઈ હતી. ત્યારે આ ઘટનાને જોઈને ત્યાં હાજર દર્દીઓમાં દોડધામ મચી ગઈ હતી. ઉતાવળમાં આ દર્દીઓને સેકન્ડ ફ્લોરમાં શિફ્ટ કરવામાં આવ્યા હતા. વેંટિલેટરવાળા દર્દીઓને બેડ સહિત શિફ્ટ કરવામાં હોસ્પિટલ સ્ટાફને ખૂબ મહેનત કરવી પડી હતી.

(12:10 am IST)
  • કાઠમંડુમાં ચીન વિરોધી દેખાવો શરૂ થયા : નેપાળના પાટનગર કાઠમંડુથી અહેવાલો મળી રહ્યા છે કે કાઠમંડુમાં ચિન વિરોધી જોરદાર દેખાવો શરૂ થઈ ગયા છે. ચાઈનાએ નેપાળની સરહદે સંખ્યાબંધ જિલ્લાઓમાં જમીનો ઉપર દબાણ કર્યું છે તેના વિરોધમાં આ દેખાવો સર્જાયાનું જાણવા મળે છે.(ફાઇલ તસ્વીર) access_time 10:39 am IST

  • રાજસ્થાનમાં માસ્ક નહીં પહેરો તો હવે ૫૦૦નો દંડ : 9 જિલ્લામાં કફર્યુ : કોરોના કેસોનો રાફડો ફાટતા રાજસ્થાન કેબિનેટે 8 જિલ્લામાં નાઇટ કર્ફ્યુ લાદવાનો નિર્ણય કર્યો છે અને ફેસ માસ્ક ન પહેરવા પર દંડની રકમ 200 રૂપિયાથી વધારીને 500 કરી દીધી છે. રાજસ્થાનમાં પણ અચાનક કોરોના હાહાકાર વર્તાવી રહેલ છે. access_time 3:23 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 45,877 કેસ નોંધાયા :કુલ કેસનો આંકડો 90,50,212 થયો :એક્ટીવ કેસ ઘટીને 4,39,839 થયા:વધુ 48,560 દર્દીઓ સ્વસ્થ થતા કુલ 84,75,576 રિકવર થયા :વધુ 559 લોકોના મોત સાથે કુલ મૃત્યુઆંક 1,32,761 થયો access_time 1:06 am IST