Gujarati News

Gujarati News

News of Friday, 2nd October 2020

૧૩-૧૪ વર્ષના બે ટેણીયા મોંઘીદાટ સાઇકલો ચોરી ૫૦૦ થી ૧૦૦૦માં વેંચી મારતાં: ધરપકડઃ ૧૯ સાઇકલો કબ્જે

બંને ટેણીયા રેકી કરી ઘરના ફળીયા, એપાર્ટમેન્ટના પાર્કિંગમાંથી તાળા વગરની સાઇકલો ચોરતાં: ૧,૦૬,૦૦૦ની સાઇકલો ચોરી'તી : હેડકોન્સ. મનરૂપગીરી, મનિષભાઇ અને મૈસુરભાઇની બાતમી ભકિતનગર પીઆઇ જે. ડી. ઝાલા, પીએસઆઇ જે. બી. પટેલ અને ટીમની વધુ એક પ્રસંશનીય કામગીરી

રાજકોટ તા. ૨: કોરોનાકાળમાં સાઇકલનું ચલણ વધ્યું છે. સાથોસાથ સાઇકલોની ચોરીના બનાવો પણ વધ્યા છે. ભકિતનગર પોલીસ સ્ટેશન વિસ્તારના રહેણાંકોના ફળીયા તથા એપાર્ટમેન્ટમાંથી લોક કર્યા વગરની મોંઘીદાટ સાઇકલો છેલ્લા કેટલાક સમયથી સતત ચોરાઇ રહી હતી. ટુંકાગાળામાં જ એકાદ લાખથી વધુની કિંમતની ૧૯ સાઇકલો ચોરાઇ ગઇ હતી. આ ભેદ પોલીસે ઉકેલી નાંખી ૧૩ અને ૧૪ વર્ષની વય ધરાવતાં બે ટાબરીયાને પકડી લઇ રૂ. ૧,૦૬,૦૦૦ની ૧૯ સાઇકલો કબ્જે કરી છે. આ બંને મોજશોખ માટે મોંઘીદાટ સાઇકલ માત્ર ૫૦૦ થી ૧૦૦૦માં વેંચી મારતાં હતાં!

ભકિતનગર પોલીસ મથક હેઠળના વિસ્તારોમાં કેટલાક સમયથી સાઇકલો ચોરીના બનાવ વધ્યા હોઇ પીઆઇ જે. ડી. ઝાલાના માર્ગદર્શન હેઠળ પીએસઆઇ જે. બી. પટેલ તથા ટીમે તપાસ શરૂક રી હતી અને બાતમીદારોની ટીમોને કામે લગાડી સીસીટીવી કેમેરા ચેક કરવા તજવીજ કરી હતી. દરમિયાન હેડકોન્સ. મનરૂપગીરી ગોસ્વામી, કોન્સ. મનિષભાઇ શિરોડીયા અને મૈસુરભાઇ કુંભરવાડીયાને મળેલી બાતમી પરથી બે ટાબરીયાને સકંજામાં લેવાયા હતાં.

પુછતાછમાં આ બંનેએ ૧૯ સાઇકલો ચોરી કર્યાની અને પાણીના ભાવે મજૂરોને વેંચી દીધાનું કહેતાં પોલીસે આ સાઇકલો કબ્જે કરી હતી. પોલીસે કબ્જે કરેલી એ-વન, હોરી, કોરાડો, હગ, સનક્રોસ, સ્પોર્ટન, હરકયુલિયીસ સહિતની કંપનીની સાઇકલોની કિંમત રૂ. ૪૦૦૦ થી માંડી ૮૦૦૦ સુધીની છે. બંને સગીરો ગરીબ પરિવારના છે અને પોતાના મોજશોખ પુરા કરવા માટે ચોરીના રવાડે ચડ્યા હતાં. અલગ-અલગ વિસ્તારમાં પગપાળા જઇ રેકી કરતાં અને ફળીયા કે એપાર્ટમેન્ટના પાર્કિંગમાં લોક વગરની સાઇકલ હોય તો ઉઠાવી લેતાં હતાં. મોટે ભાગે મોંઘી અને વા જેવી સાઇકલો હોય એ જ ચોરતાં હતાં. બાદમાં માત્ર ૫૦૦ થી ૧૦૦૦માં વેંચી રોકડી કરી લેતાં હતાં.

પોલીસ કમિશનર શ્રી મનોજ અગ્રવાલ, જેસીપી ખુરશીદ અહેમદ, ડીસીપી પ્રવિણકુમાર મીણા અને એસીપી એચ. એલ. રાઠોડની સુચના તથા પીઆઇ જે. ડી. ઝાલાની રાહબરીમાં પીએસઆઇ જે. બી. પટેલ, એએસઆઇ ફિરોઝભાઇ શેખ, હેડકોન્સ. રણજીતસિંહ પઢારીયા, મનરૂપગીરી, સલિમભાઇ મકરાણી, કોન્સ. વાલજીભાઇ જાડા, ભાવેશભાઇ મકવાણા, મનિષભાઇ, દિવ્યરાજસિંહ, રાજશેભાઇ,  રણજીતસિંહ જાડેજા, મૈસુરભાઇ સહિતે આ કામગીરી કરી હતી.

(3:17 pm IST)
  • હાથરસ ગેંગ રેપ : દિલ્હીના જંતર મંતર ઉપર વિરોધ પક્ષોનો જમેલો : સીપીએમ મહાસચિવ સીતારામ યેચુરી ,સીપીઆઇ નેતા ડી.રાજા ,આમ આદમી પાર્ટીના સૌરભ ભારદ્વાજ ,જીગ્નેશ મેવાણી ,ભીમ આર્મીના ચંદ્રશેખર આઝાદ ,તથા બૉલીવુડ અભિનેત્રી સ્વરા ભાસ્કર સહિતનાઓ મેદાનમાં : યુ.પી.સરકાર વિરુદ્ધ સૂત્રોચ્ચાર કર્યા access_time 7:00 pm IST

  • રાપર હત્યાકાંડ : કચ્છના રાપર વકીલ હત્યાકાંડ : સીટમાં વધુ બે અધિકારી પશ્ચિમ કચ્છનાં એસપી સૌરભસિંઘ અને મુન્દ્રા મરીન પીઆઇ ગિરિશ વાણિયાની વરણી આરોપીઓના નાર્કો ટેસ્ટ કરવાની દિશામાં ચક્રો ગતિમાન, હત્યાના ચોક્કસ કારણો જાણવા સીટ દ્વારા તપાસનો ધમધમાટ access_time 10:47 pm IST

  • દાદાને શ્રદ્ધાંજલિ આપી નાનપણની તસવીર શેર કરી : સ્વર્ગસ્થ વડાપ્રધાન લાલ બહાદુર શાસ્ત્રીના આજે ૧૧૬માં જન્મદિવસ નિમિત્તે તેમના સૌથી મોટા પુત્ર સંજય નાથ સિંઘે ટ્વિટર ઉપર દાદાને યાદ કરી શ્રદ્ધાંજલિ આપી નાનપણની આ તસવીર શેર કરી છે. તેઓ ટાટા સ્ટીલમાં કામ કરી રહ્યા છે અને ઓલ ઈન્ડિયા ફાર્મર્સ એસોસિએશનના વર્કિંગ પ્રેસિડેન્ટ પણ છે. access_time 4:43 pm IST