Gujarati News

Gujarati News

News of Saturday, 27th February 2021

પશ્ચિમ બંગાળમાં ફરી બની શકે મમતા બેનર્જીની સરકાર

TMCને 148થી 164 બેઠકો મળી શકે: ભાજપને 92થી 108 બેઠકોથી સંતોષ માનવો પડશે: . કોંગ્રેસ-લેફ્ટ ગઠબંધનને 31થી 39 બેઠક મળવાનું અનુમાન: એબીપી ન્યૂઝ-સી વોટરનો ઓપિનિયન પોલ

નવી દિલ્હી :પશ્ચિમ બંગાળમાં વિધાનસભા ચૂંટણીની તારીખોની જાહેરાત થઈ ગઈ છે. બંગાળની ચૂંટણી પર તમામની નજર છે. પશ્ચિમ બંગાળ વિધાનસભાની કુલ 294 બેઠક છે. 2016ની વિધાનસભાની ચૂંટણીમાં મમતા બેનર્જીએ 211 બેઠક જીતી જબરદસ્ત વાપસી કરી હતી. પરંતુ 3 વર્ષ બાદ એટલે કે, 2019ની લોકસભાની ચૂંટણીમાં ભાજપે 42માંથી 18 બેઠક જીતી ઇતિહાસ સર્જયો હતો. ત્યારે આ વખતે બંગાળમાં કોની સરકાર બનશે. એબીપી ન્યૂઝ-સી વોટરના ઓપિનિયન પોલ મુજબ પશ્ચિમ બંગાળમાં ફરી મમતા બેનર્જીની સરકાર બની શકે છે.

એબીપી ન્યૂઝ-સી વોટરના ઓપિનિયન પોલ મુજબ. જો આજે પશ્ચિમ બંગાળમાં ચૂંટણી યોજાય તો મમતા બેનર્જની પાર્ટી TMCને 148થી 164 બેઠકો મળી શકે છે. 200 બેઠકોની પારનો નારો લઈને મેદાનમાં ઉતરેલી ભાજપને 92થી 108 બેઠકોથી સંતોષ માનવો પડશે. જ્યારે કોંગ્રેસ-લેફ્ટ ગઠબંધનને 31થી 39 બેઠક મળવાનો અનુમાન છે. એટલે કે, બંગાળમાં ભાજપને ફાયદો જરૂરથી થશે પરંતુ જીતની હેટ્રીક લગાવવામાં મમતા બેનર્જી સફળ થશે

(9:57 pm IST)
  • માર્ચ મહિનાથી દેશમાં ચાર મોટા બદલાવ : 60 વર્ષથી વધુની વયના અને 45 વધુ ઉંમરના બીમારી સામે ઝઝૂમતા લોકોનું થશે રસીકરણ :વિવાદથી વિશ્વાસ યોજનાનો લાભ લેવાની મુદત 31મી માર્ચ સુધી વધારી દેવાઈ :બેન્ક ઓડ બરોડામાં વિલય થતા દેનાબેંક અને વિજ્યાબેન્કના ખાતેદારોના એકાઉન્ટ નંબર અને આઇએફએસસી કોડ નવા લાગશે :બિહાર અને ઉત્તર પ્રદેશમાં ધોરણ પાંચ સુધીના બાળકો સ્કૂલે જઈ શકશે access_time 12:24 am IST

  • ચીનમાં માનવાધિકારની સ્થિતિ પર સંયુક્ત રાષ્ટ્ર સંઘે વ્યક્ત કરી ચિંતા : કહ્યું કે સમીક્ષા કરવી જરૂરી :સંયુક્ત રાષ્ટ્રસંઘના પ્રમુખે કહ્યું કે ચીનના શિનજિયાંગ ક્ષેત્રમાં માનવાધિકારની સ્થિતિની સમીક્ષા કરવી જરૂરી છે : એમ પણ કહ્યું કે ચીનમાં કાર્યકર્તાઓ,વકીલો અબે માનવાધિકારના રક્ષકો પર જુઠા કેસ ચલાવી બંદી બનાવ્યા છે access_time 12:53 am IST

  • રવિદાસજીએ સદીઓ પહેલા સમાનતા, સદભાવના અને કરૂણા પર સંદેશા આપ્યા હતા : નરેન્દ્રભાઈ : વડાપ્રધાન શ્રી નરેન્દ્રભાઇ મોદીએ આજે ટ્વિટર ઉપર લખ્યું છે કે સંત રવિદાસજીએ સદીઓ પહેલા સમાનતા, સદભાવના અને કરુણા પર સંદેશા આપ્યા હતા, જે યુગો યુગો સુધી દેશવાસીઓને પ્રેરણા આપશે. હું તેમની જન્મજયંતિ પર તેમને સાદર વંદન કરું છું. access_time 5:04 pm IST