News of Friday, 20th November 2020
અમેરિકાના સુવિખ્યાત ' વોશિંગટન પોસ્ટ લાઈવ ' ના બ્રોડકાસ્ટ પ્રોડ્યુસર તરીકે ભારતીય મૂળના પત્રકાર સુશ્રી ચિત્રા વઢવાણીની નિમણુંક : અમેરિકામાં જાતીય ભેદભાવ વિરુદ્ધ ચલાવાઈ રહેલી ' રેસ ઈન અમેરિકા ' સિરીઝનું સંચાલન કરશે
વોશિંગટન : અમેરિકાના સુવિખ્યાત ' વોશિંગટન પોસ્ટ લાઈવ ' ના બ્રોડકાસ્ટ પ્રોડ્યુસર તરીકે ભારતીય મૂળના પત્રકાર સુશ્રી ચિત્રા વઢવાણીની નિમણુંક થઇ છે.
તેઓ અમેરિકામાં જાતીય ભેદભાવ વિરુદ્ધ ચલાવાઈ રહેલી ' રેસ ઈન અમેરિકા ' સિરીઝનું સંચાલન કરશે.જે અશ્વેત જ્યોર્જ ફ્લોયડના પોલીસ દમનને કારણે થયેલા મૃત્યુ બાદ શરૂ કરાઈ છે.
વોશિંગટન પોસ્ટ લાઈવ માં ડિજિટલ પ્રોગ્રામિંગનું પ્રમાણ વધ્યું છે.જે મુજબ એપ્રિલ માસથી 200 જેટલા પ્રોગ્રામ પ્રસારિત થાય છે.જેમાં રેસ ઈન અમેરિકા વધુ મહત્વ ધરાવે છે.જેમાં સમાનતા માટેની ઝુંબેશ છે.જેના પ્રસારણ માટે તેઓ રિપોર્ટરો ,એડિટર્સ, તથા ન્યૂઝરૂમના સતત સંપર્કમાં રહેશે.
તેમના અનુભવનો લાભ વોશિંગટન પોસ્ટ લાઈવને મળશે તેવું સંચાલકે જણાવ્યું હતું.
(8:15 pm IST)