Gujarati News

Gujarati News

News of Sunday, 27th September 2020

દેશનાં જાણિતા અર્થશાસ્ત્રી ઇશર જજ આહલુવાલિયાનું અવસાન

ઇશર બ્રેન કેન્સરથી ગ્રસ્ત હતા : ઈશર અર્થશાસ્ત્રી મોન્ટેક આહલુવાલિયાના પત્નિ હતા

નવી દિલ્હી, તા. ૨૬ : ભારતના પ્રખ્યાત અર્થશાસ્ત્રી ઇશર જજ આહલુવાલિયાનું શનિવારે ૭૫ વર્ષની ઉંમરે નિધન થયું છે. તેઓ બ્રેઇન કેન્સરથી પીડિત હતાં. ઇશર જજ આહલુવાલિયા એ મોન્ટેક સિંહ આહલુવાલિયાના પત્ની છે. મોન્ટેકસિંહ પણ પ્રખ્યાત અર્થશાસ્ત્રી તેમજ કોંગ્રેસના શાસનકાળમાં યોજના પંચના ડેપ્યુટી ચેરમેન હતા. તેઓ બ્રેઈન કેન્સરથી પીડિત હતા. ઇશર જજે મેસેચ્યુસેટ્સ ઇન્સ્ટિટ્યૂટ ઓફ ટેકનોલોજીમાંથી પીએચડી કરી હતી. તેમણે બી.એ. (ઇકો ઓનર્સ) પ્રેસીડેન્સી કોલેજ, કલત્તામાંથી કરી હતી. ત્યાર બાદ તેમણે દિલ્હી સ્કૂલ ઓફ ઇકોનોમિક્સમાંથી એમએ કર્યું હતું.  તાજેતરમાં ઓગસ્ટ મહિનામાં ઇશર જજ આહલુવાલિયાએ ઇન્ડિયન કાઉન્સિલ ફોર રિસર્ચ ઓન ઇન્ટરનેશનલ ઇકોનોમિક રિલેશનના ચેરપર્સન પદેથી રાજીનામું આપ્યુ હતુ. તેમનું સંશોધન શહેરી અને ઔદ્યોગિક વિકાસ અને મેક્રો-આર્થિક સુધારણા ઉપર કેન્દ્રિત છે.

ઇશર જજ *તમામ કેન્સર પૈકીના સૌથી મુશ્કેલ* ગ્રેડ ૈંફ ગિલોબ્લાસ્ટોમાથી પીડાતા હતા.. સામન્ય બોલચાલની ભાષામાં તેને બ્રેન કેન્સર કહે છે.

(12:00 am IST)
  • દેશમાં કોરોનાનો કહેર : રાત્રે 11-30 વાગ્યા સુધીમાં દેશમાં 61,955 નવા કેસ નોંધાયા : કુલ કેસની સંખ્યા 60,52,536 થઇ : હાલમાં 9,60,576 એક્ટીવ કેસ : વધુ 57,269 દર્દીઓ સ્વસ્થ થતા કુલ 49,95,957 રિકવર થયા : વધુ 618 લોકોના મોત સાથે મૃત્યુઆંક 95,152 થયો access_time 12:00 am IST

  • અમદાવાદની શાહીબાગ એસીબી કચેરી બની સાંસ્કૃતિક સમન્વયની પ્રતિક ગુજરાતની ધાર્મિક-સંસ્કૃતિની ઓળખ આપતા ચિત્રો - મંદિરો તેમજ હેરીટેજ સ્થળો દ્રશ્યોની ફ્રેમો મુકાઇ : આદિવાસી સંસ્કૃતિ-ગીરના સિંહોના તસ્વીરી ઝલકના દર્શન મુલાકાતીઓ કરી શકશો : કચેરીના નવા લુકથી કર્મચારીઓનો કામ કરવાનો જુસ્સો વધશે : પર્યટન સ્થળે આવ્યા હોય તેવો ભાવ મનમાં સર્જાશે access_time 3:05 pm IST

  • ભાજપની રાષ્ટ્રીય ટીમમાં ૪૫% નવા ચહેરાઓ : નવી ટીમની જાહેરાત કરી રહેલા ભાજપના રાષ્ટ્રીય પ્રમુખ જે.પી. નડ્ડા : ભાજપના રાષ્ટ્રીય પ્રમુખ જે.પી. નડ્ડા રાષ્ટ્રીય ભાજપની નવી ટીમની અત્યારે બપોરે ૩:૧૫ પછી જાહેરાત કરી રહ્યા છે જેમાં ૪૫ ટકા નવા ચહેરાઓ છે : જે.પી. નડ્ડાએ સમગ્ર ટીમમાં આમુલ ફેરફારો કર્યા છે : વિગતો જાહેર થઈ રહી છે (ન્યુઝફર્સ્ટ) access_time 3:11 pm IST