Gujarati News

લદ્દાખની સ્વાયત્ત હિલ વિકાસ પરિષદની ચૂંટણીમાં ભારતીય જનતા પાર્ટીએ 15 સીટો જીતી છે. તો વળી કોંગ્રેસે અહીં 9 સીટ પર જીત નોંધાવી છે. આ ઉપરાંત અપક્ષ ઉમેદવારોએ પણ જીત નોંધાવામાં સફળ રહ્યા છે. એલએએચડીસીની 26 સીટો પર ચૂંટણી થઈ હતી, જેમાં ભાજપને બહુમત મળ્યો છે.ગત વર્ષે આ વિસ્તારને કેન્દ્રશાસિત પ્રદેશનો દરજ્જો મળ્યા બાદ પ્રથમ વખત લોકતાંત્રિક ઢબે અહીં ચૂંટણીઓ થઈ હતી.

ભાજપની આ જીત પર અધ્યક્ષ જેપી નડ્ડાએ શુભકામનાઓ આપી છે. નડ્ડાએ ટ્વીટ કરી કહ્યુ હતું કે, લેહ ચૂંટણી ઐતિહાસિક છે, પહાડી વિકાસની ચૂંટણીમાં ભાજપની જીત, 26માંથી 15 સીટ જીતવામાં ભાજપને સફળતા મળી. હું જામ્યાંગ શેરિંગ નામગ્યાલ અને ભાજપની લદ્દાખ બોડીના તમામ કાર્યકર્તાઓને શુભકામના આપુ છુ. ભાજપ પર વિશ્વાસ મુકવા બદલ લદ્દાખના લોકોનો આભાર