Gujarati News

Gujarati News

News of Friday, 25th September 2020

કોરોના કાળમાં વિશ્વનું 'દવાખાનુ' બની ઉપસ્યું ભારત

દવાઓ-સુરક્ષા ઉપકરણોમાં આત્મનિર્ભરતા મેળવી એટલુ જ નહિ ૧ર૦ દેશોમાં નિકાસ પણ કરી

નવી દિલ્હીઃ ભારતને કોરોના કાળમાં શરૂઆતના તબક્કે ભલે મેડીકલ સુવિધાઓ માટે ઝુઝવુ પડયું હોય પણ થોડાક જ મહિનામાં તે દુનિયાનું દવાખાનુ બનીને બહાર આવ્યું છે. તેણે દવાઓના ઉત્પાદન અને સુરક્ષા ઉપકરણો બાબતે આત્મનિર્ભરતા મેળવી એટલું જ નહી પણ આવી મોટાભાગની વસ્તુઓની નિકાસ પણ શરૂ કરી દીધી.

આજે તે દવા જ નહી,માસ્ક, પીપીઇ કીટ, વેન્ટીલેટર વગેરેની નિકાસ કરી રહયું છે. બ્લુમબર્ગના રિપોર્ટ અનુસાર ભારતે છેલ્લા ચાર મહિનામાં ૧ર૦ દેશોને પેરાસીટામોલ, હાઇડ્રોકસી કલોરોકવીન સહીતની એક ડઝનથી વધારે જાતની દવાઓ  નિકાસ કરી અને આ કટોકટીના સમયમાં તેમાંથી ૪૦ દેશોને મફતમાં દવાઓ મોકલી.

ભારત માર્ચમાં પીપીઇ કીટની આયાત કરી રહયું હતું. એપ્રિલથી ઓગષ્ટ વચ્ચે તેણે દોઢ કરોડ પીપીઇ કીટનું ઉત્પાદન કર્યુ હવે તે દર મહિને રપ લાખ કીટ નિકાસ કરે છે. આજે વિશ્વમાં અપાતી રસીઓમાંથી ૬૦ ટકા રસીઓ ભારતમાં બને છે. દર દસમાંથી છ બાળકોને ભારતીય રસી મુકાય છે. લગભગ ર૦૦ દેશોમાં ભારત રસીની નિકાસ કરે છે અને તેની કિંમતો પણ સૌથી ઓછી છે.

(11:21 am IST)
  • દેશમાં કોરોનાના કહેર વચ્ચે આજે નવા કેસ કરતા સ્વસ્થ થનારની સંખ્યામાં વધુ :કુલ કેસનો આંક 59 લાખને પાર પહોંચ્યો : રાત્રે 12-30 વાગ્યા સુધીમાં દેશમાં 85,465 નવા કેસ નોંધાયા : કુલ કેસની સંખ્યા 59,01.571 થઇ : 9,61,159 એક્ટીવ કેસ : વધુ 93,166 દર્દીઓ સ્વસ્થ થતા કુલ 48,46,168 રિકવર થયા : વધુ 1093 લોકોના મોત સાથે મૃત્યુઆંક 93,410 થયો access_time 12:51 am IST

  • અમદાવાદના જાણીતા ડેવલપર ગ્રુપ ઉપર ઇડીની તપાસ શરૂ : એન્ફોર્સમેન્ટ ડીરેકટોરેટે અમદાવાદના શ્રી આશીષ પટેલના રાધે ડેવલપર ગ્રુપ ઉપર 'સર્ચ' તપાસ શરૂ કરી છે. તેમના ૨૦૦ કરોડના જમીન પ્રોજેકટ અંગે હવે 'પીએમએલએ' હેઠળ આ તપાસ શરૂ થયાનું ન્યુઝફર્સ્ટ જણાવે છે. access_time 12:50 pm IST

  • નોબલ પારિતોષિક માટે હવે પુતીનનું નામ નોમિનેટ થયું: ડોનાલ્ડ ટ્રમ્પ પછી હવે રશિયન પ્રમુખ વ્લાદિમીર પુતીનનું નામ નોબલ શાંતિ પારિતોષિક માટે નોમિનેટ કરવામાં આવ્યું છે. જોકે ક્રેમલીને જાહેર કર્યું છે કે અમે પુતિનનું નામ નોમિનેટ કરેલ નથી. access_time 12:17 am IST