Gujarati News

Gujarati News

News of Wednesday, 16th September 2020

મંગળા રોડ પર રિક્ષાના પાર્ટસના ગોડાઉનમાં સમી સાંજે ચોરીનો પ્રયાસઃ શકમંદોની પુછતાછ

વણિક વેપારી પ્રશાંતભાઇને એક રહેવાસીએ ગોડાઉનની ડેલીના તાળા તૂટ્યાની જાણ કરતાં એ-ડિવીઝનમાં ફરિયાદ નોંધાવી

રાજકોટ તા. ૧૫: મંગળા રોડ પર આવેલા વણિક વેપારીના રિક્ષાના પાર્ટસના ગોડાઉનના તાળા તોડી ચોરીનો પ્રયાસ કરવામાં આવ્યો હતો. ત્રણ શકમંદને પોલીસે સકંજામાં લઇ તપાસ હાથ ધરી છે.

આ બનાવમાં એ-ડિવીઝન પોલીસે મનહરપ્લોટ-૨માં રહેતાં અને મંગળા રોડ પર પરિશ્રમ પ્લાઝામાં પ્રશાંત ઓટો પાર્ટસ નામે થ્રીવ્હીલના પાર્ટસનો વેપાર કરતાં પ્રશાંતભાઇ અનંતરાય દોશી (ઉ.વ.૪૦)ની ફરિયાદ પરથી ચોરીના પ્રયાસનો ગુનો નોંધ્યો છે.

પ્રશાંતભાઇએ જણાવ્યું હતું કે મારા ઓટો પાર્ટસ રાખવાનું ગોડાઉન મારી દૂકાનની સામેના ભાગે છે અને પાછળની શેરીમાં જ મારું રહેણાંક છે. મંગળવારે સાંજે આઠેક વાગ્યે દૂકાન વધાવી ગોડાઉનની ડેલીએ તાળુ મારી ઘરે ગયો હતો. એ પછી બાજુની શેરીમાં રહતો એક ભાઇ કે જેનું નામ આવડતું નથી તેણે આવીને કહેલું કે તમારા ગોડાનિની ડેલીનું તાળુ તૂટેલુ છે. આથી હું તુરત જ ત્યાં મારા પિતાજી તથા નાના ભાઇ હિમાંશુને લઇને ગયો હતો.

તપાસ કરતાં તાળુ તુટેલે દેખાયુ હતું અને અંદર બધો સામાન વેરવિખેર હતો. રિક્ષાના સેલ્ફ એક બાચકામાં ભરેલા જોવા મળ્યા હતાં. એલ્યુમિનિયમ પાર્ટસના બે બાચકા પણ ભરીને ડેલી પાસે રાખેલા જોવા મળ્યા હતાં. આ તમામ ચીજવસ્તુ ચોરી જવાના ઇરાદે તસ્કરોએ બાચકમાં ભરી રાખી હતી. હેડકોન્સ. આર.એલ. વાઘેલાએ ગુનો નોંધતા વિશેષ તપાસ પીએસઆઇ જે. એમ. ભટ્ટે હાથ ધરી છે. એ-ડિવીઝન પોલીસે ત્રણેક શકમંદોને શોધી વિશેષ તપાસ શરૂ કરી છે.

(12:53 pm IST)
  • રાજસ્થાનમાં ફરી રાજકીય તણાવના એંધાણ : ગેહલોતના મંત્રી વિરુદ્ધ ધારાસભ્યે ખોલ્યો મોરચો : ગજેન્દ્રસિંહ શેખાવતે કહ્યું હવે શરૂ થશે નકારાનિકમ્મા પાર્ટ-2: ખાણ વિભાગના મંત્રી પ્રમોદ જૈન ભાયાનું નામ લીધા વિના ધારાસભ્ય ભરતસિંહે લખેલ પત્રમાં કહેવાયું કે મુખ્યમંત્રીએ રાજ્યના પ્રભારી મંત્રીઓને બદલી નાખ્યા પરન્તુ સૌથી ભ્રષ્ટ મંત્રીને હજુ સુધી બરખાસ્ત કર્યા નથી access_time 8:58 am IST

  • સાંસદ જય બચ્ચનના ડ્રગ્સ અંગે નિવેદન બાદ અમિતાભ બચ્ચનના ઘરની સુરક્ષા વધારે : ડ્રગ્સના નિવેદન પર રવિકિશન અને જયા બચ્ચન વચ્ચે વાક્યુદ્ધ છેડાયું હતું access_time 1:56 pm IST

  • ઉત્તર પ્રદેશમાં 21 સપ્ટેમ્બરથી સ્કૂલો ખુલવાની શક્યતા નહિવત : રાજ્યમાં વધી રહેલા કોરોના સંક્રમણને ધ્યાને લઇ ડેપ્યુટી સી.એમ.દિનેશ શર્માનો નિર્દેશ : કેન્દ્ર સરકારે અનલોક 4 માં 21 સપ્ટે.થી સ્કૂલો ખોલવાની મંજૂરી આપી હોવા છતાં રાજ્ય સરકાર અસંમત : વિદ્યાર્થીઓની સુરક્ષાને પ્રાધાન્ય આપવાનો હેતુ access_time 12:20 pm IST