Gujarati News

Gujarati News

News of Wednesday, 23rd September 2020

ભારતમાં સીરમ ઇન્સ્ટિટ્યૂટે કોવિડ-૧૯ વેકસીનનું ઉત્પાદન શરૂ કર્યું

સીરમ ઇન્સ્ટિટ્યૂટ ઓકસફોર્ડ યુનિવર્સિટીના કોરોના વેકસીન પ્રોજેકટમાં પાર્ટનર છે

 નવી દિલ્હી,તા.૨૩: સીરમ ઇન્સ્ટિટ્યૂટ ઓફ ઇન્ડિયાએ ભારતમાં કોવિડ-૧૯ વેકસીનનું ઉત્પાદન શરૂ કરી દીધું છે. સીરમ ઇન્સ્ટિટ્યૂટ વેકસીન ઉત્પાદનના મામલામાં દુનિયાની સૌથી મોટી કંપની છે. સીરમ ઇન્સ્ટિટ્યૂટ ઓકસફોર્ડ યુનિવર્સિટીના કોરોના વેકસીન પ્રોજેકટમાં પાર્ટનર છે અને ભારતમાં આ વેકસીનનું ટ્રાયલ કરાવી રહ્યું છે

 પૂણેની સીરમ ઇન્સ્ટિટ્યૂટ ઓફ ઇન્ડિયાએ પહેલાથી જ ઓકસફોર્ડના પ્રોજેકટમાં કોલેબ્રેશન કરી રાખ્યું છે. જો ઓકસફોર્ડની વેકસીન સફળ થશે તો ભારતમાં તેની ઉપલબ્ધતામાં કોઈ મુશ્કેલી આવશે નહીં. આ કંપનીએ AstraZeneca નામની તે કંપની સાથે ટાઇ-અપ કરી રાખ્યું છે જે ઓકસફોર્ડ યુનિવર્સિટી સાથે મળીને વેકસીન તૈયાર કરી રહી છે

 મીડિયામાં એવા રિપોર્ટ આવી ચૂકયા છે કે ઓકસફોર્ડનો પ્રોજેકટ સફળ થવાની સાથે સીરમ ઇન્સ્ટિટ્યૂટ ઓફ ઇન્ડિયા વેકસીનના ૧૦૦ કરોડ ડોઝ તૈયાર કરશે. જેમાં ૫૦ ટકા ભારત માટે હશે અને ૫૦ ટકા ગરીબ અને મધ્યમ આવકવાળા દેશો માટે છે. )

 અદર પૂનાવાલાહાલના સમયે સીરમ ઇન્સ્ટિટ્યૂટ ઓફ ઇન્ડિયાના સીઈઓ છે. તેમના પિતા ડો. સાઇરસ પૂનાવાલાએ સીરમ ઇન્સ્ટિટ્યૂટની સ્થાપના ૧૯૬૬માં કરી હતી. આ કંપની પૂનાવાલા ગ્રૂપનો ભાગ છે. અદર પૂનાવાલાએ યૂનાઇટેડ કિંગડમની યુનિવર્સિટી ઓફ વેસ્ટમિનિસ્ટરથી અભ્યાસ કર્યો છે. અદર પૂનાવાલાએ પોતાની પિતાની કંપની ૨૦૦૧માં જોઈન કરી હતી. માનવામાં આવે છે કે સીરમ ઇન્સ્ટિટ્યૂટને આગળ વધારવા અને તેના ઇન્ટરનેશનલ ગ્રોથમાં તેમનો મોટો રોલ છે. ૨૦૧૧માં તે કંપનીના સીઇઓ બન્યા હતા.

(11:04 am IST)
  • અત્યારે મોડી રાત્રે પોણા અગિયાર વાગ્યે સૌરાષ્ટ્રના ઓખા દ્વારકા પોરબંદર જામનગર ના દરિયા કાંઠે જબ્બર વાદળા છવાયા છે સાથોસાથ સુરત સહિત દક્ષિણ ગુજરાત ઉપર પણ વાદળોના ગંજ ખડકાયા છે. ભારે બફારા પછી રાત્રે સુરતમાં જોરદાર વરસાદ પડ્યાનું કુશલ ઠક્કરે જણાવ્યું છે. access_time 11:51 pm IST

  • રાજકોટ : ઝોન 8 માં બેસતા વરિષ્ઠ નોટરી કે. કે. મહેતાનું કોરોના ને લીધે દૂ:ખદ અવસાન થયાનું જાણવા મળે છે. access_time 12:10 am IST

  • શાળાઓમાં શિક્ષકોની દસ લાખ જગ્યાઓ ખાલી પડી છે : દેશની શાળાઓમાં શિક્ષકોની 10 લાખથી વધુ જગ્યા ખાલી હોવાનું કેન્દ્રીય માનવ સંસાધન વિકાસ પ્રધાન શ્રી નિશંકે લોકસભામાં જણાવ્યું હતું. access_time 12:03 am IST