Gujarati News

Gujarati News

News of Friday, 26th February 2021

મહારાષ્ટ્રમાં કોરોનાના કેસમાં ઝડપી વધારો થતા બજાર, થિયેટરો અને મેરેજ હોલને લઇને કડક પ્રતિબંધો લદાશે !?

લોકલ ટ્રેનોમાં ભીડ ઓછી કરવા માટે ટ્રેનોનું રીશેડ્યુલિંગ થઈ શકે છ : રાજ્ય સરકારે આપ્યા લોકડાઉન નહીં પણ નવા પ્રતિબંધના સંકેત

મુંબઈ :મહારાષ્ટ્રમાં કોરોનાના વધતા કેસોને જોતા રાજ્ય સરકારે નવા પ્રતિબંધો લગાવવાના સંકેત આપ્યા છે. મહારાષ્ટ્રના રાહત અને પુનર્વાસ મંત્રી વીજય વડેટ્ટીવારનું કહેવું છે કે, મુંબઇમાં  લોકલ ટ્રેનોમાં ભીડ ઓછી કરવા માટે ટ્રેનોનું રીશેડ્યુલિંગ થઈ શકે છે. સાથે જ બજાર, થિયેટરો અને મેરેજ હોલને લઇને કડક પ્રતિબંધો લગાવી શકાય છે. જો કે, તેમણે મહારાષ્ટ્રમાં ફરી લોકડાઉન  લગાવવાની સંભાવના પર ઇનકાર કર્યો છે.

મુંબઇ સહિત સમગ્ર મહારાષ્ટ્રમાં કોરોનાના વધતા કેસોએ મહારાષ્ટ્ર સરકારની ચિંતા વધારી છે. ગુરુવારના મુંબઇમાં 1145 નવા કેસ અને મહારાષ્ટ્રમાં 8702 કેસ નોંધાયા છે.

છેલ્લા બે અઠવાડિયામાં જે રીતે કોરોના કેસ વધી રહ્યા છે, તેણે કોરોના ટાસ્ક ફોર્સની ઉંઘ પણ હરામ કરી છે. કોરોનાને  લડત આપવા માટે બનાવામાં આવેલી ટાસ્ક ફોર્સના સભ્ય ડોક્ટર નીતિન કર્ણિકનું કહેવું છે કે, આ વખતે 15 વર્ષથી 25 વર્ષના યુવા પણ કોરોના સંક્રમિત  થઈ હોસ્પિટલ પહોંચી રહ્યા છે અને તે મોટી ચિંતાની વાત છે.

મહારાષ્ટ્ર સરકાર  પણ માની રહી છે કે, સ્થિતિ ગંભીર છે કેમ કે, દેશમાં કોરોનાના (Coronavirus) બે સૌથી મોટા હોટસ્પોર્ટ બની ચૂકેલા રાજ્યોમાં કેરળની સાથે મહારાષ્ટ્રનું નામ છે. એવામાં કોરોના પર કાબૂ મેળવવા માટે ફરી એકવાર કડક પ્રતિબંધો લગાવવા પર રાજ્ય સરકાર વિચાર કરી રહી છે. મહારાષ્ટ્રના રાહત અને પુર્નવાસ મંત્રી વીજય વડેટ્ટીવારનું કહેવું છે કે, ફરી લોકડાઉન તો નહીં લગાવવામાં આવે પરંતુ ભીડ ઓછી કરવા માટે કેટલાક પ્રતિબંધો લગાવી શકાય છે.

(11:38 pm IST)
  • ભારતીય ટીમના બોલર યુસુફ પઠાણે ક્રિકેટના તમામ ફોર્મેટમાંથી લીધી નિવૃતિ : આજે યુસુફે ઍકાઍક જાહેરાત કરતાં જણાવેલ કે તેઓઍ ક્રિકેટના તમામ ફોર્મેટમાંથી નિવૃતિ લઈ લીધી છે : યુસુફ પઠાણે તેમની કારકિર્દીમાં ૫૭ વન ડે અને ૨૨ આંતરરાષ્ટ્રીય ક્રિકેટ મેચ રમી છે : તેઓની કારકિર્દીમાં અનેક સિમાચિન્હરૂપ ઈનિંગ્સનો સમાવેશ થાય છે : યુસુફઍ ઍક ફાંકડા ફટકાબાજ તરીકે પણ લોકચાહના મેળવેલ access_time 5:23 pm IST

  • કર્ણાટકના સાંસદો અને પ્રધાનોને બખ્ખા : લાખો રૂ.ની નવીનક્કોર કાર લેવાની મંજૂરી : કર્ણાટકની ભાજપ સરકારે તેના પ્રધાનો અને સાંસદો માટે એક ૨૦થી ૨૨ લાખ રૂપિયા ૧૦૦ શોરૂમ ભાવની નવી મોટર કાર ખરીદવાની મંજૂરી આપી દીધી છે access_time 3:55 pm IST

  • આંદામાન સાગરમાં ભટકતી બોટની શોધ : રોહીંગ્યા શરણાર્થીઓની ગૂમ થયેલી બોટને શોધવામાં ભારતીય તટરક્ષક દળ મદદ કરી રહયું છે. આ નૌકા ૧પ દિ' પહેલા બાંગ્લાદેશથી રવાના થયા પછી ખરાબ થઇ ગયેલ. આ નૌકામાં ૯૦ લોકો છે. જેમની હાલત ખરાબ છે અને તે પૈકી ૮ના મોત થયાની આશંકા છે. જો કે આ નૌકા કયાં છે તે જાણવા મળતુ નથી. આ બોટમાં સવાર રપ વર્ષીય યુવાનની માતા નસીમા ખાતુન કહે છેકે પોતાનો પુત્ર ૪ લીટર પાણી માત્ર સાથે લઇને ગયો છે અને આ લોકો ભુખથી તડપી રહયા છે અને માર્ગ ભુલી ગયા છે. access_time 12:52 pm IST