Gujarati News

Gujarati News

News of Sunday, 22nd November 2020

કોંગ્રેસમાં નેતૃત્વની કોઈ સમસ્યા જ નથી, તમામ નેતાઓ રાહુલ ગાંધીની પડખે :સલમાન ખુરશીદ

દર વખતે ચૂંટણી પછી એનાલિસિસ થતુ હોય છે.પાર્ટીમાં તેને લઈને કોઈ ઝઘડો નથી.આ વખતે પણ આવું જ થશે.

નવી દિલ્હી : બિહાર ચૂંટણીમાં કોંગ્રેસના ખરાબ દેખાવ બાદ પાર્ટીમાં નેતૃત્વ પર અંદરથી જ સવાલો ઉઠી રહ્યા છે ત્યારે હવે પાર્ટીના અન્ય એક સિનિયર લીડર સલમાન ખુરશીદે કહ્યુ છે કે, પાર્ટીમાં નેતૃત્વનુ કોઈ સંકટ નથી અને સોનિયા ગાંધી તેમજ રાહુલ ગાંધીને પાર્ટીની અંદર તમામ પ્રકારનો સહયોગ અને ટેકો મળી રહ્યો છે.આ બાબત દરેક વ્યક્તિ જોઈ શકે છે.

 ગાંધી પરિવારની નિકટના નેતાઓમાં ગણાતા ખુરશીદે કહ્યુ હતુ કે, કોંગ્રેસમાં પોતાના વિચારો મુકવા માટે દરેક નેતા ને તક મળતી હોય છે ત્યારે પાર્ટીની બહાર પોતાના વિચારો વ્યક્ત કરવાના કારણે પાર્ટીને નુકસાન થતુ હોય છે.

તાજેતરમાં કપિલ સિબ્બલે પાર્ટીના નિરાશાજનક દેખાવ પર આપેલા નિવેદન બાદ ખુરશીદે આડકતરી રીતે સિબ્બલને ટાર્ગેટ કરીને આ વાત કરી હતી.ખુરશીદે કહ્યુ હતુ કે, પાર્ટીની નેતાગારી મારી વાત સાંભળે છે અને જે લોકો મીડિયામાં ટીકા કરી રહ્યા છે તેમને પણ તક અપાઈ છે.પાર્ટીમાં કોઈની વાત સાંભળવામાં નથી આવતી તે મુદ્દો ક્યાંથી આવ્યો તે સમજ નથી પડતી.

સિબ્બલ અને ચિદમ્બરમની ટિપ્પણીઓ પર ખુરશીદે કહ્યુ હતુ કે, તેમણે જે પણ કહ્યુ તેની સાથે હું અસંમત નથી પણ આ માટે મીડિયા સમક્ષ જવાની અને દુનિયાને બતાવવાની જરુર જ નથી.દર વખતે ચૂંટણી પછી એનાલિસિસ થતુ હોય છે.પાર્ટીમાં તેને લઈને કોઈ ઝઘડો નથી.આ વખતે પણ આવ જ થશે.ક્યાં ભૂલ થઈ છે તેના પર ચર્ચા થવાની જ છે.પાર્ટીમાં પૂર્ણકાલીન અધ્યક્ષની માંગણી કરનારા નેતાઓએ તેના પર પાર્ટીમાં થતી બેઠકોમાં વાત કરવી જોઈએ.

(5:53 pm IST)
  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 45,877 કેસ નોંધાયા :કુલ કેસનો આંકડો 90,50,212 થયો :એક્ટીવ કેસ ઘટીને 4,39,839 થયા:વધુ 48,560 દર્દીઓ સ્વસ્થ થતા કુલ 84,75,576 રિકવર થયા :વધુ 559 લોકોના મોત સાથે કુલ મૃત્યુઆંક 1,32,761 થયો access_time 1:06 am IST

  • હવે કોરોનાથી ફેફસાને નહિ થાય નુકશાન : ભારતીય મૂળના ડોકટરે શોધ્યો કોરોના વાયરસનો ઈલાજ : ભારતમાં જન્મી અને ટેનેસીની સેન્ટ જ્યુડ ચિલ્ડ્રન રિસર્ચ હોસ્પિટલમાં કાર્યરત ડો, તિરુમલા દેવી કનનેગતિએ આ સબંધિત એક અભ્યાસ જર્નલ સેલ ઓનલાઇન સંસ્કરણમાં પ્રકાશિત કર્યો : તેણીએ ઉંદર પર સંશોધનમાં જાણ્યું કે કોરોના થવા પર કોશિકાઓમાં સોજાને કારણે અંગોને બેકાર થવાનો સબંધ હાઇપરઇન્ફ્લેમેટરી પ્રતિરોધ છે જેનાથી મોત થાય છે access_time 11:50 pm IST

  • પેટ્રોલમાં ૮ પૈસા અને ડીઝલનાં ભાવમાં પ્રતિ લિટરે ૨૧ પૈસાનો વઘારો : પેટ્રોલિયમ પેદાશોના ભાવમાં ત્રીજા દિવસે પણ વધારો : પેટ્રોલ- ડીઝલના ભાવમાં આજે ત્રીજા દિવસે પણ વધારો થયો છે. : પેટ્રોલમાં ૮ પૈસા અને ડીઝલનાં ભાવમાં પ્રતિ લિટરે ૨૧ પૈસાનો વઘારો થયો છે. : આ ભાવ વધારો આજે સવારે છ વાગ્યા થી લાગુ થયો છે. access_time 10:35 am IST