Gujarati News

Gujarati News

News of Saturday, 28th November 2020

ઉત્તર ભારત ઠંડુગાર, બે - ત્રણ દિ' શીતલહેર

પહાડી વિસ્તારોમાં ભારે બરફવર્ષા વચ્ચે ઉત્તર - મધ્ય ભારતમાં ઠંડીમાં વધારો : તામિલનાડુ - પોન્ડીચેરીમાં જનજીવન સામાન્ય બની રહ્યુ છે, નિચાણવાળા વિસ્તારોમાં હજુ પાણી ભરાયા

નવી દિલ્હી : દેશભરમાં હવામાનનો મિજાજ બદલાઈ રહ્યો છે. વાવાઝોડું 'નિવાર'ના કહેરના પગલે દેશના અનેક રાજયોમાં વાતાવરણમાં બદલાવ જોવા મળ્યો છે. હવામાન વિભાગના જણાવ્યા મુજબ આગામી બે - ત્રણ દિવસમાં ઉત્તર ભારતમાં ઠંડીનું મોજું ફરી વળશે. પહાડો ઉપર ભારે બરફવર્ષાના પગલે મેદાની વિસ્તારોમાં જોરદાર ઠંડી પડશે.

દિલ્હી - એનસીઆરના અમુક વિસ્તારોમાં વરસાદી માહોલ વચ્ચે ઠંડી વધશે. હિમાચલ પ્રદેશના કેટલાક જિલ્લાઓમાં બરફવર્ષાના પગલે જનજીવન ઉપર અસર પડી છે. લાહૌલ સ્પીતિના પ્રશાસન કેન્દ્ર દ્વારા કહેવાયુ છે કે કેલાંગમાં ઠંડીનો પારો શૂન્યથી ૨.૫ ડિગ્રી સેલ્સીયસ નોંધાયો છે.

તામિલનાડુ અને પોન્ડીચેરીમાં વાવાઝોડુ 'નિવાર' બાદ હવે જનજીવન સામાન્ય બની રહ્યુ છે. રાહત બચાવકાર્ય ચાલુ છે, નિચાણવિસ્તારોમાં ભરાયેલા પાણીને કાઢવાની કામગીરી ચાલુ છે.

(3:45 pm IST)
  • દેશમાં કોરોનાથી મૃત્યુઆંક 1.36 લાખને પાર પહોંચ્યો :એક્ટિવ કેસ ફરી વધ્યા : રાત્રે 11 વાગ્યા સુધીમાં કોરોનાના નવા 39,414 કેસ નોંધાયા:કુલ કેસનો આંકડો 93,49,285 થયો :એક્ટીવ કેસ 4, 53,436 થયા: વધુ 39,815 દર્દીઓ સ્વસ્થ થતા કુલ 87,57,524 રિકવર થયા :વધુ 438 લોકોના મોત સાથે કુલ મૃત્યુઆંક 1,36,190 થયો access_time 11:58 pm IST

  • હિમાચલ પ્રદેશમાં માસ્ક નહીં પહેર્યો હોય તો વિના વોરંટ ધરપકડ થશે : હિમાચલ પ્રદેશમાં કોઇ પણ વ્યક્તિ માસ્ક પહેર્યા વિનાની નજરે પડશે તો વોરંટ વિના તેની ધરપકડ થશે અને તેમને જેલ સજા સુધીની જોગવાઈ કરવામાં આવી છે. access_time 10:44 am IST

  • 30 નવેમ્બરના રોજ વારાણસી જશે નરેન્દ્રભાઈ : ગંગા નદીમાં બોટ રાઇડ કરશે : વડાપ્રધાન શ્રી નરેન્દ્રભાઈ મોદી ૩૦ નવેમ્બરે વારાણસીની મુલાકાતે આવી રહ્યા છે તેઓ ગંગા નદીમાં બુટ મુસાફરી કરશે અને કાશી વિશ્વનાથ મંદિરની મુલાકાત પણ લેશે. વારાણસીના રાજઘાટ પર દીપ પ્રગટાવશે તથા વારાણસી અને પ્રયાગરાજ વચ્ચે એક નવા હાઇવેનું ઉદઘાટન કરશે access_time 10:45 am IST