Gujarati News

Gujarati News

News of Sunday, 25th October 2020

નોરતુ ૮: આઠ આગ ચીરમી :૮ ઘંટારવ : ૮ ચપટીઃ ૮ તાલી

રાજકોટ : આદ્યશકિત વંદનારૂપી નોરતામાં દેશ-વિદેશોમાં ગરબાથી ગૌરવવર્ણી  રાજકોટની આંતરરાષ્ટ્રીય ફલક પર ગરબે ઘૂમતી કંકણ સંસ્થા રાજકોટ ગુજરાત ભારતે 'અકીલા'ના સથવારે ગરબાનો યજ્ઞ પ્રગટાવ્યો છે. અસંખ્ય વાચકો દર્શકોએ આ યજ્ઞમાં પોતાની ભાવના વ્યકત કરી સમુહસ્વરે જય આદ્યાશકિત આરતીને મહામંડળે વિહરામ કરી છે

  નોરતું ૮ અષ્ટમ ગરબા પ્રયોગ : અષ્ટમી અષ્ટભુજા આવી આનંદ માં સુનીવર મુનીવર જન્મયા દેવ દૈત્ય માં  ૐ જય જય ...માતૃવંદના નોરતા ઉત્સવના આઠમા નોરતા આદ્યશકિત અંબેનો આરાધનાનું દીપ પ્રાગટ્ય સીટી ન્યુઝ ચેનલ નીતીનભાઇ નથવાણી અને શ્રીમતી જયોતિબેન નીતિન નથવાણીના હસ્તે કરાયું. અષ્ટમ આઠમા નોરતે કંકણની ૮ જોગમાયાઓ માથા ઉપર આઠ આગજયોતિ માથા પર આઠ  ઘંટનાદ, આઠ તાલીઓ, આઠ ચપટીઓ, અને આઠ ચક્કર ના ચમકારે ચાચર ચોક ચૌદ લોકમાં રમતો ઘુમતો કર્યો.

 નોરતુ ૮ : માં દુર્ગાનું ૮મું સ્વરૂપ માં મહાગૌરીની પૂજા, અર્ચના, વંદનાનો છે. માં મહાગૌરી  દુર્ગાનું શુદ્ઘ સુંદર અને શાંત સ્વરૂપ છે.

 ત્રિશૂલ ડમરૂ ધારિણી માં મહાગૌરીઃ  આજે નવરાત્રીનો આઠમો દિવસ અર્થાત આઠમું નોરતું આજના દિવસે માં જગદંબાએ માં મહાગૌરી  સ્વરૂપ ધારણ કર્યું હતું. 'માં' શબ્દ જ એવો છે કે તેને બોલતા જ મોં ભરાઈ જાય અને અનન્ય આનંદની અનુભૂતિ થાય. માં નો  મહિમાં અને મમતા પણ એવી છે કે હૃદયના સાચા ભાવથી જો તમને ઉપાસના કરવામાં આવે તો માં ચોક્કસ રીઝે અને અણધાર્યા કામ પાર પાડે આજે આઠમા નોરતે માં મહાગોરી નો જાણી એતો માં જગદંબાએ આઠમા નોરતે મહાગોરી સ્વરૂપ ધારણ કર્યું હતું.

મહાગૌરી વર્ણ ગોરો હોવાથી તેઓ મહાગૌરી કહેવાયા. આ નોરતાની ઉપમા સંખ, ચંદ્ર અને મોગરાના પુષ્પથી અપાય છે માતાજીના સમસ્ત આભૂષણ અને વસ્ત્ર શ્વેતાંબરી છે માતાજીને ચાર ભૂજાઓ છે અને તેમનું વાહન વૃષભનું (બળદ)  છે. માતાજીનો ઉપરનો જમણો હાથ અભય મુદ્રામાં છે અને નીચેના જમણા હાથમાં ત્રિશૂલ ધારણ કરેલ છે ઉપરના ડાબા હાથમાં ડમરું છે અને નીચેનો ડાબો હાથ અભય મુદ્રામાં છે માતાજી ની મુદ્રા અત્યંત શાંત છે નવરાત્રિના આઠમા નોરતે મહાગૌરીની પૂજા કરવાનું અનન્ય મહત્વ રહેલું છે.

(12:00 am IST)