Gujarati News

Gujarati News

News of Saturday, 27th February 2021

સતત બે સપ્તાહ ઘટયા બાદ ભારતનું ફોરેક્સ રિઝર્વ 16.9 કરોડ ડોલર વધ્યુ

ફોરેક્સ રિઝર્વ 16.9 કરોડ ડોલર વધીને 583.86 અબજ ડોલર થયુ

નવી દિલ્હીઃ ભારતના ફોરેન એક્સચેન્જ રિઝર્વમાં બે સપ્તાહ બાદ ફરી વૃદ્ધિ થઇ છે જો કે ગોલ્ડ રિઝર્વના મૂલ્યમાં ઘટાડો નોંધાયો છે. RBI દ્વારા જાહેર કરાયેલા આંકડા મુજબ ગત 19 ફેબ્રુઆરીના રોજ સમાપ્ત થયેલા સપ્તાહના અંતે દેશનું ફોરેક્સ રિઝર્વ 16.9 કરોડ ડોલર વધીને 583.86 અબજ ડોલર થયુ છે. જ્યારે તે પૂર્વેના સતત બે સપ્તાહ દરમિયાન ફોરેક્સ રિઝર્વ ઘટ્યુ હતી. ગત 12 ફેબ્રુઆરીના રોજ ફોરેક્સ રિઝર્વ 24.9 કરોડ ડોલર ઘટીને 583.69 ડોલર અને તેની અગાઉના સપ્તાહે ફોરેક્સ રિઝર્વ રિઝર્વ 6.24 અબજ ડોલર ઘટીને 583.94 અબજ ડોલર થયુ હતુ. ઉલ્લેખનિય છે કે, 29 જાન્યુઆરી, 2021ના અંતે સમાપ્ત થયેલા સપ્તાહના અંતે ભારતનું ફોરેક્સ રિઝર્વ 590.18 અબજ ડોલરની ઐતિહાસિક ઉંચી સપાટીને સ્પર્શ્યુ હતુ.

ભારતના ફોરેન એક્સચેન્જ રિઝર્વમાં વૃદ્ધિનું મુખ્ય કારણ ફોરેન કરન્સી એસેટ્સમાં વધારો છે જે સમગ્ર વિદેશી હૂંડિયામણ ભંડોળમાં સૌથી વધુ હિસ્સેદારી ધરાવે છે. રિઝર્વ બેન્કના આંકડા મુજબ સમીક્ષાધીન સમયગાળા દરમિયાન ફોરેન કરન્સી એસેટેસ (FCA) 1.15 અબજ ડોલર વધીને 542.10 અબજ ડોલર થયુ છે. ડોલર ઉપરાંતની અન્ય કરન્સી જેવી કે યુરો, પાઉન્ડ અને યેન જેવી ગ્લોબલ કરન્સીના ડોલરની સામેના વધ-ઘટની અસર પણ FCA પર પડે છે.

જો કે સમીક્ષાધીન સપ્તાહ દરમિયાન ભારતના ગોલ્ડ રિઝર્વમાં ઘટાડો થયો છે જેનું કારણ છે વૈશ્વિક બજારમાં સોનાના ભાવમાં ઘટાડો. રિઝર્વ બેન્કના આંકડા મુજબ ભારતના ગોલ્ડ રિઝર્વનું મૂલ્ય 97.7 કરોડ ડોલર ઘટીને 35.25 અબજ ડોલર થયુ છે. તેવી જ રીતે ઇન્ટરનેશનલ મોનેટરી ફંડ (IMF) સાથે ભારતના સ્પેશિયલ ડ્રોઇંગ 40 લાખ ડોલર ઘટીને 1.50 અબજ ડોલર થયુ છે. તો IMFમાં ભારતની રિઝર્વ પોઝિશન 40 લાખ ડોલર ઘટીને 5.00 અબજ ડોલર થઇ હતી

(8:46 pm IST)
  • માર્ચ મહિનાથી દેશમાં ચાર મોટા બદલાવ : 60 વર્ષથી વધુની વયના અને 45 વધુ ઉંમરના બીમારી સામે ઝઝૂમતા લોકોનું થશે રસીકરણ :વિવાદથી વિશ્વાસ યોજનાનો લાભ લેવાની મુદત 31મી માર્ચ સુધી વધારી દેવાઈ :બેન્ક ઓડ બરોડામાં વિલય થતા દેનાબેંક અને વિજ્યાબેન્કના ખાતેદારોના એકાઉન્ટ નંબર અને આઇએફએસસી કોડ નવા લાગશે :બિહાર અને ઉત્તર પ્રદેશમાં ધોરણ પાંચ સુધીના બાળકો સ્કૂલે જઈ શકશે access_time 12:24 am IST

  • અમદાવાદમાં ક્રિકેટ સ્ટેડિયમનું નામ વડાપ્રધાન મોદીના નામ પર રાખવાનો નિર્ણય યોગ્ય : બાબા રામદેવે પીએમ મોદીને યુગ પુરુષ ગણાવતા કહ્યું કે મહાન વ્યક્તિઓના નામ પર ભાવનો અને સ્મારકોણ નામ રાખ્યા છે : ત્યારે હાલના મહાન વ્યક્તિત્વ મોદી અને તેમના નામ પરથી સ્ટેડિયમનું બામ રાખવું એમાં કઈ ખોટું નથી access_time 12:58 am IST

  • પશ્ચિમ બંગાળમાં કોલસા કૌભાંડમાં મોટો ખુલાસો : ખાનગી જમીનમાંથી કાઢીને વેચી નાખ્યો કોલસો : સીબીઆઈએ પત્ર લખીને કાર્યવાહીની કરી માંગ : કૈટલ સ્મગલિંગ અને કોલસા સ્મગલિંગમાં કેટલાક ચાર્ટડ એકાઉન્ટન્ટની મદદથી શેલ કંપનીઓ બનાવાઈ : લાંચની રકમનું મની લોન્ડરિંગ કરવા સાથે મોટા પાયે બેનામી સંપત્તિની ખરીદી access_time 12:52 am IST