Gujarati News

Gujarati News

News of Friday, 2nd October 2020

હાઇવે પર હેલ્મેટ ફરજીયાત છે...પહેરજો નહિતર દંડ થશેઃ ચેકીંગ વખતે વાહન ચાલકોનો આક્રોશ

એક તો કામધંધા નબળા છે એમાં આવા દંડ દાઝયા પર ડામ જેવા બની રહે છેઃ વાહનચાલક

રાજકોટઃ શહેરને સંલગ્ન હાઇવે પર ટુવ્હીલર ચાલકે હેલ્મેટ પહેરવી ફરજીયાત છે. નહિ પહેરનારાને સીસીટીવી કેમેરા મારફત ફોટા પાડીને ઇ-મેમો ફટકારવામાં આવે છે. તેમજ પોલીસ અલગ-અલગ હાઇવે પર રૂબરૂ ચેકીંગ કરી હેલ્મેટ વગરના વાહન ચાલકો પાસેથી દંડ વસુલવામાં આવે છે. આજે માધાપર ચોકડીથી બેડી ચોકડી તરફના હાઇવે પર ટ્રાફિક પોલીસે હેલ્મેટ ચેકીંગ ઝુંબેશ હાથ ધરી હતી અને દંડ વસુલ કર્યો હતો. કેટલાક વાહન ચાલકોએ હેલ્મેટના દંડ સામે પોલીસ સમક્ષ આક્રોશ પણ ઠાલવ્યો હતો. જે નીચેની તસ્વીરમાં જોઇ શકાય છે. એક વાહન ચાલકે પોલીસ સમક્ષ કરગરીને કહ્યું હતું કે મજૂરી કરી ગુજરાન ચલાવતાં નાના માણસોને હાલમાં કોરોનાને કારણે પુરતી રોજગારી મળી રહી નથી ત્યારે ભુલથી શહેરી વિસ્તારમાંથી શહેરને ટચ હાઇવે પર કામ સબબ હેલ્મેટ વગર પહોંચી જાય તો તેની સામે દયાભાવના રાખવી જરૂરી છે. કોરોનાકાળમાં એક તો લોકોને પુરતા કામ-મજૂરી મળી રહ્યા નથી ત્યારે આવા હેલ્મેટના મસમોટા દંડના ડામ વધુ પરેશાની આપનારા બની રહે છે. (ફોટોઃ સંદિપ બગથરીયા)

(3:16 pm IST)
  • રોહીત-પોલાર્ડ હિટ, મુંબઇ સુપરહિટ : ૪૮ રનથી ચેમ્પીયન ટીમ શાનદાર જીત સાથે પોઇન્ટ-ટેબલમાં ટોપ પરઃ મુંબઇએ છેલ્લી પાંચ ઓવરમાં બનાવેલા ૮૯ રન પંજાબને ભારે પડયાઃ ટુર્નામેન્ટમાં ૫૦૦૦ રન પૂરા કરનાર ત્રીજો ખેલાડી બન્યો રોહીત શર્મા access_time 3:48 pm IST

  • ૩૧ ઓકટોબર સુધીમાં જ ફી ભરનારા વાલીઓને ફીમાં ૨૫ ટકાની રાહત મળશેઃ૩૧ ઓકટોબર સુધીમાં જ ફી ભરનારા કે ગત વર્ષે ફી નહિ ભરી હોય તેવા વાલીઓને ફીમાં ૨૫ ટકાની રાહત નહિ આપવાનો રાજય સરકાર દ્વારા નિર્ણય કર્યો હોવાનું જાણવા મળે છેઃ આવો નિર્ણય જાહેર કરતા ઓલ ગુજરાત વાલી મંડળ દ્વારા સ્કુલ સંચાલકોના નિર્ણયનો વિરોધ કરી સરકારમાં ફરીથી રજુઆત કરવાની ચીમકી આપી હોવાનું જાણવા મળે છે access_time 11:25 am IST

  • દેશમાં કોરોનાનો કહેર યથાવત : રાત્રે 12 વાગ્યા સુધીમાં નવા 81,693 કેસ નોંધાયા :કુલ કેસની સંખ્યા 63,91,860 થઇ :હાલમાં 9,42,585 એક્ટિવ કેસ :વધુ 78,646 દર્દીઓ સ્વસ્થ થતા કુલ 53,48,653 રિકવર થયા :વધુ 1096 દર્દીઓના મોત સાથે મૃત્યુઆંક 99,804 થયો access_time 1:03 am IST