Gujarati News

Gujarati News

News of Monday, 26th October 2020

' આ વખતની પ્રેસિડન્ટ પદની ચૂંટણી અમેરિકાના ઇતિહાસમાં સૌથી વધુ મહત્વ ધરાવનારી છે : હું જો બિડન કરતા પાછળ નથી : મારો ચૂંટણી પ્રચાર બરાબર ચાલી રહ્યો છે : અમેરિકામાં શરૂ થઇ ગયેલા મતદાન ( અર્લી વોટિંગ ) દરમિયાન ડોનાલ્ડ ટ્રમ્પનું ઉદબોધન

વોશિંગટન : અમેરિકાના પ્રેસિડન્ટ પદની ચૂંટણી 3 નવેમ્બરના રોજ છે.પરંતુ મતદાન અત્યારથી ચાલુ થઇ ગયું છે.જેને અર્લી વોટિંગ કહેવામાં આવે છે.આ મતદાનમાં રસાકસી વાળા રાજ્યોમાં ડેમોક્રેટ ઉમેદવાર આગળ હોવાની વાતનું ખંડન કરતા રિપબ્લિકન ઉમેદવાર ડોનાલ્ડ ટ્રમ્પએ કહ્યું હતું કે હું બિડન કરતા પાછળ નથી.મારો ચૂંટણી પ્રચાર બરાબર ચાલી રહ્યો છે.

તેમણે ઉમેર્યું હતું કે આ વખતની પ્રેસિડન્ટ પદની ચૂંટણી અમેરિકાના ઇતિહાસમાં સૌથી વધુ મહત્વ ધરાવનારી છે  . ઓહિયોના કોલંબસમાં મીડિયા સમક્ષ નિવેદન કરતા ટ્રમ્પએ જણાવ્યું હતું કે  જો બિડન આગળ હોવાની વાત ખોટી છે. અમારો ચૂંટણી પ્રચાર બરાબર ચાલી રહ્યો છે.

ઉલ્લેખનીય છે કે બીજી ટર્મમાં પ્રેસિડન્ટ  તરીકે ચૂંટાઈ આવવા માટે ટ્રમ્પ સમગ્ર દેશનો પ્રવાસ કરી રહ્યા છે.તથા ચૂંટાઈ આવવા માટે એડીચોટીનું જોર લગાવી રહ્યા છે.

(12:38 pm IST)
  • 26 થી 29 ઓક્ટોબર દરમિયાન દિલ્હીમાં આર્મી કમાન્ડર્સની કોન્ફરન્સ યોજાશે access_time 10:07 pm IST

  • મહેસાણા: ઇતિહાસમાં પહેલીવાર કોરોના મહામારીને કારણે બહુચર માતાની 'પાલખી યાત્રા' નીકળી ન હતી. access_time 10:09 pm IST

  • ઝારખંડ : પિકનિક મનાવવા નીકળેલા અને બાગમુંડા ધોધ પર ગયેલા ૭, ૧૧, ૧૬ વર્ષના ત્રણ બાળકો નદીના તીવ્ર પ્રવાહમાં તણાય ગયા, બેના મૃતદેહ મળ્યા: કિશોરીની શોધ ચાલુ.. access_time 10:02 pm IST