Gujarati News

Gujarati News

News of Friday, 2nd October 2020

૩૦૪ કરોડના જી.એસ.ટી. કૌભાંડમાં જુનાગઢના સંજય મશરૂની જામીન અરજી ફગાવી દેતી રાજકોટ કોર્ટ

રાજકોટ તા.ર : રાજકોટના એડી. સેશન્સ જજ હીરપરાએ જીએસટીની રૂ.૩૦૪ કરોડની રકમની ઉચાપતના આરોપી સંજય મશરૂની જામીન અરજી રદ કરતા ઠરાવેલ છે કે નવા અમલમાં આવેલ આ કાયદા હેઠળ સરકારી નાણાની આ પ્રકારની ઉચાપતને સહજતાથી લઇ શકાય નહી. જયારે વધુ આરોપીઓ સડોવણી સ્પષ્ટ થતી હોય અને તપાસ ચાલુ હોય ત્યારે જામીન આપી શકાય નહી.

આ કેસની હકીકત એવા પ્રકારની છે કે, જુનાગઢના રહીશ સંજય મશરૂએ જીએસટીના કાયદા હેઠળ જુદા જુદા નામોથી પેઢીઓ રજીસ્ટ્રેશન કરાવવા માટે ઓનલાઇન અરજી કરેલ જે દસ્તાવેજો પણ અપલોડ કરેલ હતા. આ રીતે જુદા જુદા નામથી રજીસ્ટ્રેશન મેળવ્યા બાદ સંજય મશરૂ અને તેના બનેવી પ્રવિણ તન્નાએ વિવિધ પેઢીઓના બીલો બનાવી રૂ.૩૦૪ કરોડના જુદા જુદા વ્યવહારો અંગે ઇ-વે બીલો જીએસટીની સાઇટ ઉપર અપલોડ કરેલા હતા. આ પ્રકારના વ્યવહારો અંગે જીએસટીની અમદાવાદની મુખ્ય કચેરીને એક નનામી માહિતી મળેલ કે, સંજય મશરૂ અને પ્રવિણ તન્નાએ વિવિધ પેઢીના નામથી જીએસટીના રજીસ્ટ્રેશનો મેળવેલ છે અને અન્ય પેઢીઓએ મોકલાવેલ માલના બીલો આ બંને આરોપીઓ ખોટી રીતે બનાવી જી.એસ.ટી.ની રકમના સેટઓફ મેળવી સરકારી નાણાની ઉચાપત કરે છે. આ પ્રકારની માહિતી મળતા અમદાવાદ ઓીફસ રાજકોટ ઓફિસને તપાસનો આદશે આપતા રાજકોટ અ?ીફસે આ ખોટા રજીસ્ટ્રેશન વાળી પેઢીઓની ખરાઇ કરેલ.

આ દરમિયાન આ બંને આરોપીઓ અલગ અલગ વ્યકિતઓ પાસેથી આધાર કાર્ડ પાન કાર્ડ જેવા દસ્તાવેજો મેળવેલા હતા. જે દસ્તાવેજોના આધારે તેઓના નામે જીએસટી હેઠળ રજીસ્ટ્રેશન કરાવી મોટી રકમનોવેપાર દર્શાવેલ હતો. આ રકમમાંથી જીએસટીના ટેક્ષની રકમ થતી હતી જે અંગે આ નાના વ્યકિતઓને કાંઇ જ માહિતી ન હતી. પરંતુ આરોપીઓ આ લોકોના નામે ખોટા વેપાર દર્શાવી અસલ વેપારીઓને જીએસટીની રકમની ઉચાપત કરાવતા હતા અને ખોટા સેટઓફ મેળવી આવતા હતા. તપાસ દરમિયાન જુનાગઢ જીએસટીના કન્સલ્ટન્ટ તથા એકાઉન્ટન્ટનું પણ નિવેદન નોંધેલ જેમાં તેઓના જણાવેલ કે ખોટા નામવાળી આ ૧૦ પેઢીઓ વતી  આ બંને આરોપીઓ જ આવતા હતા અને વ્યવહારો લખાવતા હતા.

એડી. સેશન્સ જજ શ્રી હિરપરા સમક્ષ જીએસટી વિભાગ વતી રજુઆત કરતા જિલ્લા સરકારી વકીલ શ્રી સંજયભાઇ કે. વોરાએ જણાવેલ હતું કે જીએસટી કાયદા હેઠળ જુજ ફરીયાદો થયેલ છે અને ધરપકડ કરી કોર્ટમાં રજુ કરેલા ખુબ જ ઓછા દાખલા હોવાથી સામાન્ય કાયદાની ત્રુટીઓ હોવી  સ્વાભાવિક છે. પરંતુ આરોપીઓ ઉપરની રેઇડ દરમિયાન અલગ અલગ વ્યકિતઓના નામના દસ્તાવેજ મળી આવવાથીત ે હકિકત સાબીત થાય છે કે આરોપીઓ ઓનલાઇન અરજીની પ્રોસીજરનો ગેરલાભ ઉઠાવી જુદા જુદા નામના જીએસ.ટી રજીસ્ટ્રેશન મેળવે છે અને ખરીદનાર વેપારીઓ પાસેથી જીએસટીની મોટી રકમ વસુલ કરી આવી રકમોની ઉચાપત કરવામાં મુળ વેપારીઓને મદદગારી કરી સેટઓફ કરાવી આપે છે. ત્યારે સરકારશ્રીએ ઘણી મોટી રકમનું નુકાસન ભોગવવુ પડે છે. આ ઉપરાંત જે પ્રક્રિયા વેપારી વર્ગની સહુલીયત અને સગવડતા માટે ઘડવામાં આવેલી છે. તેવી પ્રક્રિયાનો આ પ્રકારના આરોપી જયારે ગેરલાભ ઠાવતા હોય ત્યારે અર્થવ્યવસ્થા ઉપર સમયાંતરે ખુબ જ મોટી અવળી અસર પડે છે. આ ઉપરાંત આ કૌભાંડમાં આરોપીઓ સિવાય અન્ય કોઇવ્યકિતઓ સંડોવાયેલા છે કે કેમ તે અંગેની તપાસ જયારે  વિભાગીય રીતે પ્રક્રિયામાં હોય ત્યારે આરોપીને જામીન મુકત કરી પુરાવા સાથે ચેડા કરવાની તક આપવા સમાન લાભ આપી શકાય નહી. શ્રી સરકાર તરફેની આ તમામ રજુઆતો ધ્યાનમાં લઇ નામ. સેશન્સ કોર્ટે આરોપી સંજય મશરૂની જામીન અરજી રદ કરેલ છે

આ કેસમાં જીએસટી વિભાગ વતી જિલ્લા સરકારી વકીલ સંજયભાઇ કે. વોરા રોકાયેલ હતા.

(1:00 pm IST)
  • હાથરસ કાંડ : ભાજપના વરિષ્ઠ નેતા ઉમાભારતીની યોગી આદિત્યનાથને અપીલ : નેતાઓ અને મીડિયાને પીડિતાના ઘેર જવા દયો : તમારી અને બીજેપીની છબી ખરાબ થઇ છે : હું કોરોના સંક્રમિત હોવાથી લાચાર છું : સાજી થયા પછી સૌપહેલાં પીડિતાના ઘેર જઈશ : આપણે હજુ થોડા દિવસ પહેલા જ અયોધ્યામાં રામ મંદિરનું ભૂમિ પૂજન કરી રામરાજ્ય લાવવાની વાતો કરી : બીજીબાજુ દલિત યુવતી ઉપર ગેંગ રેપ પછી પોલીસની કાર્યવાહી શંકાજનક : કેન્દ્રીય મંત્રી સાધ્વી નિરંજન જ્યોતિએ પણ યુ.પી.પોલીસની શંકાશીલ કાર્યવાહી વિરુદ્ધ સવાલ ઉઠાવ્યા access_time 8:11 pm IST

  • દાદાને શ્રદ્ધાંજલિ આપી નાનપણની તસવીર શેર કરી : સ્વર્ગસ્થ વડાપ્રધાન લાલ બહાદુર શાસ્ત્રીના આજે ૧૧૬માં જન્મદિવસ નિમિત્તે તેમના સૌથી મોટા પુત્ર સંજય નાથ સિંઘે ટ્વિટર ઉપર દાદાને યાદ કરી શ્રદ્ધાંજલિ આપી નાનપણની આ તસવીર શેર કરી છે. તેઓ ટાટા સ્ટીલમાં કામ કરી રહ્યા છે અને ઓલ ઈન્ડિયા ફાર્મર્સ એસોસિએશનના વર્કિંગ પ્રેસિડેન્ટ પણ છે. access_time 4:43 pm IST

  • દેશમાં સૌથી વધુ કોરોનાથી અસરગ્રસ્ત ૫ રાજયો (રીકવરી, મૃત્યુ અને એકટીવ કેસ સાથે) :(૧) મહારાષ્ટ્ર - ૧૪,૦૦,૯૨૨ (૨) આંધ્ર - ૭,૦૦,૨૩૫ (૩) તામિલનાડુ - ૬,૧૧,૮૩૭ (૪) કર્ણાટક - ૬,૦૩,૨૯૦ (૫) ઉત્તરપ્રદેશ - ૪,૦૩,૧૦૧ access_time 11:24 am IST