Gujarati News

Gujarati News

News of Sunday, 27th September 2020

IPL -2020 : રોમાચંક મેચમાં રાજસ્થાન રોયલ્સનો ધમાકેદાર વિજય : પંજાબને 4 વિકેટે પરાજિત કર્યું

રાજસ્થાનને આઈપીએલના ઈતિહાસનો સૌથો મોટો રનચેઝ કરી પંજાબને હરાવ્યું: છેલ્લી ઓવરમાં પાસું પલટ્યું :તેવતિયા 31 બોલમાં 7 છગ્ગા સાથે 53 રન ફટકાર્યા : જોફ્રા આર્ચરે ત્રણ બોલમાં બે છગ્ગા સાથે અણનમ 13 રન બનાવ્યા

શારજાહઃ શારજાહ ક્રિકેટ સ્ટેડિયમમાં રમાયેલી ઈન્ડિયન પ્રીમિયર લીગ (IPL 2020)ની 9મી મેચમાં રાજસ્થાન રોયલ્સે આઈપીએલના ઈતિહાસનો રેકોર્ડ રનચેઝ કરીને કિંગ્સ ઇલેવન પંજાબને 4 વિકેટે પરાજય આપ્યો છે. કિંગ્સ ઇલેવન પંજાબે ટોસ હારીને પ્રથમ બેટિંગ કરતા 20 ઓવરમાં 2 વિકેટે 223 રન બનાવ્યા હતા. જવાબમાં રાજસ્થાન રોયલ્સે  19.3 ઓવરમાં 226 રન બનાવી ટૂર્નામેન્ટમાં સતત બીજી જીત મેળવી છે. રાજસ્થાન તરફથી સ્ટીવ સ્મિથ (50), સંજૂ સેમનસ (85) અને રાહુલ તેવતિટા (53)એ અડધી સદી ફટકારી હતી. આ આઈપીએલના ઈતિહાસનો સૌથી મોટો રનચેઝ છે. આ મેચમાં કુલ 29 સિક્સ લાગી હતી. 

પંજાબે આપેલા પહાડી લક્ષ્યનો પીછો કરવા ઉતરેલી રાજસ્થાનની શરૂઆત ખરાબ રહી હતી. રાજસ્થાને 19 રનના સ્કોર પર પ્રથમ વિકેટ ગુમાવી હતી. આ સીઝનમાં પ્રથમ મેચ રમી રહેલ બટલર 4 રન બનાવી કોટ્રેલનો શિકાર બન્યો હતો. સ્ટીવ સ્મિથે સતત બીજી મેચમાં અડધી સદી ફટકારી હતી. સ્મિથે 27 બોલમાં 7 ચોગ્ગા અને 2 છગ્ગા સાથે 50 રન બનાવ્યા હતા. તે જિમી નીશમનો શિકાર બન્યો હતો.

એક સમયે રાજસ્થાનની ટીમ જીત મેળવી શકશે નહીં પરંતુ રાહુલ તેવતિયાએ ઈનિંગની 18મી ઓવર ફેંકવા આવેલા શેલ્ડન કોટ્રેલની ઓવરમાં 5 સિક્સ ફટકારી હતી. આ સાથે તેવતિયા 31 બોલમાં 7 છગ્ગા સાથે 53 રન બનાવી આઉટ થયો હતો. સંજુ સેમસને સતત બીજી મેચમાં દમદાર બેટિંગ કરતા 42 બોલમાં 4 ચોગ્ગા અને 7 છગ્ગા સાથે 85 રન બનાવ્યા હતા. અંતમાં જોફ્રા આર્ચરે ત્રણ બોલમાં બે છગ્ગા સાથે અણનમ 13 રન બનાવ્યા હતા.
ટોસ હારીને પ્રથમ બેટિંગ કરવા ઉતરેલી કિંગ્સ ઇલેવન પંજાબને બંન્ને ઓપનર કેએલ રાહુલ અને મયંક અગ્રવાલે ધમાકેદાર શરૂઆત અપાવી હતી. યુવા બેટ્સમેન મયંક અગ્રવાલે આઈપીએલમાં અનેક રેકોર્ડ બનાવતા માત્ર 45 બોલમાં પોતાની સદી પૂરી કરી હતી. આ સાથે તે આઈપીએલના ઈતિહાસમાં સૌથી ઝડપી પૂરી કરનાર બીજો ભારતીય ખેલાડી બની ગયો છે. રાહુલે 50 બોલમાં 10 ચોગ્ગા અને 7 છગ્ગા સાથે 106 રન બનાવ્યા હતા. 

 ટોસ હારીને પ્રથમ બેટિંગ કરવા ઉતરેલી કિંગ્સ ઇલેવન પંજાબને બંન્ને ઓપનરો દમદાર શરૂઆત અપાવી હતી. રાજસ્થાન રોયલ્સને પ્રથમ સફળતા 16.3 ઓવરમાં મળી હતી. ત્યારે મયંક અગ્રવાલ 106 રન બનાવી આઉટ થયો હતો. બંન્ને ઓપનરોએ 183 રનની ભાગીદારી કરી હતી. આ પંજાબ તરફથી આઈપીએલ ઈતિહાસમાં ઓપનિંગ ભાગીદારીનો એક રેકોર્ડ છે. કેએલ રાહુલ 69 રન બનાવી આઉટ થયો હતો. તેણે 54 બોલનો સામનો કરતા 7 ચોગ્ગા અને 1 છગ્ગો ફટકાર્યો હતો. 

ગ્લેન મેક્સવેલ 9 બોલમાં બે ચોગ્ગા સાથે 13 અને નિકોલન પૂરન 8 બોલમાં 1 ચોગ્ગા અને 3 છગ્ગા સાથે 25 રન બનાવી અણનમ રહ્યો હતો. રાજસ્થાન તરફથી અંકિત રાજપૂત અને ટોમ કરનને એક-એક સફળતા મળી હતી. 

(11:47 pm IST)
  • દેશમાં કોરોનાનો કહેર : રાત્રે 11-30 વાગ્યા સુધીમાં દેશમાં 61,955 નવા કેસ નોંધાયા : કુલ કેસની સંખ્યા 60,52,536 થઇ : હાલમાં 9,60,576 એક્ટીવ કેસ : વધુ 57,269 દર્દીઓ સ્વસ્થ થતા કુલ 49,95,957 રિકવર થયા : વધુ 618 લોકોના મોત સાથે મૃત્યુઆંક 95,152 થયો access_time 12:00 am IST

  • રામોજી ગ્રુપના અધ્યક્ષ રામોજી રાવે એસપી બાલાસુબ્રમણ્યમના નિધન પર શોક વ્યક્ત કર્યો: રામોજી રાવે કહ્યું, 'હું નિરાશ છું કે બાલાસુબ્રમણ્યમ હવે નથી. તે મારા નિકટના મિત્ર હતા. એક પ્રખ્યાત ગાયક જ નહીં, તે મારા ભાઈ જેવા હતા. તે મને પ્રેમથી ગળે લગાવતા હતા access_time 1:05 pm IST

  • ચીનની હુઆવે રિસર્ચ લેબોરેટરીમાં ભીષણ આગ : લેબોરેટરી બિલ્ડિંગમાંથી નીકળતા ધુમાડાના ગોટાઓ આકાશને આંબ્યાં : અનેક ફાયર બ્રિગેડ આગ બુઝાવવાની કામગીરીમાં : 3 મોત : આગના કારણ અંગે હજુ સુધી સરકાર દ્વારા કોઈ સ્પષ્ટતા કરાઈ નથી access_time 1:08 pm IST