Gujarati News

Gujarati News

News of Sunday, 22nd November 2020

પ્રેમિકાને મળવા પહોંચેલા પ્રેમીને પરિવારે આખી રાત ઢોર માર માર્યો: સવારે જમાઈ બનાવી લીધો

યુવાનને પોલીસને સોંપી દેવાયો. કેસથી બચવા માટે કેટલાક લોકોએ સમાધાન કરી લેવા માટેનું સૂચન કર્યું.

ઉત્તર પ્રદેશમાં એક ગજબ ઘટના બની છે  રાત્રે એક યુવકે પરિવારજનોનો માર ખાધો અને બીજા દિવસે જમાઈ બની ગયો. ઉત્તર પ્રદેશના રામપુરમાંથી એક એવો કિસ્સો સામે આવ્યો છે, જ્યાં અડધી રાત્રે પ્રેમીકાને મળવા માટે પહોંચેલા પ્રેમીને પકડીને પરિવારજનોએ ધોલાઈ કરી. એક રૂમમાં બંધ કરીને યુવકને માર મારવાનું શરૂ કરી દીધું હતું. દિવસ થતા જ આરોપી યુવાનને પોલીસને સોંપી દેવાયો. કેસથી બચવા માટે કેટલાક લોકોએ સમાધાન કરી લેવા માટેનું સૂચન પણ કર્યું.

આખી રાત ઢોરની જેમ માર માર્યા બાદ પરિવારજનોએ આ યુવાનને જમાઈ તરીકે સ્વીકારી લીધો. આ કેસ રામપુરના અજીમનગર પોલીસ સ્ટેશનની હદમાં આવતા મેહંદીનગરના સુમાલી ગામનો છે. જ્યાં આ યુવકની પ્રેમીકા રહેતી હતી. સ્વાર વિસ્તારનાા ગદ્દી નગલી ગામનાા નિવાસી પ્રેમસિંહનું મેહંદીનગરના સુમાલીની લક્ષ્‍મી નામની યુવતી સાથે અફેર હતું. આ યુવક અવારનવાર લક્ષ્‍મીને મળવા માટે ગામમાં આવતો હતો. યુવક આશરે 12 વાગ્યે પ્રેમીકાને મળવા માટે લક્ષ્‍મીના ઘરે પહોંચ્યો હતો. ઘરમાં કોઈ આવ્યું છે એની જાણ થતા પરિવારજનો એલર્ટ થઈ ગયા. પરિવારજનોએ છુપી રીતે એને જોયો ત્યારે પરિવારજનો ચોંકી ગયા હતા. પ્રેમી કંઈ સમજે કે વિચારે એ પહેલા જ પરિવારજનોએ પકડીને રૂમમાં પૂરી દીધો હતો. મોટો હોબાળો અને ધમાલ થતા આસપાસમાંથી પણ લોકો આવ્યા અને પ્રેમીની ધોલાઈ કરવાનું શરૂ કરી દીધું. ત્યાર બાદ મામલો પોલીસ સ્ટેશન સુધી પહોંચ્યો. આ કેસમાં પોલીસ ઉચ્ચ અધિકારી અરૂણ કુમારે જણાવ્યું કે, આ અંગેની ફરિયાદ આવતા યુવકનો પોલીસ સ્ટેશન બોલાવવામાં આવ્યો છે.

યુવકના પરિવારના લોકો પણ આવ્યા હતા. ત્યાર બાદ બંનેના પરિવારજનો વચ્ચે વાતચીત કરાવવામાં આવી હતી. ત્યાર બાદ બંને પક્ષના લોકોએ વિવાહનો નિર્ણય લીધો અને જે યુવાનની રાત્રે ધોલાઈ કરી હતી એને જમાઈ તરીકે સ્વીકારી લીધો હતો. પછી બંનેએ અજીમનગર વિસ્તારમાં આવેલા એક નાનકડા મંદિરમાં લગ્ન કરી લીધા હતા. આ ઘટનાની સમગ્ર રામપુરમાં ચર્ચા થઈ રહી છે. જોકે, પોલીસે બંનેનું નિવેદન પણ નોંધ્યું હતું

(9:37 pm IST)
  • ગાંધીનગર સિવિલને દોઢસો વધુ બેડ ફાળવવામાં આવી : કોવિડ રોગચાળો: ગાંધીનગર સિવિલ હોસ્પિટલમાં આશરે 180 પથારી ઉમેરવામાં આવશે access_time 1:31 pm IST

  • કોરોનાનું હોટસ્પોટ બની ગયેલા ભુજમાં કોરોના સંક્રમણ અટકાવવા માટે તંત્ર એક્શનમાં મોડમાં : ભુજ શહેર અને તાલુકામાં કોવિડ ગાઈડલાઈનની અમલવારી માટે ટિમોની રચના :ભુજના 12 વોર્ડ માટે 4 અને તાલુકા માટે બે ટીમોની થઈ રચના:મદદનીશ કલેક્ટર અને ભુજ પ્રાંત અધિકારી મનીષ ગુરવાણીએ કર્યો હુકમ access_time 11:19 pm IST

  • રાજસ્થાનમાં માસ્ક નહીં પહેરો તો હવે ૫૦૦નો દંડ : 9 જિલ્લામાં કફર્યુ : કોરોના કેસોનો રાફડો ફાટતા રાજસ્થાન કેબિનેટે 8 જિલ્લામાં નાઇટ કર્ફ્યુ લાદવાનો નિર્ણય કર્યો છે અને ફેસ માસ્ક ન પહેરવા પર દંડની રકમ 200 રૂપિયાથી વધારીને 500 કરી દીધી છે. રાજસ્થાનમાં પણ અચાનક કોરોના હાહાકાર વર્તાવી રહેલ છે. access_time 3:23 pm IST