Gujarati News

Gujarati News

News of Sunday, 25th October 2020

' શીખ અમેરિકન્સ ફોર બિડન ' : અમેરિકામાં વસતા શીખ સમૂહે પ્રેસિડન્ટ પદના ડેમોક્રેટ ઉમેદવાર જો બિડનને સમર્થન ઘોષિત કર્યું : દેશમાં વસતી તમામ કોમો માટે સમાનતાનો વ્યવહાર કરી શકનાર તરીકે જો બિડનને યોગ્ય ગણાવ્યા

વોશિંગટન : ' શીખ અમેરિકન્સ ફોર બિડન ' : યુ.એસ.માં યોજાનારી પ્રેસિડન્ટ પદની ચૂંટણી માટે સ્થાનિક શીખ સમૂહે ડેમોક્રેટ ઉમેદવાર જો બિડનને સમર્થન ઘોષિત કર્યું છે.

' શીખ અમેરિકન્સ ફોર બિડન ' સૂત્ર સાથે શીખ કોમ્યુનિટી અગ્રણીઓએ અમેરિકાના પૂર્વ વાઇસ પ્રેસિડન્ટ તથા 2020 ની સાલના પ્રેસિડન્ટ પદના ડેમોક્રેટ ઉમેદવાર જો બિડનને સમર્થન આપતા જણાવ્યું હતું કે દેશમાં તમામ કોમો માટે સમાનતાનો વ્યવહાર કરી શકનાર તરીકે જો બિડન પ્રેસિડન્ટ તરીકેના યોગ્ય ઉમેદવાર છે.

જો બિડન સાથેની સ્પર્ધાના વર્તમાન પ્રેસિડન્ટ તથા  રિપબ્લિકન ઉમેદવાર ડોનાલ્ડ ટ્રમ્પ શીખો પ્રત્યે ભેદભાવ રાખી રહ્યા હોવાનું જણાયું છે. તથા તેમના પ્રેસિડન્ટ પદ હેઠળ વંશીય ભેદભાવની ઘટનાઓ વધી છે.તેવું ન્યુજર્સી મેયર રવિ ભલ્લા સહિતના કોમ્યુનિટી અગ્રણીઓએ જણાવ્યું હતું.

(8:10 pm IST)
  • થરાદ પંથકમાં જુથ અથડામણ: એકનું મોત: આગ ચાંપી : બનાસકાંઠા મોડી રાત્રે થરાદના ટરૂવા ગામે જૂથ અથડામણમાં એકનું મોત નીપજ્યું છે અને આગચંપીને કારણે ઘરવખરી બળીને ખાખ થઇ ગઇ છે. થરાદ પોલીસે વધુ તપાસ હાથ ધરી access_time 5:58 pm IST

  • દેશમાં કોરોનાના કેસની સંખ્યા 79 લાખને પાર પહોંચી : જોકે નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 11 વાગ્યા સુધીમાં કોરોનાના નવા 45,064 કેસ નોંધાયા:કુલ કેસનો આંકડો 79,09,049 થયો :એક્ટીવ કેસ ઘટીને 6,54,686 થયા:વધુ 58,179 દર્દીઓ સ્વસ્થ થતા કુલ 71,33,993 રિકવર થયા :વધુ 460 લોકોના મોત સાથે કુલ મૃત્યુઆંક 1,19,030 થયો access_time 12:03 am IST

  • ઓક્સફર્ડ-એસ્ટ્રાઝેનેકાએ તેની પ્રાયોગિક કોરોના વેકસીનના પરીક્ષણો પૂર્ણ કરેલ છે અને BMC ટૂંક સમયમાં તેની ક્લિનિકલ ટ્રાયલ્સનો ત્રીજો તબક્કો મુંબઈમાં શરૂ કરશે. access_time 10:02 pm IST