Gujarati News

Gujarati News

News of Friday, 25th September 2020

રશિયામાં જનતા માટે ઉપલબ્ધ થઈ કોવિડ વેકિસન

રશિયાનું કહેવું છે કે કોરોના વાયરસના આ સંકટમાં કોરોનાને ખતમ કરવા માટે સ્પુતનિક-v વેકિસન ખુબ ઉપયોગી સાબિત થશે

નવી દિલ્હી,તા.૨૫: દેશ અને દુનિયામાં કોરોના વાયરસનો કેર જારી છે. દુનિયામાં અત્યાર સુધી ૩.૨૨ કરોડ લોકો વાયરસથી સંક્રમિત થયા છે. તો વિશ્વના ઘણા દેશમાં કોરોના વાયરસને રોકવા વેકિસનની શોધ કરવામાં આવી રહી છે. આ વચ્ચે રશિયાએ કોરોના વાયરસની વેકિસન બનાવવાનો દાવો કર્યો હતો અને હવે રશિયાની કોરોના વેકિસન જનતા માટે ઉપલબ્ધ છે.

રશિયાએ કોરોના વાયરસની વેકિસનને 'સ્પુતનિક-v'  આપ્યું છે. તો રશિયાનું કહેવું છે કે કોરોના વાયરસના આ સંકટમાં કોરોનાને ખતમ કરવા માટે સ્પુતનિક-v વેકિસન ખુબ ઉપયોગી સાબિત થશે. આ કડીમાં હવે રશિયાએ જનતા માટે કોરોના વેકિસન ઉપલબ્ધ કરાવી દીધી છે. સ્થાનિક મીડિયા પ્રમાણે કોરોના વાયરસ વેકિસન 'સ્પુતનિક-v'નો પહેલો જથ્થો રાજધાની મોસ્કોમાં લોકો માટે ઉપલબ્ધ કરાવવામાં આવ્યો છે.

મહત્વનું છે કે ઓગસ્ટ મહિનામાં રશિયાના ગામાલેયા સાઇન્ટિફિક રિસર્ચ ઈન્સ્ટિટ્યૂટે Sputnik V વેકિસન લોન્ચ કરી હતી. લોન્ચિંગ બાદ આ વેકિસન ખુબ ચર્ચામાં છે. હવે વેકિસનને રશિયા બીજા દેશોમાં પણ સપ્લાઈ કરવાની યોજના પર કામ કરી રહ્યું છે. ભારતને પણ રૂશની વેકિસન હાસિલ થઈ શકે છે. ભારતના લોકો માટે પણ રશિયાની વેકિસનને લઈને વાતચીત ચાલી રહી છે. વેકિસન સપ્લાઈની આ પ્રક્રિયા ટ્રાયલ પૂરી થયા બાદ વર્ષના અંતમાં શરૂ થઈ શકે છે. આ વેકિસનને મંજૂરી આપતા પહેલા ભારતમાં લોકો પર તેની કિલનિકલ ટ્રાયલ કરવામાં આવશે.

(11:39 am IST)
  • ખાનગી શાળાઓનો ફીનો મુદ્દો હજુ અદ્ધરતાલ : વાલી મંડળે ૫૦%ની માંગણી કરી : શિક્ષણમંત્રીએ ૨૫%ની ફી માફીની દરખાસ્ત કરી : ફરી ૨૯મીએ શિક્ષણમંત્રી સાથે વાલીમંડળની બેઠક મળશે access_time 4:06 pm IST

  • જંકશન-૧પ માં સતત ૩ દિ' થયા પાણીનાં ધાંધીયા : વોર્ડ નં. ૩ નાં જંકશન પ્લોટ શેરી નં. ૧પ માં સતત ત્રણ દિ' થયા પાણી અત્યંત ઓછુ આવતાં લતાવાસીઓમાં જબરો દેકારોઃ વાલ્વ બદલાવ્યો છતાં પાણી નહી આવતાં ઉગ્ર રજૂઆતો access_time 3:36 pm IST

  • પટણામાં પપ્પુ યાદવના કાર્યકર્તાઓની બેફામ ધોલાઇ કરતા ભાજપ કાર્યકર્તાઓઃ મોટો હંગામો : પપ્પુ યાદવની જનશકિત પક્ષના કાર્યકરો ખેડૂત વિરોધી ખરડાનો વિરોધ કરવા પહોંચતા જ ભાજપ કાર્યકર્તાઓ લાઠીઓ લઇ તૂટી પડયા હતાઃ બેફામ ધોલાઇ કરી : પપ્પુ યાદવના કાર્યકરો હાથ જોડી માફી માગતા નજરે પડેલ પણ ભાજપના કાર્યકર્તાઓએ ધોલાઇ ચાલુ જ રાખેલ access_time 12:51 pm IST