Gujarati News

Gujarati News

News of Wednesday, 16th September 2020

શાળાઓ અને હોસ્ટેલ ચાલુ ન થતાં રસોઇના કોન્ટ્રાકટ ધરાવતાં જયેશભાઇ ઝેર પી ગયા

કોરોનાને કારણે સ્કૂલ-કોલેજ-હોસ્ટેલ સતત બંધ હોઇ પૂજારા પ્લોટના સોની યુવાન પર દેણું પણ થઇ ગયું હતું: સિવિલમાં સારવાર હેઠળ

રાજકોટ તા. ૧૫: કોરોનાને કારણે લોકડાઉનને લીધે અનેક લોકોના ધંધા-રોજગારને માઠી અસર પડી છે. આ કારણે અગાઉ અનેક લોકો હિમ્મત હારી ટૂંકો માર્ગ અપનાવી આપઘાત કે આપઘાતનો પ્રયાસ કરી ચુકયા છે. વધુ એક બનાવમાં લક્ષ્મીવાડીના સોની યુવાને આવા જ કારણોસર ઝેરી દવા પી આત્મહત્યાનો પ્રયાસ કર્યો છે.

લક્ષ્મીવાડી મેઇન રોડ પુજારા પ્લોટ-૮માં રહેતાં જયેશભાઇ શાંતિલાલભાઇ કુંચલા (સોની) (ઉ.વ.૪૦) ઝેરી દવા પી જતાં સિવિલ હોસ્પિટલમાં દાખલ કરવામાં આવ્યા છે. તેમને સંતાનમાં બે પુત્રી છે. તેમના પત્નિ રૂપલબેને કહ્યું હતું કે અમે શાળા-કોલેજ અને હોસ્ટેલ્સમાં રસોઇ બનાવીને આપવાના નાના કોન્ટ્રાકટ રાખી ગુજરાન ચલાવીએ છીએ. પરંતુ કોરોનાને કારણે સતત લોકડાઉન હોઇ અને શાળા-કોલેજ-હોસ્ટેલ ચાલુ થયા ન હોઇ તેમજ હજુ દિવાળી પછી પણ ચાલુ થશે કે કેમ? તેની સતત ચિંતા હોવાથી તેમજ દેણુ પણ થઇ ગયું હોવાથી કંટાળીને પતિએ આ પગલુ ભર્યુ છે.

હોસ્પિટલ ચોકીના સ્ટાફે ભકિતનગર પોલીસમાં જાણ કરતાં પોલીસે નિવેદન નોંધવા તજવીજ કરી હતી.

(12:55 pm IST)
  • " બંધ કરો મતદાન , બીક જાતે હૈ શ્રીમાન " : કોંગ્રેસ છોડી ભાજપમાં જોડાયેલા જ્યોતિરાદિત્ય સિંધિયાને માફ કરવાના મૂડમાં પ્રજા નથી : મધ્ય પ્રદેશમાં યોજાનારી 28 બેઠકોની પેટા ચૂંટણીના પ્રચારમાં નીકળેલા જ્યોતિરાદિત્ય સિંધીયાનો કાળા વાવટા દર્શાવી વિરોધ : ચીફ મિનિસ્ટર શિવરાજ સિંહ તથા ફાયર બ્રાન્ડ બીજેપી આગેવાન ઉમા ભારતી વિરુદ્ધ પણ સૂત્રોચ્ચારનો વિડિઓ વાઇરલ : સત્તા જાળવી રાખવા ભાજપ માટે 9 સીટ ઉપર વિજય મેળવવો મુશ્કેલ બની રહ્યો હોવાના એંધાણ access_time 8:56 pm IST

  • દેશમાં કોરોનાનો વધતો કહેર : રાત્રે 11-45 વાગ્યા સુધીમાં નવા 91.016 પોઝીટીવ કેસ નોંધાયા :1280 લોકોના મોત : કુલ કેસની સંખ્યા 50.17.930 થઇ :9,96,079 એક્ટીવ કેસ :વધુ 82,802 દર્દીઓ સ્વસ્થ થતા કુલ 39.39,048 રિકવર થયા : વધુ 1280 લોકોના મોત સાથે મૃત્યુઆંક 82,088 થયો access_time 12:23 am IST

  • ચીન સામેના યુદ્ધમાં પ્રાણોની આહુતિ આપવા માટે પીછેહટ નહિ કરીએ :શિયા ધર્મગુરૂએ વડાપ્રધાનને લખ્યો પત્ર : ઇમામ-એ-જુમા અને શિયા ધર્મગુરૂ મૌલાના કલ્બે જવાદે કહ્યું કે લેહ અને લદ્દાખના શિયા મુસ્લિમ ભારતની સાથે અને ચીનની વિરુદ્ધ દરેક પગલા પર ઉભા રહેશે: ભારતના કોઇ પણ નિર્ણયની સાથે અમારી કોમ એકતાથી તમામ મુદ્દા પર સમર્થન આપશે. તેના માટે જીવ ગુમાવવાનો વારો આવે તો પણ અમે જરા પણ ખટકાટ અનુભવીશું નહીં access_time 8:58 am IST