Gujarati News

Gujarati News

News of Saturday, 28th November 2020

નેપાળમાં પાકિસ્તાન દૂતાવાસ સામે દેખાવો : વિશ્વમાં આતંકવાદ ફેલાવવાનો આરોપ : મુંબઈ હુમલાની વરસી નિમિત્તે કેન્ડલ માર્ચનું આયોજન કરાયું

કાઠમંડુ : આતંકવાદના પ્રણેતા તરીકે વિશ્વભરમાં પંકાઈ ગયેલા પાકિસ્તાન વિરુદ્ધ નેપાળના હજારો નાગરિકો રોડ ઉપર ઉતરી આવ્યા હતા.તેમણે 26 નવેમ્બરના રોજ મુંબઈમાં થયેલા આતંકવાદી હુમલાની 12 મી વરસી નિમિત્તે પાકિસ્તાન સરકાર વિરુદ્ધ આક્રોશ કર્યો હતો તથા હજુ સુધી આ આતંકવાદીઓ વિરુદ્ધ કોઈ કાર્યવાહી નહીં કરવા બદલ નારાજગી વ્યક્ત કરી પાકિસ્તાન દૂતાવાસ સામે દેખાવો કર્યા હતા.તથા અનેક રસ્તાઓ ઉપર ટ્રાફિક જામ કરી દીધા હતા.

દેખાવકારોએ પાકિસ્તાન વિરુદ્ધ સંયુક્ત રાષ્ટ્રસંઘે પગલાં લેવા જોઈએ તેવી  માંગણી કરી હતી.તથા મુંબઈ હુમલાને કારણે માર્યા ગયેલા લોકોને શ્રદ્ધાંજલિ આપી હતી.

ઉલ્લેખનીય છે કે મુંબઈમાં 26 નવેમ્બર 2008 ના રોજ થયેલા આતંકવાદી હુમલાને કારણે 166 નિર્દોષ પ્રજાજનોએ જીવ ગુમાવ્યા હતા.

(6:42 pm IST)
  • 30 નવેમ્બરના રોજ વારાણસી જશે નરેન્દ્રભાઈ : ગંગા નદીમાં બોટ રાઇડ કરશે : વડાપ્રધાન શ્રી નરેન્દ્રભાઈ મોદી ૩૦ નવેમ્બરે વારાણસીની મુલાકાતે આવી રહ્યા છે તેઓ ગંગા નદીમાં બુટ મુસાફરી કરશે અને કાશી વિશ્વનાથ મંદિરની મુલાકાત પણ લેશે. વારાણસીના રાજઘાટ પર દીપ પ્રગટાવશે તથા વારાણસી અને પ્રયાગરાજ વચ્ચે એક નવા હાઇવેનું ઉદઘાટન કરશે access_time 10:45 am IST

  • કર્ણાટકના મુખ્યમંત્રી યેદિયુરપ્પાના રાજકીય સચિવ એન.આર.સંતોષે આત્મહત્યાનો પ્રયાસ કર્યો : ગઈકાલ શુક્રવારે ઊંઘની ટીકડી ખાઈ લેતા હોસ્પિટલમાં સારવાર માટે દાખલ કરાયા : સચિવની ખબર કાઢવા યેદીયુરપ્પા હોસ્પિટલે પહોંચ્યા : આત્મહત્યાની કોશિષ નું કારણ જાણવા પોલીસ તપાસ ચાલુ access_time 1:53 pm IST

  • દેશમાં કોરોનાથી મૃત્યુઆંક 1.36 લાખને પાર પહોંચ્યો :એક્ટિવ કેસ ફરી વધ્યા : રાત્રે 11 વાગ્યા સુધીમાં કોરોનાના નવા 39,414 કેસ નોંધાયા:કુલ કેસનો આંકડો 93,49,285 થયો :એક્ટીવ કેસ 4, 53,436 થયા: વધુ 39,815 દર્દીઓ સ્વસ્થ થતા કુલ 87,57,524 રિકવર થયા :વધુ 438 લોકોના મોત સાથે કુલ મૃત્યુઆંક 1,36,190 થયો access_time 11:58 pm IST