Gujarati News

Gujarati News

News of Saturday, 21st November 2020

ઉચ્ચ અભ્યાસ માટે ભારતીય સ્ટુડન્ટ્સમાં હજુ પણ અમેરિકા હોટ ફેવરિટ : 2019-20 ની સાલના શૈક્ષણીક વર્ષમાં કોરોના વાઇરસ કહેર વચ્ચે પણ 2 લાખ જેટલા ભારતીય વિદ્યાર્થીઓએ અમેરિકા પસંદ કર્યું : ઇન્સ્ટિટ્યૂટ ઓફ ઇન્ટરનેશનલ એજ્યુકેશનનો અહેવાલ

વોશિંગટન : 1972  ની સાલથી યુ.એસ.ડિપાર્ટમેન્ટ ઓફ સ્ટેટિસ્ટિકલ સર્વે ઓન ઇન્ટરનેશનલ સ્ટુડન્ટ્સ તથા યુ.એસ.ડિપાર્ટમેન્ટ ઓફ સ્ટેટ્સ બ્યુરો ઓફ એજ્યુકેશન એન્ડ કલચરલ અફેર્સ દ્વારા સંયુક્ત ઉપક્રમે કરાતા સર્વેમાં જાણવા મળ્યા મુજબ ઉચ્ચ અભ્યાસ માટે ભારતીય  સ્ટુડન્ટ્સમાં  હજુ પણ અમેરિકા હોટ ફેવરિટ છે.ખાસ કરીને  2019-20 ની સાલના શૈક્ષણીક વર્ષમાં કોરોના વાઇરસ કહેર વચ્ચે પણ 2 લાખ જેટલા ભારતીય વિદ્યાર્થીઓએ ઉચ્ચ અભ્યાસ માટે  અમેરિકા પસંદ કર્યું હતું .

16 નવેમ્બરના રોજ પ્રસિદ્ધ કરાયેલા સર્વેમાં જાણવા મળ્યા મુજબ આ સાલમાં વિશ્વના 1 મિલિયન જેટલા સ્ટુડન્ટ્સે ઉચ્ચ અભ્યાસ માટે અમેરિકા પસંદ કર્યું હતું જેમાં 2 લાખ જેટલા ઇન્ડિયન સ્ટુડન્ટ્સ હતા.જે કુલ સંખ્યાના 20 ટકા જેટલા થવા જાય છે.તેવું સમાચાર સૂત્રો દ્વારા જાણવા મળે છે.

 

(7:35 pm IST)
  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 45,877 કેસ નોંધાયા :કુલ કેસનો આંકડો 90,50,212 થયો :એક્ટીવ કેસ ઘટીને 4,39,839 થયા:વધુ 48,560 દર્દીઓ સ્વસ્થ થતા કુલ 84,75,576 રિકવર થયા :વધુ 559 લોકોના મોત સાથે કુલ મૃત્યુઆંક 1,32,761 થયો access_time 1:06 am IST

  • અયોધ્યા રામ મંદિર નિર્માણ ટ્રસ્ટની મિટિંગ આવતીકાલ રવિવારે દિલ્હીમાં મળશે : એલએન્ડટી, ટાટા કન્સલ્ટન્સી, સોમપુરા કન્સ્ટ્રક્શન તથા દૂરદર્શન સાથેના કરારો અંગે નિર્ણય લેવાશે : ટ્રસ્ટના મહાસચિવ ચંપતરાય ,ટ્રસ્ટી ડો.અનિલ મિશ્ર, વિમલેન્દ્ર મોહન પ્રતાપ મિશ્ર સહિતના અગ્રણીઓ હાજરી આપશે access_time 1:49 pm IST

  • અમેરિકી નાગરિકોને અફઘાનિસ્તાન છોડી દેવા અપાયેલ ચેતવણી:કાબુલ, અફઘાનિસ્તાનમાં બહુવિધ રોકેટ હુમલા થયાના પગલે અમેરિકાએ તેના નાગરિકોને અફઘાનિસ્તાન છોડી બહાર નીકળી જવા માટે ચેતવણી સાથે અપીલ કરી છે. ( પ્રતીકાત્મક તસ્વીર) access_time 12:44 am IST