Gujarati News

Gujarati News

News of Monday, 26th October 2020

બોલિવૂડ ડાયરેક્ટર અનુરાગ કશ્યપ સામે આક્ષેપ કરનાર પાયલ ઘોષ RPIમાં જોડાઈ

ન્યાય માટે અભિનેત્રી રાજકારણમાં પ્રવેશી : કેન્દ્રીય મંત્રી રામદાસ અઠાવલે છેલ્લા કેટલાક સમયથી પાયલના સંપર્કમાં હતા, પક્ષ દ્વારા ન્યાય અપાવવાનું વચન

નવી દિલ્હી, તા. ૨૬ : બોલિવૂડ ડાયરેક્ટર અનુરાગ કશ્યપ પર યૌન શોષણનો આરોપ લગાવનાર પાયલ ઘોષે આજે રિપબ્લિકનપાર્ટી ઓફ ઈન્ડિયા (આરપીઆઈ)માં જોડાઈ ગયા છે. અવસર પર આરપીઆઈના રાષ્ટ્રીય અધ્યક્ષ અને કેન્દ્રીય મંત્રી રામદાસ અઠાવલેએ કહ્યું કે, જેણે અનુરાગ કશ્યપને ઘાયલ કર્યા તે છે પાયલ.

ઉલ્લેખનીય છે કે છેલ્લા કેટલાક દિવસોથી કેન્દ્રીય મંત્રી રામદાસ અઠાવલે પાયલ ઘોષ સાથે મુલાકાત કરી રહ્યા હતા. તેમણે પાયલને વિશ્વાસ અપાવ્યો હતો કે તેમની પાર્ટી ન્યાયની લડાઈમાં તેમની પડખે ઉભી છે. તેમણે ટ્વીટ કરીને કહ્યું કે, ન્યાય અપાવવાની લડાઈમાં આરપીઆઈ હંમેશા સાથ આપશે. અમે તમારી પડખે ઉભા છીએ. કેન્દ્રીય મંત્રી રામદાસ અઠાવલેએ પોતાની પોસ્ટ સાથે પાયલ સાથેની પોતાની મુલાકાતની તસવીર પણ શેર કરી હતી. અગાઉ પાયલ, રામદાસ અઠાવલેની સાથે મહારાષ્ટ્રના રાજ્યપાલ ભગત સિંહ કોશ્યારી સાથે મુલાકાત કરી હતી. નોંધનીય છે કે છેલ્લા કેટલાક દિવસમાં કેન્દ્રીય મંત્રી રામદાસ અઠાવલેએ પાયલ ઘોષ સાથે મુલાકાત કરી રહ્યા હતા. તેમણે પાયલને ન્યાય અપાવવાનો વિશ્વાસ અપાવ્યો હતો. અભિનેત્રી પાયલ ઘોષે અનુરાગ કશ્યપ પર યૌન શોષણનો આરોપ લગાવતા કહ્યું હતું કે જ્યારે તેણે પોતાનૃી કારકિર્દીની શરૂઆત કરી હતી ત્યારે અનુરાગ કશ્યપે તેની સાથે છેડતી કરી હતી. પાયલે કહ્યું હતું કે, મેં પોતાની કારકિર્દીને દાવ પર લગાવી દીધી છે. હું બસ એટલું કહેવા ઈચ્છું છું કે જે મારી સાથે થયું તે બીજા કોઈ સાથે થવું જોઈએ.

(8:25 pm IST)
  • ગુજરાત હાઇકોર્ટના ચીફ જસ્ટિસે તેમની સમક્ષના કેસોની સુનાવણી આજથી યુ-ટ્યુબ ઉપર લાઈવ શરૂ કરી ગુજરાત હાઇકોર્ટ આજથી તેની કાર્યવાહી ઓનલાઇન યુટ્યુબ ઉપર પ્રસારિત કરશે. ગુજરાત હાઇકોર્ટના ચીફ જસ્ટિસ વિક્રમનાથની અદાલત તેમની બેન્ચ સમક્ષ ના કેસો યુટ્યુબ ઉપર લાઈવ સ્ટ્રીમિંગ કરશે (લાઈવ પ્રસારણ કરશે) જે કદાચ દેશમાં પ્રથમ વખત બનશે. access_time 1:09 pm IST

  • દેશમાં કોરોના ધીમો પડ્યો : નવા કેસની સંખ્યામાં એકધારો ઘટાડો : નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 વાગ્યા સુધીમાં કોરોનાના નવા 35,932 કેસ નોંધાયા:કુલ કેસનો આંકડો 79,45,777 થયો :એક્ટીવ કેસ ઘટીને 6,26,220 થયા:વધુ 63,572 દર્દીઓ સ્વસ્થ થતા કુલ 71,98,660 રિકવર થયા :વધુ 482 લોકોના મોત સાથે કુલ મૃત્યુઆંક 1,19,534 થયો access_time 12:50 am IST

  • માસ્ક નાકની નીચે હતું ,તેથી પોલીસે થપ્પડ મારી દીધી : ' થપ્પડ મારવા બદલ આઈપીસીની કઈ કલમ લગાવી શકાય ? ' : આરટીઆઈ હેઠળ દિલ્હીના નાગરિકે સવાલ પૂછ્યો : બજારમાંથી બુક લઈને વાંચી લ્યો : આરટીઆઈ નો જવાબ access_time 2:24 pm IST